Tímarit hjúkrunarfræðinga - 01.08.2007, Blaðsíða 8
GOTT STARFSUMHVERF!
Fyrirmyndarvinnustaðir = góð hjúkrun
<
Lovísa Baldursdóttir, hjúkrunarfræöingur á Landspítala-háskólasjúkrahúsi.
Alþjóðadagur hjúkrunarfræðinga
árið 2007
Flátíðardagskrá var haldin í tilefni af alþjóða-
degi hjúkrunarfræðinga mánudaginn 7. maí
á Grand hóteli. /\ð þessu sinni beindu
alþjóðasamtökin sjónum að vinnustöðum
og mikilvægi góðs starfsumhverfis. Þróun
heilbrigðisþjónustu í vestrænum ríkjum
kallar stöðugt á nýja þekkingu, þjálfun og
skilvirk vinnubrögð heilbrigðisstarfsmanna.
íslenskt heilbrigðiskerfi hefur ekki farið
varhluta af þessari þróun. Tímaskortur
og aðstöðuieysi draga úr gæðum þeirrar
þjónustu sem þekking og faglegar
kröfur heilbrigðisstarfsmanna bjóða upp
á. Fljúkrunarfræðingar hafa áhyggjur af
gæðum þjónustu og öryggi sjúklinga.
Rannsóknir hafa sýnt að gott starfsumhverfi
heilbrigðisstofnana hefur jákvæð áhrif á
gæði þeirrar þjóhustu sem veitt er.
Starfsumhverfi hjúkrunarfræðinga er víða
ófullnægjandi og kalla alþjóðasamtök
hjúkrunarfræðinga, ICN eftir umbótum
á því. Örugg hágæðaheilbrigðisþjónusta
er háð færni heilbrigðisstarfsmanna og
starfsumhverfi sem styður við frammi-
stöðu starfsmannsins. Skortur á
aðföngum; fjármagni og mannafla, innan
heilbrigðisþjónustunnar hefur leitt til hnign-
unar á starfsumhverfi hennar. Þetta hefur
haft neikvæðar afleiðingar í för með sér.
Verr gengur að ráða starfsfólk og halda
því í starfi, frammistaða og framleiðni
stofnana er minni og það getur að lokum
haft áhrif á afdrif þeirra sem nýta sér
þjónustuna.
Koma verður á góðu starfsumhverfi innan
heilbrigðiskerfisins ef ná á innlendum og
alþjóðlegum markmiðum um heilsu og heil-
brigði. Alþjóðasamtök hjúkrunarfræðinga
munu á komandi árum halda áfram baráttu
sinni fyrir bættu starfsumhverfi hjúkrunar-
fræðinga í heiminum og hafa af þeim
sökum stofnað alþjóðlega miðstöð fyrir
mannafla í hjúkrun (International centre
for human resources in nursing). Markmið
samtakanna er að stuðla að gæðum innan
heilbrigðisþjónustunnar með því að hvetja
til uppbyggingar á góðu starfsumhverfi
fyrir heilbrigðisstarfsfólk. Heimasíða sam-
takanna er www.icn.ch.
Alheimssamtök hjúkrunarfræðinga, ICN,
gefa árlega út lesefni í tilefni dagsins og er
það að finna á heimasíðunni hjukrun.is.
Dagskráin hófst með erindi Lovísu
Baldursdóttur, hjúkrunarfræðings á
Landspítala- háskólasjúkrahúsi.
Þá flutti Þorbjörg Sóley Ingadóttir
hjúkrunarfræðingur á Landspítala-
háskólasjúkrahúsi athyglisvert erindi um
tækni og umhyggju sem sagt er frá
nánar hér í blaðinu. Þórður Helgason,
verkfræðingur á Landspítala- háskóla-
sjúkrahúsi sagði frá öryggi og rekstri
lækningatækja en þar kom fram að flest
atvik stafa af þekkingarleysi þeirra sem
eru að nota tækin og skorti á eðlilegu
viðhaldi.
Þá sögðu þær Kristrún Þórkelsdóttir,
gæðastjóri á Landspítala-háskólasjúkra-
húsi, og Vigdís Hallgrímsdóttir, hjúkrunar-
fræðingur hjá Félagi íslenskra hjúkrunar-
fræðinga frá tækjadögum á svæfinga-,
gjörgæslu- og skurðstofusviði LSH og
birtist grein um það efni einnig í þessu
tölublaði.
Drengjakór Hailgrímskirkju söng fyrir gesti
að dagskrá lokinni.
6
Tímarit hjúkrunarfræðinga - 3. tbl. 83. árg. 2007