Ráðunautafundur - 13.02.1980, Blaðsíða 16
144
RAÐUNAUTAFUNDUR 1980
UM NAUTAUPPELDISSTÖÐ BONAÐARFELAGS ÍSLANDS
Erlendur Jóhannsson,
Búnaöarfélagi íslands.
Inngangur
• Allt frá því aö djúpfrystingarstöðvar fyrir nautasæÖi
tóku til starfa fyrir rúmum áratug var ljós nauðsyn þess að
koma upp aðstööu til uppeldis á nautkálfum fyrir stöðvarnar,
þannig að hægt væri að flytja kálfana unga og ala þá upp fyrsta
árið og fylgjast með þroska þeirra.
Fram til ársins 1978 urðu stöðvarnar að notast við bráða-
birgðaaðstöðu á hinum ýmsu stöðum, þar sem engin aðstaða var
til mælinga á kálfunum, hvað þá fóðrunarathuganir, enda engin
aðstaða til slíks vegna þrengsla og var dvalartími kálfanna mið-
aður við þann einangrunartíma sem að Sauðfjárveikivarnir kröfð-
ust áður en kálfarnir voru fluttir á sæðingastöðvarnar.
Árið 1974 er nefnd skipuð til undirbúnings stofnunar upp-
eldisstöðvar og í henni sátu aðilar frá Búnaðarfélagi Islands og
Búnaðarsambandi Suðurlands. Tveim árum seinna næst svo samkomu-
lag milli þessara aðila þannig að Búnaðarfélag Islands reisi
vandaða uppeldisstöð I Laugardælum samfara því að Kynbótastöðin
í Laugardælum leggi niður nautahald og Búnaðarsamband Suðrulands
gerist viðskiptaaðili Nautastöðvar Búnaðarfélags íslands. Þá
var bygginganefnd skipuð og fékk hún Magnús Sigsteinsson ráðu-
naut til að teikna stöðina og byggingameistari var ráðinn Helgi
Guðmundsson, Selfossi. Framkvæmdir hófust vorið 1977 og fyrstu
kálfarnir komu á stöðina 14. nóv. 1978. Umsjónarmaður stöðvar-
innar var fyrstu mánuðina, Sveinn Sigurmundsson, en síðan var
ráðinn framkvæmdastjóri, Jón Gíslason.
Hlutverk nautauppeldisstöðvarinnar í Laugardælum (Þorleifs-
koti) er aðallega tvenns konar:
1) að ala upp naut til notkunar á Nautastöð Búnaðarfélags Islands.