Álit: tímarit löggiltra endurskoðenda - 01.01.1991, Qupperneq 31

Alþjóðlegur reikningsskilastaðall nr. 1.
Upplýsingar um reikningsskilavenjur
Alþjóðlegur reikningsskilastaðall nr. 1 nær yfir greinar
16 - 23 í þessum texta. Staðalinn skal lesa í samhengi
við greinar 1 - 15 í þessum texta og Inngangsorð að al-
þjóðlegum reikningsskilastöðlum.
16. Aframhaldandi starfsemi, samræmi og lotun eru
grundvallarforsendur reikningsskila. Þar sem þess-
um grundvallarforsemdum er framfylgt við gerð
ársreikninga er ekki nauðsynlegt að upplýsa um
það. Sé þeim ekki framfylgt skal það upplýst ásamt
ástæðu þess.
17. Varfærni, eðli máls umfram form og mikilvægi
skulu ráða vali og notkun reikningsskilavenja.
18. í ársreikningum ættu að vera skýrar og gagnorðar
upplýsingar um allar mikilvægar reikningsskilavenj-
ur sem beitt hefur verið.
19. Upplýsingar um allar mikilvægar reikningsskila-
venjur sem beitt var ættu að vera óaðskiljanlegur
hluti ársreiknings. Yfirleitt ættu þær að vera á ein-
um stað.
20. Röng eða óeðlileg meðferð liða efnahgasreiknings,
rekstrarreiknings eða annarra yfirlita verður þó
ekki leiðrétt hvorki með upplýsingum um þær
reikningsskilavenjur sem beitt var né með skýring-
um.
21. Arsreikningur ætti að sýna samanburðartölur frá
fyrra reikningsári.
22. Verði breyting á reikningsskilavenjum, sem hefur
veruleg áhrif á yfirstandandi reikningsári eða kann
að hafa veruleg áhrif á komandi reikningsárum,
skal það upplýst svo og ástæður fyrir henni. Ef
áhrif breytingarinnar eru veruleg skal upplýsa það
ásamt fjárhæðum.
23. Þessi alþjóðlegi reikningsskilastaðall gildir um þá
ársreikninga sem ná til reikningsára sem hefjast 1.
janúar 1975 eða síðar.
31