Álit: tímarit löggiltra endurskoðenda - 01.01.1988, Síða 30

Frá fastanefndum FLE
ur að ganga frá frambærilegri fundargerð. Næsti fundur
verður haldinn í Stokkhólmi að ári.
Hér hefur verið stiklað á stóru í störfum Endurskoð-
unarnefndar FLE á starfsárinu 1987 - 1988. Nánari
grein fyrir undirbúningi og framgangi mála er gerð í
skýrslu nefnarinnar til aðalfundar 1988.
Norræna endurskoðunarnefndin:
í þessum pistli stendur til að skýra lítillega frá fundi
Norrænu endurskoðunarnefndarinnar, sem fram fór í
Reykjavík dagana 13. og 14. júní í sumar. Nefndin er
samansett af endurskoðunarnefndum félaga endur-
skoðenda á Norðurlöndum. Hún heldur jafnan einn
fund á ári. Árið 1987 var fundað í Kaupmannahöfn og
lögðu íslensku fulltrúarnir þá til að ísland yrði næst í
röðinni, sem og varð.
Dagskrá fundanna verður þannig til að með góðum fyr-
irvara er lýst eftir því við félögin hvað þau vilji leggja
fram til umræðu, og að því loknu er efnislisti sendur
öllum þátttakendum. Sem að líkum lætur kalla menn
gjarnan eftir umræðu um málefni sem eru ofarlega á
baugi í hverju landi fyrir sig.
Fundurinn í Reykjavík var engin undantekning frá öðr-
um. Fram komu fjórtán mismunandi efnisatriði til um-
ræðu. Verður hér á eftir stiklað á stóru um efnið.
Danir kynntu drög að leiðbeinandi reglum um ráðgjöf
endurskoðenda og um endurskoðun í fyrirtækjum með
tölvuunnið bókhald. Þeir hafa eins og aðrir notað þenn-
an vettvang til að kynna hugmyndir sínar og að fá fram
viðbrögð annarra. Nokkuð fjörugar umræður urðu um
ráðgjöfina og sýndist sitt hverjum. Töldu sumir að það
gæti skaðað óhæði endurskoðenda að hætta sér um of
inn á þessar brautir, og einnig varð mönnum tíðrætt um
að hugsanlega gætu endurskoðendur skapað sér bóta-
ábyrgð með þessu.
íslendingar lögðu til umræðu um endurskoðun á lífeyr-
isskuldbindingum. Fundargestir þekkja sömu vandamál
og við, m.a. varðandi mat á fjárhæð slíkra skuldbind-
inga. Svo virðist sem framsetning þessa sé laus í reipum
hjá grönnum okkar, ekki síður en hér. Reynt er að fá
fyrirtæki til að færa slíkar skuldbindingar upp, en jafn-
framt eru flestir á því að útreikningur tryggingafræð-
inga sé svo flókinn að hvorki endurskoðendur né fyrir-
tækin sjálf geti myndað sér rökstudda skoðun á honum.
Svíarnir höfðu meðal annars áhuga á umræðu um end-
urskoðun tölvukerfa, endurskoðun á stofnunum, „re-
presentation letters" og einnig uppbyggingu endurskoð-
unarstaðla og samhengi þeirra. Staðlasetning svía er
orðin það víðtæk að nú beinist áhugi þeirra að því hvað
kunni að falla utan þeirra og hvort hægt sé að setja þá
upp í eitthvert heildstætt skipulag.
Finnarnir voru nokkuð uppteknir af atriðum sem snerta
endurskoðun með þarfir verðbréfamarkaða í huga. Má
þar nefna breytingu á félagsformi og skýrslu endur-
skoðanda um eignir og skuldir félags í því samhengi,
t.d. þegar til stendur að “go public“. Einnig var rætt
um framsetingu lána sem breytanleg eru í hlutafé.
Norðmenn kynntu drög að staðli um atburði eftir lok
reikningsárs og fylgdu þessu efni góðar umræður. Al-
menn var sú skoðun að endurskoðendur vanræktu um
of að kanna hvaða breytingar hefðu orðið á rekstrar-
umhverfi fyrirtækja fram að lokum endurskoðunar.
Önnur efni frá norðmönnum voru grundvallarreglur
um mat á gæðum reikningshaldsgagna, og viðskipti ut-
an efnahags, svo sem kaupleiga, „swaps" o.þ.h. Enn-
fremur stóðu þeir að umræðu um væntanlegar breyting-
ar á lögum um löggilta endurskoðendur í Noregi.
Hér hefur verið lauslega tæpt á helstu umræðuefnum
fundarins. Eins og sjá má voru þau margvísleg og var
tíminn vel nýttur.
Af léttari viðfangsefnum skal nefnt að farið var með er-
lendu gestina í dæmigerða sunnudagsferð á Þingvöll og
að Gullfossi og Geysi. Að kvöldi fyrri fundardagsins
snæddi hópurinn kvöldverð í boði heimamanna.
30