Álit: tímarit löggiltra endurskoðenda - 01.01.1991, Qupperneq 11

bréfa er metið miðað við eignavirðisaðferð. Eins og áð-
ur sagði ætti markaðsverð hlutabréfanna á fullkomnum
markaði ekki að geta orðið minna en markaðsverð
eigna að frádregnum skuldum. Hins vegar er oft á tíð-
um ekki fullkominn markaður með eignir útgerðarfyrir-
tækja, sem eru burðarásar atvinnu í sínu byggðarlagi.
Til að mynda gæti viðkomandi sveitarfélag verið stór
hluthafi í fyrirtækinu, sömuleiðis aðrir hagsmunaaðilar
á staðnum, og þessir aðilar hafa ekki áhuga á sölu
eigna, sem leiddu til minnkandi atvinnu í byggðarlag-
inu. Þó að viðurkennt markaðsverð sé á eignum fyrir-
tækisins er enginn vilji fyrir því hjá stórum eða stærsta
hluta hluthafa að selja af eignum þess. I slíku tilviki
væri villandi að einblína á mat samkvæmt eignavirðis-
aðferðinni, sér í lagi ef arðsemi fyrirtækisins væri í lægri
kantinum.
V. NIÐURLAG.
Hér hefur verið getið þeirra helstu aðferða, sem nota
má við að meta líklegt verðmæti hlutabréfa, svo og
þeirra fyrirvara, sem gera verður við matið miðað við
mismunandi aðstæður fyrirtækisins og þeirra aðila, sem
standa að viðskiptunum. - Sýnt var dæmi um mat á
hlutabréfum í sjávarútvegsfyrirtæki og komist að
ákveðinni niðurstöðu varðandi það hvert sé líklegt
verðmæti hlutabréfa fyrirtækisins við sölu. Slíkt mat
getur verið vel rökstutt og vel unnið, en engu að síður
er það óvissu bundið hvert endanlegt markaðsverð
bréfanna verður. Hið endanlega verð bréfanna ræðst af
samningum kaupanda og seljanda sé um að ræða sölu á
hlutabréfum í lokuðu félagi, eða af viðtökum markað-
arins við bréfum á ákveðnu gengi, sé verið að setja
hlutabréf á almennan markað. Hlutabréf, líkt og önnur
heimsins gæði, geta aldrei verið meira virði en það sem
einhver er reiðubúinn að greiða fyrir þau. - Það að mat
sé lagt á líklegt markaðsverð bréfa áður en farið er af
stað er hins vegar nauðsynlegt fyrir aðila að viðskiptun-
um, þar sem þeir hafa þannig tilfinningu fyrir því hvaða
stöðu viðkomandi hlutabréf hafa gagnvart markaðin-
um, eða hvaða samningsbil þeir hafa í lokuðum samn-
ingum. Matið getur einnig aðstoðað seljanda við að
meta hvort rétt sé að bíða með sölu hlutabréfanna í von
um að ná fram hærra verði, leyfi greiðslustaða hans
það, eða kaupanda við að meta hvort rétt sé að bíða
með kaup í von um að verðið lækki.
11