Gerðir kirkjuþings - 01.01.2015, Qupperneq 30

30 31
17. mál. Þingsályktun um stjórn Skálholtsstaðar
Kirkjuþing mælist til þess við kirkjuráð að skoða, hvort málefnum Skálholtsstaðar yrði
það til gagns að skipuð yrði þriggja manna stjórn Skálholtsstaðar og jafn margir til vara,
er annist í umboði biskups og kirkjuráðs, ásamt vígslubiskupi uppbyggingu og rekstur
staðarins í samræmi við lög um afhendingu Skálholts frá 1963, starfsreglur kirkjuþings og
samþykktir kirkjuráðs.
Kirkjuráð hefur skipað stjórn Skálholtsstaðar, sjá síðar í skýrslunni í umfjöllun um
Skálholt.

19. mál. Þingsályktun um barna- og æskulýðsmál
Kirkjuþing 2014 samþykkir eftirfarandi ályktun frá Kirkjuþingi unga fólksins:
Kirkjuþing unga fólksins harmar niðurskurð í barna- og æskulýðsmálum. Kirkjuþing
unga fólksins vill undirstrika mikilvægi þess að kirkjan og stjórnvöld standi vörð um
barna- og æskulýðsmál og stuðli að uppbyggingu á þeim vettvangi frekar en niðurskurði.
Einnig minnum við á ábyrgð þessara aðila gagnvart börnum og unglingum. Kirkjuþing
unga fólksins vill hvetja þá sem stýra þessum málaflokki að skapa starfsumhverfi sem hlúir
að sameiginlegum vettvangi barna- og æskulýðsmála.
Kirkjuráð bókaði eftirfarandi: Kirkjuráð fagnar þessari ályktun frá kirkjuþingi unga
fólksins og mun leitast við að vernda þennan málaflokk á niðurskurðartímum. Biskup mun
ræða þetta mál við nýjan innanríkisráðherra í tengslum við endurskoðun sóknargjalda.
25. mál. Þingsályktun um frágang Gerða kirkjuþings frá 1958 til 1997
Kirkjuþing 2014 beinir þeim tilmælum til kirkjuráðs að séð verði til þess að gerðir
kirkjuþings frá upphafi, 1958 til og með 1997, verði innskannaðar og settar á vef kirkjunnar,
kirkjan.is, og eftir atvikum á vefinn timarit.is. Málinu var vísað til kirkjuráðs og vinna við
innskönnun er hafin á Þjóðarbókhlöðu.
26. mál. Þingsályktun um endurgreiðslu á virðisaukaskatti
Kirkjuþing 2014 ályktar að skora á Alþingi að samþykkja framkomið frumvarp til laga um
að endurgreiða trúfélögum og lífskoðunarfélögum 100% þess virðisaukaskatts sem greiddur
er af vinnu við endurbyggingu og viðhald kirkna, safnaðarheimila og hljóðfæra.Málið var
flutt á Alþingi snemma á þessu ári og var flutningsmaður þess á kirkjuþingi kallaður á fund
allsherjarnefndar til að ræða það. Málið var ekki afgreitt úr Allsherjarnefnd Alþingis.
28. mál. Þingsályktun um breytingu á lögum um stöðu, stjórn og starfshætti þjóðkirkjunnar,
nr. 78/1997, með síðari breytingum.
Kirkjuþing 2014 beinir þeim tilmælum til innanríkisráðherra að hann flytji eftirfarandi
frumvarp til laga um breytingu á lögum um stöðu, stjórn og starfshætti þjóðkirkjunnar nr.
78/1997, sbr. 3. mgr. 23. gr. sömu laga.
1. gr.
Við lögin bætist nýtt ákvæði til bráðabirgða er hljóðar svo: