Gerðir kirkjuþings - 01.01.2015, Blaðsíða 47

47
Þjónustuvefur mikilvægt tæki
Prestar geta þegar í dag fengið aðgang að listum um börn í fermingarárgöngum eftir
sóknum (sem uppfærast af þjóðskrá með réttum heimilisföngum) og m.a. prentað
út límmiða með heimilisföngum til útsendingar á efni. Þjónustuvefur kirkjunnar er
mikilvægt tæki sem ekki er notað nándar nærri eins mikið og ástæða væri til og
þyrfti einnig að þróa og þroska á næstu misserum. Þar er meðal annars safnað
upplýsingum um sóknarnefndir og starfsmenn kirkjunnar en veruleg vanhöld eru
á því að þær upplýsingar séu nægilega vel uppfærðar af sóknum.
• Upplýsingamálefnin, félagatalið og þjónustuvefurinn verði tekin miklu fastari
tökum þar sem fleiri kæmu að hugmyndavinnu, utanumhaldi og eftirfylgni, og
þessum málum búin umgjörð sem tryggir framþróun og framfarir.
• Kirkjuráð leggi til við kirkjuþing að skipuð verði starfsnefnd til þess að vinna
samfellt að félagatalinu og styrkja starfið að upplýsingamálun svo þau
einangrist ekki á einu skrifborði.
• Ráðist verði í kynningarstarf fyrir sóknarnefndum og kynntar aðferðir til að
nýta félagatalið á sem bestan hátt. Þannig geti sóknarnefndir betur fylgst með
þróun innan sinnar sóknar og kallað fram hinar ýmsu upplýsingar.
• Boðið verði uppá þjálfun í notkun þess, upplýsingasöfnun og úrvinnslu og
aðferðafræði við að hafa beint samband við sóknarbörn.
• Kynnt verði sérstaklega fyrir sóknarbörnum hverrar sóknar fyrir sig hvað felist
í aðild og hvaða ávinningur sé af því að vera meðlimur innan þjóðkirkjunnar.
• Settir verði bæði fjármunir og starfskraftur í verkefnið svo því miði áfram eins
og full þörf er á. Að öðrum kosti dregst þjóðkirkjan aftur úr bæði hvað varðar
þjónustu og möguleika til þess að stunda samskipti með þeim upplýsingaleiðum
sem rafræn tækni býr yfir.
• Boðið verði uppá markþjálfun fyrir starfsmenn Biskupsstofu þar sem áhersla
er lögð á markmiðasetningu tengda verkefninu.
• Farin verði ferð um landið þar sem boðið er uppá hópmarkþjálfun og fyrirlestra
um markmiðasetningu og hvernig skuli nálgast áskoranir.
Efling áhugamanna til þátttöku í umræðunni
• Mikilvægt er að sett verði á dagskrá, þegar við á, málefni sem óskað er eftir
aðallir virkir meðlimir í þjóðkirkjunni einbeiti sér að og geri það þannig að eftir
sé tekið um allt land og hrífi almenning með sér.
• Leitað verði til leiðtoga innan æskulýðsstarfsins og skoðanaleiðtoga innan
kirkjunnar til að hvetja til og leiða umræðuna þegar mikilvæg málefni koma
upp.
• Farnar verði leiðir til að fá grasrótina til að taka virkan þátt í umræðunni á
samfélagsmiðlum.
• Haldin verði námskeið á nokkrum stöðum á landinu til þess að þjálfa upp
talsmenn kirkjunnar í helstu málasviðum í samtímaumræðu.