Ráðunautafundur - 14.02.1978, Síða 7
301
Rannsóknarefni og aðferðir
í tilrauninni, sem framkvæmd var á Skriðuklaustri haustið
1977, voru 6 flokkar lamba og 18 lömb í hverjum. Öll lömbin
voru hrútlömb og ýmist tvílembingar eða gemlingslömb, sem vógu
30-39 kg, þegar skipt var í flokka þann 21. september 1977.
Meðferð á hverjum flokki fyrir sig verður lýst hér á eftir.
A-flokkslömbin voru fóðruð inni frá 22. sept. til
slátrunar 25. október. Þeim var gefið 800 grömm af heyi á
lamb á dag fyrstu fjóra daga innistöðunnar, en úr því var
heygjöfin minnkuð smám saman, og frá 14. degi var ekkert hey
gefið. Byrjað var að gefa 50 grömm af kögglum og gjöfin aukin
um 50 grömm á 2. degi, en úr því aukin um 100 grömm á lamb á
dag þar til átið var komið í 2 kg. Hinn 4. október var farið
að gefa síldarmjöl í stað hluta af kögglunum, vegna þess að
þeir voru of eggjahvítusnauðir. Síldamjölsgjöfin var 9% af
gjöfinni, frá 8. október til 18. október, en var þá hætt.
Síldarmjölið ást illa þurrt, en betur ef það var bleytt
daginn fyrir gjöf með 2-3 matskeiðum af þorskalýsi og dreift
þannig yfir kögglana.
B-flokkslömbunum var gefið inni frá 22. september til
loka tilraunaskeiðsins, og voru þau fóðruð á næpukáli fyrri
hluta skeiðsins eða til 5. október en á næpum úr því.
C-flokkslömbunum var beitt á fóðurkál á 0,32 ha spildu
frá 22. september til 17. október, en þann dag voru þau vegin
og skipt í þrjá jafna undirflokka, C1, sem var áfram á káli
til 24. október, C2, sem var fóðraður inni á heyi og kögglum
fram að slátrun og C3, sem var beitt á há fram til 24. okt.
D-flokkslömbunum var öllum beitt á fóðurnæpur á 0,30
ha spildu frá 22. september til 17. október, en þá skipt í
þrennt, eins og C-flokkslömbunum, og var einn hópurinn, D1,
áfram á næpum, annar D2 var á innfóðrun fram að slátrun og
sá þriðji, D3, var á há til 24. október.