Gerðir kirkjuþings - 01.01.2015, Page 62

62 63
Vitað er að það fjós sem nú stendur í Skálholti mun innan fárra ára ekki standa undir kröfum.
Kirkjuráð hefur lýst því yfir að það muni ekki standa að byggingu nýs fjóss, og hafi efasemdir um að
það myndi samþykkja að bóndinn myndi sjálfur byggja, vegna þeirra skuldbindinga sem það hefur
í för með sér gagnvart kirkjumálasjóði sem er skráður eigandi fasteigna í Skálholti.
Stjórnin hefur rætt ýmis möguleg úrræði til viðhalds búskapar í Skálholti sem fylgt verður eftir í
samvinnu við Skálholtsbændur.
Nýting jarðarinnar að öðru leyti.
1. Á sínum tíma var ákveðið í samvinnu við Suðurlandsskóga að Skálholt tæki þátt í því
verkefni og að planta mætti út skógi í rúmlega 200 hektara í Skálholtslandi. Fyrstu plöntum í
Suðurlandsskógum var einmitt plantað í Skálholti í maí 1998. Plöntun trjáa hófst þó mun fyrr
eða í tíð Björns Erlendssonar bónda og ráðsmanns í Skálholti og hélst áfram þegar Guttormur
Bjarnason og Signý Guðmundsdóttir tóku við búskapnum árið 1993. Plantað hefur verið í
tæplega 40 hektara, einkum í Ásunum norðan og vestan við Skálholtsstað. Nú hefur sú breyting
orðið að ef framhald á að vera á útplöntun þarf það að vera í samráði við Minjastofnun eftir að
skráning fornminja í landi Skálholts hefur farið fram.
2. Í tengslum við þá vinnu við gerð deiliskipulags sem nú fer fram á grundvelli samþykktar
kirkjuráðs frá fundi þess í ágúst 2015 þarf að fara fram skráning allra fornminja í landi Skálholts.
Fornminjastofnun Íslands sem annaðist skráningu og hnitsetningu allra friðlýstra fornminja í
Skálholtslandi fyrr á þessu ári, metur það svo að fjöldi fornleifa sem skrá þurfi sem ekki minni
en 130. Stjórnin hefur ákveðið að sækja um styrki til þessa verkefnis en kostnaður við skráningu
hvers einstaks staðar þar sem forminjar eru sé um það bil tíu þúsund krónur.
3. Eins og fyrr er framkomið er mikill áhugi fyrir því að umhverfisstefna Þjóðkirkjunnar sem staðfest
var af Kirkju þingi árið 2009 komi til framkvæmda í Skálholti með afgerandi hætti. Þar er efst á
baugi endurheimt votlendis og friðun neðsta hluta Skálholts tungunnar þar sem mætast Brúará
og Hvítá. Hlynur Óskarsson, deildar forseti umhverfis deildar Land búnaðarháskóla Íslands, fór
um svæðin nú í september á kostnað síns embættis og mun skila skýrslu um það innan tíðar.
Samkvæmt upplýsingum hans getur Skálholt fengið styrki til fram kvæmdanna sem standa undir
þeim að öllu leyti. Þegar skýrsla hans berst verður hún lögð fyrir kirkjuráð og óskað samþykkis
þess. Í sambandi við þessa áherslu verður þann 10. nóvember næstkomandi haldin ráðstefna
um umhverfismál í Skál holtsskóla.Hér má einnig geta þess að til margra ára hefur mötuneyti og
veitingasala Skálholtsskóla fylgt öllum reglum umhverfisverndar um úrgang.
Skálholtsskóli.
Enginn hefur gegnt stöðu rektors frá 2011 er fram fór úttekt og endurskoðun á rekstri Skálholts.
Staða rektors var lögð niður með samþykkt kirkjuráðs 22. feb. 2012. Vígslubiskup og skólaráð hafa
sinnt málefnum skólans, eins og kostur er, ásamt skrifstofustjóra. Ekki hafa verið áform uppi um að
auglýsa stöðu rektors enda hefur fjárhagur komið í veg fyrir slíkt.
Því fagnar stjórnin þeirri ákvörðun biskups Íslands, frá sumarbyrjun, að fela séra Halldóri Reynissyni,
verkefnastjóra fræðslumála á Biskupsstofu, að sinna að hluta verkefnum Skálholtsskóla og hafa
aðsetur í Skálholti. Stjórnin lýsir yfir ánægju með komu séra Halldórs og væntir góðs af störfum
hans fyrir staðinn, sem muni efla starfsemina í Skálholti.