Ráðunautafundur - 12.02.1983, Page 56

116
RAÐUNAUTAFUNDUR 1983
LÍFDÝRAYAL
Sigurjón Bláfeld Jónsson, .
Búnaöarfélagi fslands.
Við stofnun á loðdýrabúi eru lífdýrakaupin sérstaklega
mikilvæg. Dýrin þurfa ekki aðeins að hafa góðan feld, þau þurfa
einnig að vera hraust og þróttmikil og geta átt mikið af lífmiklum
hvolpum. Það er þess vegna nauðsynlegt að athuga vel hvar best
er að fá góðan lífdýrastofn.
Margir byria með dýr sem eru fengin hjá skyldmennum, vinum
eða nágrönnum sem taldir eru hafa góð dýr. Seinna kemst kaupandinn að
því að dýrin hafa ekki verið eins góð og hann hafði vonast til og
óánægja vill þá skapast. Til að fyrirbyggja slíkt var þvx komið
inn í 17. gr. reglugerðarinnar í loðdýrarækt, að sala loðdýra
innanlands er aðeins heimil til þeirra er hafa leyfi landbúnaðar-
ráðuneytisins til reksturs loðdýrabús. Skal seljandi fullvissa
sig um það og því aðeins má selja lífdýr að dýrin hafi áður verið
flokkuð af trúnaðarmanni Búnaðarfélags fslands og öll söludýr séu
skráð í þríriti. Ekki dugar lífdýraflokkunin ein sér, þegar velja
þarf bústofn, meira þarf til. Því er sjálfsagt og nauðsynlegt að
notfæra sér aðrar upplýsingar sem hægt er að fá um sölubúið.
Lífdýrabók (tölvuuppgjör), söluskýrslur og kortí söludýrsins
þarf kaupandinn að fá aðgang að á búinu. Lífdýrabókin gefur bestu
upplýsingarnar um bústofninn, fjölda lífdýra á búinu, frjósemi
þeirra og tölu geldra dýra og þeirra sem drepa hvolpana undan sér.
Söluskýrslurnar sýna verðmæti afurðanna, eða skinnanna, þ.e.
stærð þeirra, skinngæði, lit og hreinleika ásamt gölluðum skinnum
og undirflokkun. A korti dýranna sjálfra sést fæðingardagurinn og
úr hvaða gotstærð dýrið er við fæðingu og fráfærur, ásamt númerum
foreldra og öfum og ömmum og beina flokkun á dýrinu sjálfu.
Aðrar upplýsingar um lífdýrastofn búsins s.s. heilbrigði og
næma sjúkdóma eða erfðagalla má oft fá hjá nánasta dýralækni og
ráðunaut.