Ráðunautafundur - 15.02.1993, Qupperneq 278

270
8°C hraðast mest allan tímann (brattasta línan) samanber einnig 3. töflu. Fiskur við 10°C nær
1000 g þunga snemma í apríl, við 8°C nær hann því síðari hluta apríl og við 12°C nást 1000 g
fyrri hluta maímánaðar. Fiskur við 6°C náði 800 g þann 18. maf, við 14°C náði hann 700 g og
600 g við 4°C. Kynþroski dregur úr vexti fiska frá 20% við 12°C og upp í 33% við 4°C.
8. mynd. Meðalþyngd ókynþroska fisks við öll hitastig við mælingar
frá janúar til maí. Leiðrétt er fyrir kynjamun.
UMRÆÐUR OG ÁLYKTANIR
Vöxtur
Niðurstöður tilraunarinnar leiða í ljós að bleikja vex vel við 8,10 og 12° hita. Hún er lengi að
ná sér eftir skyndilega kælingu úr 7 niður í 4°C, eða um tvo mánuði. Eftir að fiskurinn hefur
náð sér vex hann hins vegar síst hægar við 4° en við hærri hitastig (2. tafla og 2. mynd). Sama
má segja um 6°C hita, nema að þar er fiskurinn fljótari að ná sér. Við 10, 12 og 14°C tekur
bleikjan vaxtarkipp eftir að hún er flutt úr 7°C. Áhrif hækkandi hita haldast í 2-3 mánuði en
þá dregur aftur úr vexti. Sérstaklega er það áberandi við 14°C hita, þar sem fljótlega dregur
verulega úr vexti þar til hann er orðinn hægari en í 4°C. Sé litið á vöxtinn í % á dag og
eldistímanum skipt í þijú tímabil (2. mynd), þá helst vöxtur jafnastur við 8°C. Aðeins á fyrsta
tímabilinu er vöxtur hraðari við 10 og 12°C. Þegar raunvöxtur er borinn saman við
vaxtartöflu fyrir bleikju (Jobling o.fl. 1990), þá kemur í ljós að vöxtur við lægri hitastigin, 4, 6
og jafnvel 8°C, er vanmetinn (3. mynd). Vöxtur bleikju við hærri hitastig, 10°C, er hins vegar
ofmetinn.
Það virðist sem breyting á eldishita við upphaf tilraunarinnar hafi áhrif á lokamassa
fiskjar við hvert hitastig. Spyija má hverjar niðurstöðumar hefðu orðið ef fiskurinn hefði
verið aðlagaður að tilraunahitastiginu áður en tilraunin hófst og ekki orðið fyrir kuldalosti eða
örvun vegna hækkandi hita?