Tímarit hjúkrunarfræðinga - 01.08.2007, Blaðsíða 19

Ályktanir fulltrúaþings
Félags íslenskra hjúkrunarfræðinga
Ályktun fulltrúaþings Félags íslenskra hjúkrunarfræðinga
7. og 8. maí 2007 um hækkun launa hjúkrunarfræðinga
Fulltrúaþing Félags íslenskra hjúkrunarfræðinga (FÍH) skorar á
fjármálaráðherra að veita auknu fé til heilbrigðisstofnana svo hægt
sé að fullnýta ákvæði gildandi kjarasamninga og hækka laun
hjúkrunarfræðinga. Jafnframt skorar þingið á fjármálaráðherra að
beita sér fyrir því í komandi kjarasamningum að laun hjúkrunar-
fræðinga endurspegli þá staðreynd að bráðnauðsynlegt er að halda
í vel menntaða og þjálfaða hjúkrunarfræðinga á heilbrigðisstofnun-
um. Auk þess þurfa laun og starfsumhverfi stofnana að stuðla að
eðlilegri nýliðun innan stéttarinnar.
Greinargerð:
í Ijósi þeirra upplýsinga sem koma fram í mannekluskýrslu FÍH
2007 verður að gera stórátak í að gera hjúkrunarstarfið enn eftir-
sóknarverðara fyrir ungt fólk sem er að velja sér nám og starf til
framtíðar. Vitað er að einn megin þátturinn sem ræður starfsvali
eru þau laun sem almennt eru í boði að námi loknu.
Hjúkrunarfræði er nú fjögurra ára háskólanám sem lýkur með 120
eininga BSc. prófi. Vegna mikillar sérhæfingar í heilbrigðisþjón-
ustunni verður krafan um framhaldsnám sífellt meiri. Vaxandi fjöldi
hjúkrunarfræðinga hefur um og yfir sex ára nám að baki. Slíkt nám,
og ábyrgð á lífi fólks sem hjúkrunarfræðingar bera, þarf að viður-
kenna í launum. Það þarf að vera tryggt að laun hjúkrunarfræðinga
séu að fullu sambærileg við laun annarra háskólastétta með sam-
bærilegt nám að baki.
Ályktun fulltrúaþings Félags íslenskra hjúkrunarfræðinga 7.
og 8. maí 2007 um manneklu í hjúkrun
Fulltrúaþing Félags íslenskra hjúkrunarfræðinga lýsir yfir veruleg-
um áhyggjum vegna fyrirsjáanlegs skorts á hjúkrunarfræðingum.
Þingið skorar á stjórnvöld að bregðast nú þegar við þessum
vanda með eflingu hjúkrunarnáms á íslandi. Auka þarf fjárveit-
ingar til hjúkrunarfræðideilda HÍ og HA og sérstakt átak þarf að
gera til að fjölga kennurum í hjúkrunarfræði.
Greinargerð:
Samkvæmt mannekluskýrslu FÍH sem út kom í marsmánuði
2007 vantar nú 582 hjúkrunarfræðinga til starfa á íslenskum
stofnunum. Hjúkrunarforstjórar meta þörf fyrir árlega fjölgun
stéttarinnar vera 2,2%
2007
Fulltrúaþing
7. - 8. maí 2007
Grand Hótel Reykjavík
rw sA"
f# J
Fjölgun námsplássa í Háskóla íslands og Háskólanum á Akureyri
í samtals 153 nægir ekki til að bæta núverandi skort og mæta
þessum vexti. Að öliu óbreyttu mun árleg nýliðun í stéttinni
einungis nema 40 stöðugildum að jafnaði. Áætluð árleg þörf fyrir
vöxt stéttarinnar er hins vegar metin 47,6 stöðugildi. Fyrirsjáanlegt
er að skortur á hjúkrunarfræðingum mun þess vegna aukast fram
til ársins 2015 um 12,8 stöðugildi árlega.
Bregðist stjórnvöld nú þegar við vandanum má koma í veg fyrir
að alls muni vanta 749 hjúkrunarfræðinga til starfa árið 2015
Ályktun fulltrúaþings Félags íslenskra hjúkrunarfræðinga 7.
og 8. maí 2007 um sjálfstæðan rekstur hjúkrunarfræðinga
Fulltrúaþing Félags íslenskra hjúkrunarfræðinga (FÍH) fagnar
þeim möguleikum til sjálfstæðs rekstrar sem hjúkrunarfræðingar
fá með nýjum lögum um heilbrigðisþjónustu nr. 40/2007.
Greinargerð:
í VII. kafla laga um heilbrigðisþjónustu nr. 40/2007, sem taka eiga
gildi þann 1. september næstkomandi, er kveðið á um samninga
sem stjórnvöld eða heilbrigðistofnanir geta gert við aðrar heil-
brigðistofnanir eða heilbrigðisstarfsmenn um veitingu skilgreindrar
heilbrigðisþjónustu. Með þessum ákvæðum er hjúkrunarfræðing-
um gert mögulegt að reka einingar í heilbrigðisþjónustunni hvar
samið yrði m.a. um magn og tegund þjónustu, hvar hún skuli veitt
og af hverjum, eins og segir í 29. gr. laganna.
Hjúkrunarfræðingar hafa lengi rætt kosti þess að reka eigin
hjúkrunarstofur og að hafa skjólstæðinga í eigin samlagi. Einn
liður í þeirri umræðu var málþing sem Félag íslenskra hjúkrunar-
fræðinga stóð fyrir í apríl 2006 þar sem sjálfstæður stofurekstur
hjúkrunarfræðinga í Bretlandi var m.a. kynntur. Ljóst má vera að
stór hópur skjólstæðinga í heilbrigðiskerfinu gæti haft verulegan
ávinning af því að geta fengið umtalsverðan hluta sinnar þjónustu
á hjúkrunarstofum. Má þar t.d. nefna fólk með langvinna sjúk-
dóma sem þarf reglubundið eftirlit. Samfélagslegur ávinningur
getur auk þess orðið mikill með fjölbreytni í framboði þjónustu,
og með því að þjónustan sé veitt á viðeigandi þjónustustigi og af
þeim faghópi sem besta þekkingu hefur á eðli þjónustunnar.