Gerðir kirkjuþings - 01.01.2015, Page 43

43
h mikill meirihluti telur enn að kirkjulegar athafnir við fæðingu og dauða séu
mikilvægar og
h skírnin er almenn og mikil þátttaka er í útfararþjónustu kirkjunnar.
Við þessa greiningu má bæta að:
h tónlistarstarfsemi á vegum safnaða er öflug og starf kirkjukóra þróttmikið um
allt land og
h hjálparstarf kirkjunnar nýtur viðurkenningar og virðingar.
Starfshópurinn telur að það liggi beint við að kirkjan vinni útfrá þeim styrkleika
sem felst í þessari stöðu á meðan hún er fyrir hendi. Eins og glöggt má
greina í fræðslustefnu kirkjunnar sem samþykkt var á kirkjuþingi árið 2013 og
samskiptastefnu kirkjunnar 2010 til 2014 er enginn ágreiningur um þessa áherslu.
Kirkjuþingmenn hafa við mótun slíkra stefnuplagga haft það að leiðarljósi að:
h efla þurfi fermingafræðslu, efla samtal og samskipti við fræðslukerfið undir
merkjum aðgreiningar trúboðs og fræðslu,
h efla persónuleg samskipti þjóna kirkjunnar við safnaðarmeðlimi,
h virkja safnaðarmeðlimi betur í kirkjulegu starfi og
h styrkja enn frekar fræðslustarf og fjölmiðlun á vegum kirkjunnar.
Á öll þessi atriði leggur Rúnar Vilhjálmsson áherslu þegur hann svarar því
hvernig kirkjan eigi að mæta áskorunum sínum.
Áskoranirnar
• Vandinn felst að dómi starfshópsins í að kirkjan hefur ekki nægilega
sveigjanlegt skipulag í fjármálum og mannahaldi til þess að fylgja eftir
stefnumótun eins og þeirri sem fram kemur í fræðslu- og samskiptastefnum
hennar.
• Í flestum félgasamtökum sem að kveður er félagatalið virkt tæki til þess
að hafa samband við meðlimi og halda þeim við efnið. Söfnuðir kirkjunnar
standa að vísu öllum opnir en sóknarbörnin eru að öllu jöfnu látin
afskiptalaus þótt vel sé á móti þeim tekið er þau óska þjónustu kirkjunnar.
• Boðun og prédikun kirkjunnar nær ekki til almennings með nægilega
áhrifamiklum hætti, þegar hún er orðin hornreka hjá RÚV og lítt áberandi
á öðrum fjölmiðlum og á mannamótum öðrum en kirkjulegum athöfnum og
messum.
• Með auknu framboði afþreyingar og félagslegra athafna hefur kirkjunni ekki
tekist að kynna sig og starfsemi sína sem eftirsóknarverðan valkost.
• Trúarleg vanþekking er farin að bitna illa á menningarlæsi almennings
meðal annars vegna vandræðagangs skólakerfisins er kemur að andlegum
málefnum.