Tímarit hjúkrunarfræðinga - 01.08.2007, Blaðsíða 12
TÆKNI OG UMHYGGJA
Þorbjörg Sóley Ingadóttir flutti erindið „Tækni og umhyggja" á hátíðardagskrá sem haldin var á Grand hóteli
þann 7. maí í tilefni alþjóðadags hjúkrunarfræðinga 12. maí. Erindið er birt með leyfi höfundar.
Þetta málefni, tækni og umhyggja, hefur verið mér mjög hugleikið
og var það hluti af rannsóknarvinnu minni til meistaraprófs í
hjúkrunarfræði árið 2004. Rannsóknin fjallaði um reynslu sjúklinga og
fjölskyldna af því að vera háð tæknilegri meðferð til að halda lífi og
heilsu og hvernig þau upplifðu beitingu tækninnar af hendi fagfólks.
©Þórdís Ágústsdóttir
Þetta verkefni vann ég með Helgu Jónsdóttur, prófessor við hjúkrunarfræðideild.
Að ígrunda það hvernig og hvort notkun
og beiting tækni í heilbrigðiskerfinu hafi
áhrif á hvernig við hjúkrum er afar gagnlegt.
Mikilvægt er að missa ekki sjónar af því
hversu umhyggjusöm nærvera er mikilvæg
í tæknivæddu umhverfi og er sennilega það
dýrmætasta sem við búum yfir í hjúkrun.
í þessari umfjöllun beini ég sjónum
mínum aðallega að þeim sem hafa
lungnatengd vandamál þar sem það var
mitt rannsóknarsvið. Ég ætla ekki að
ræða niðurstöður í neinum smáatriðum
heldur að hugleiða málefnið og Ijá skjól-
stæðingum okkar rödd með því að færa í
letur nokkrar af þeirra reynslusögum sem
tengjast tækni og umhyggju.
Hérna áður fyrr - eða það er nú ekki
lengra síðan en á fyrri hluta síðustu aldar
- voru veikindi litin öðrum augum en í
dag, þ.e.a.s. áður en tækniframfarir urðu
á sviði rannsókna, greiningar og með-
ferðar sjúkdóma. Fólk veiktist og örlög
ein réðu úrslitum. Núna er öldin önnur
og við höfum til staðar alla hugsanlega
möguleika og ef ekki hér á landi þá er
leitað eftir því besta annars staðar.
Við höfum í dag mjög tæknivætt umhverfi
þar sem tækin krefjast mikillar athygli til
að tryggja öryggi sjúklinganna. Eins og
við vitum öll er þetta mikil breyting á tiltölu-
lega stuttum tíma - nýr tækjabúnaður og
möguleikar til lækninga streyma mjög
hratt og þarf starfsfólk stöðugt að læra á
ný og flókin tæki.
Það hefur verið lögð rík áhersla á það
í rannsóknum á síðustu áratugum að
umgengni við tækni í heilbrigðiskerfinu
sé vandasamt og krefjandi viðfangsefni
í okkar starfi. Og brýnt er að halda slík-
10
Tímarit hjúkrunarfræðinga - 3. tbl. 83. árg. 2007