Tímarit hjúkrunarfræðinga - 01.08.2007, Page 40
Helga Bragadóttir, PhD, hjúkrunarfræðingur, MSN, lektor hjúkrunarfræðideild, Háskóla íslands, þróunarráðgjafi Landspítala-háskólasjúkrahúsi,
Ragnheiður Sigurðardóttir, hjúkrunarfræðingur, BS, deildarstjóri, vökudeild, Barnaspítala Hringsins Landspítala-háskólasjúkrahúsi,
Herdis Gunnarsdóttir, hjúkrunarfræðingur, MS, deildarstjóri, barnaskurðdeild, Barnaspítala Hringsins Landspítala-háskólasjúkrahúsi,
Auður Ragnarsdóttir, hjúkrunarfræðingur, BS, deildarstjóri, dag- og göngudeild, Barnaspítala Hringsins Landspítala-háskólasjúkrahúsi,
Anna Ólafía Sígurðardóttir, hjúkrunarfræðingur, MS, klínískur lektor, sviðsstjóri, Barnaspítala-Hringsins Landspítala-háskólasjúkrahúsi,.
ÁNÆGJA FORELDRA MEÐ ÞJÓNUSTU Á BARNADEILDUM
BARNASPÍTALA HRINGSINS
Útdráttur
Rannsókn var gerð á ánægju foreldra með þjónustu á barnadeil-
dum Barnaspítala Hringsins. Þátttakendur, 422 foreldrar, áttu
börn á fjórum legudeildum og einni dagdeild barna. Meirihlutinn
voru mæður, giftar eða f sambúð, með menntun umfram
grunnskólapróf. Notaður var skriflegur spurningalisti, spurninga-
listi um ánægju barnafjölskyldna (SÁB). SÁB er fimmgildur
Likert-kvarði með 35 jákvæðum staðhæfingum um þjónustu
og aðbúnað, hjúkrunarfræðingana, læknana og leikmeðferðar-
aðilana, auk þess sem foreldrum er boðið að bæta við athuga-
semdum í eigin orðum. Foreldrar fylltu spurningalistann út við
útskrift barns. Flestir foreldrarnir voru ánægðir með flest atriðin
sem spurt var um. Atriði, sem nokkur hópur foreldra var ekki fylli-
lega ánægður með, lutu að húsgögnum, samstarfi starfsfólks,
samráði starfsfólks við foreldra, upplýsingagjöf til foreldra og
þekkingu lækna á sjúkrasögu barns. Niðurstöður benda til þess
að bæta megi góða þjónustu barnadeilda. Tillögur þar að lútandi
eru settar fram.
Lykilorð: Ánægja sjúklinga, foreldrar, þarfir, sjúkrahús, barna-
hjúkrun.
Inngangur
Bæði austan hafs og vestan er ánægja sjúklinga talinn mikil-
vægur mælikvarði á gæði heilbrigðisþjónustu og hefur í auknum
mæli verið notuð til að meta gæði þjónustunnar og við umbóta-
starf á sjúkrahúsum. Meiri líkur eru taldar á meðferðarheldni hjá
ánægðum sjúklingum og talið að þeir eigi auðveldara með að
ráða við streitu og vanlíðan sem fylgir sjúkrahúsvist. Því er mikil-
vægt að huga að þessum þætti þjónustunnar.
Á íslandi er ánægja sjúklinga einnig talinn mikilvægur mælikvarði
á gæði heilbrigðisþjónustunnar. Þetta er staðfest í Gæðaáætlun
Heilbrigðis- og tryggingamálaráðuneytisins þar sem sett er
fram markmið um að „a.m.k. 90% sjúklinga séu ánægðir með
þá heilbrigðisþjónustu sem þeir fá“ (Heilbrigðis- og trygginga-
málaráðuneytið, 1999, bls. 9). Heilbrigðisstofnunum er gert að
setja fram árangursmælikvarða til að meta ánægju sjúklinga
reglulega.
Þegar börn eiga í hlut er litið svo á að ánægja foreldra jafngildi
ánægju sjúklinga. í rannsókninni, sem gerð er grein fyrir hér, er
litið á foreldra barna á sjúkrahúsum sem skjólstæðinga sjúkra-
hússins engu síður en veika barnið. Tilgangur rannsóknarinnar
var að meta ánægju foreldra með þjónustu á barnadeildum á
íslandi.
ENGLISH SUMMARY
Bragadóttir H, Sigurðardóttir R, Gunnarsdóttir H,
Ragnarsdóttir R, Sigurðardóttir AÓ
Tímarit hjúkrunarfræðinga (2007). 83(3) 38-48
PARENTAL SATISFACTION WITH THE SERVICES IN
PEDIATRIC UNITS AT THE CHILDREN’S HOSPITAL
Study Results
A study was conducted on parental satisfaction with
services in pediatric units. Þarticipants, 422 parents, had
children in four inpatient and one outpatient pediatric
unit. The majority were mothers, married or cohabiting,
with post-compulsory education. The Pediatric Family
Satisfaction Questionnaire (PFSQ) was used. The PFSQ
is a five-point Likert-type paper-and-pencil questionnaire
with 35 positive statements on hospital service and
accommodation, the nurses, the doctors, and the
child life therapists, as well as offering parents to add
their comments in own words. Parents filled out the
questionnaire at the child’s discharge. The majority of
parents’ were satisfied with most of the items asked
about in the statements. A number of parents were not
fully satisfied with items regarding furnishing, teamwork
of staff, collaboration of staff with parents, information
provision to parents, and the doctors familiarity with
the child’s medical history. Study results indicate that
good services in the pediatric units can be improved.
Suggestions thereon are proposed.
Key words: Patient satisfaction, parents, needs, hospital,
pediatric nursing.
Correspondance: Helga Bragadóttir, helgabra@hi.is
Bakgrunnur
Hugmyndafræðilegur bakgrunnur rannsóknarinnar byggist á
hugmynd Donabedian (1980, 1982, 1988) um gæðaþjónustu
heilbrigðisstofnana, kenningu Price (1993) um gæðahjúkrun
og fyrri rannsóknum á þörfum og ánægju foreldra barna
á sjúkrahúsum (Guðrún Kristjánsdóttir o.fl., 2005; Guðrún
Kristjánsdóttir og Helga Bragadóttir, 2001; Helga Bragadóttir
o.fl., 2006; Shields o.fl., 2003, 2004). Grunnþarfir foreldra barna
á sjúkrahúsum voru lagðar til grundvallar vali á mælitæki spurn-
ingalista og þannig leitast við að meta þá þætti sem eru foreldr-
um mikilvægir í þjónustunni (Bragadóttir og Reed, 2002).
38
Tímarit hjúkrunarfræðinga - 3. tbl. 83. árg. 2007