Gerðir kirkjuþings - 01.01.2015, Page 76

76 77
Í fimmtu grein samningsins er kveðið á um að ríkissjóður skuli árlega greiða 30 m.kr.,
verðbættar frá árinu 1998 miðað við verðlagsforsendur fjárlaga um hækkun annarra
rekstrargjalda en launa. Fjölgi stöðugildum á Biskupsstofu vegna fjölgunar presta í
samræmi við 3. tl. 3. gr. samningsins frá 10. janúar 1997, skal framlagið breytast um 1,4
m.kr. fyrir hvert starf. Á árinu 2015 er heildarfjöldi stöðugilda óbreyttur.
Verðlagsforsenda annars rekstrarkostnaðar samkvæmt fjárlagafrumvarpi ársins 2015 er
2,3%. Verðbættur rekstrarkostnaður prestsembætta og prófasta á árinu 2015 er áætlaður
64 m.kr.
Samkvæmt 6. gr. samningsins skal árlegt framlag í fjárlögum til Kristnisjóðs svara til
15 fastra árslauna presta í fámennustu prestaköllunum samkvæmt úrskurði kjara nefndar.
Á árinu 2015 er gert ráð fyrir 3,5% hækkun launa ríkisstarfsmanna skv. fjárlaga frumvarpi
ársins.
Reiknað framlag til kristnisjóðs miðað við 3,5% hækkun og margfaldað með 15
stöðugildum nemur því 113 m.kr.
Í sjöundu grein samningsins er ákvæðu um sérframlög ríkisins til þjóðkirkjunnar. Um
er að ræða styrki sem falla ekki undir 2.-6. greinar samningsins og koma fram í fjárlaga-
frum varpi ársins 2015. Samkvæmt fjárlögum ársins 2015 námu sér fram lög samtals 21 m.kr.
Í áttundu grein samningsins er umfjöllun um sértekjur þjóðkirkjunnar en þar segir
m.a. að þjóðkirkjan beri fulla ábyrgð á sínum fjármálum, hagi sínum rekstri eins og þyki
best hverju sinni og að framlag úr ríkissjóði sé óháð öðrum tekjum sem þjóðkirkjan kann
að afla.
KPMG telur að 8. gr. samningsins sé skýr um að ekki eigi að draga sértekjur frá til
lækkunar á skuldbindingu ríkisins. Sértekjur þjóðkirkjunnar hafa því ekki áhrif við
útreikning KPMG á skuldbindingu ríkisins fyrir árið 2015. Þegar hefur verið sent erindi
til ráðuneytisins um niðurfellingu sértekna í fjárlögum vegna ársins 2016.
Niðurstaða KPMG við yfirferð kirkjujarðasamkomulagsins við ríkið er að við
útreikning á heildarframlagi úr ríkissjóði eru kostnaðarliðir reiknaðir samkvæmt 2. -7.
gr. samningsins. Þá eru sértekjur ekki dregnar frá skuldbindingu ríkisins samkvæmt 8. gr.
Heildarskuldbinding ríkisins er metin 2.093 m.kr. fyrir árið 2015 samkvæmt ákvæðum
samningsins. Framlag frá ríkissjóði nam á sama tíma 1.580 m.kr. Mismunurinn nemur
því 514 m.kr.
Ágreiningur er innan kirkjuráðs um ábyrgð kirkjuráðs á kirkjujarðasamkomulaginu.
Fjórir kirkjuráðsmenn telja að ábyrgðin liggi hjá kirkjuráðinu en forseti kirkjuráðs, sem er
biskup Íslands, telur það álitamál. Vegna þessa ágreinings hefur kirkjuráð ákveðið að skipa
þriggja manna nefnd lögfræðinga sem skila mun áliti á þessu ágreiningsmáli. Í nefndinni
eru Pétur Kr. Hafstein fv. forseti Hæstaréttar og fv. forseti kirkjuþings, Gestur Jónsson hrl.
og Trausti Fannar Valsson dósent við lagadeild Háskóla Íslands Ágreiningur þessi hefur
haft truflandi áhrif á starfsemi kirkjuráðs.
Rekstraráætlun 06-701 Þjóðkirkjan árið 2016 – forsendur
Áætlaður fjöldi stöðugilda á Biskupsstofu og hjá Kirkjumálasjóði á árinu 2016 er 24 og er
hann sambærilegur við árið 2015.