Gerðir kirkjuþings - 01.01.2015, Qupperneq 89

89
7. mál kirkjuþings 2015
Flutt af kirkjuráði
Þingsályktun um endurskoðun
starfsreglna um kjör til kirkjuþings nr. 301/2013
Kirkjuþing 2015 samþykkir að nefnd sem skipuð var á kirkjuþingi 2014 um endurskoðun
starfsreglna um kjör til kirkjuþings nr. 301/2013, vinni að málinu áfram og skili tillögum
sínum fyrir kirkjuþing 2016.
Greinargerð:
Á kirkjuþingi 2014 var samþykkt að skipa nefnd um endurskoðun starfsreglna um kjör til
kirkjuþings nr. 301/2013. Nefndi skyldi skila tillögum til kirkjuþings 2015. Nefndin telur
nauðsynlegt að fá meiri tíma til endurskoðunarinnar sbr. bréf nefndarinnar til kirkjuráðs
dags. 20. ágúst 2015, sjá fskj. A. Með vísan til fskj. A er lagt til að kirkjuþing samþykki að
veita þann frest sem nefndin óskar eftir.
Nefnd um endurskoðun starfsreglna
nr. 301/2014 um kjör til kirkjuþings.
Áfangaskýrsla
26. ágúst 2015
Á kirkjuþingi 2014 var samþykkt að skipa nefnd til að endurskoða starfsreglur nr.
301/2014 um kjör til kirkjuþings og var undirrituð ásamt þeim sr. Gísla Gunnarssyni og
Ragnhildi Benediktsdóttur kjörin í nefndina. Í skipunarbréfi kom fram að nefndin skyldi
skila tillögum sínum til kirkjuþings 2015.
Með bréfi nefndarinnar til kirkjuráðs þann 20. ágúst sl. óskaði nefndin þess að frestur
hennar til að skila tillögum yrði framlengdur til kirkjuþings 2016. Ástæða beiðninnar var
fyrst og fremst sú að vinnan við endurskoðunina var mun umfangsmeiri en áætlað var í
fyrstu. Kirkjuráð samþykkti beiðni nefndarinnar á fundi sínum 25. ágúst sl.
Nefndin hefur nú haldið sex fundi á tímabilinu apríl til ágúst 2015. Þá hefur nefndin
fengið á fundi sína til ráðgjafar, þá Skúla Guðmundsson, lögfræðing og Stefán I. Valdimars-
son, stærðfræðing.
Nefndin hefur lagt á það áherslu í vinnu sinni að einfalda reglurnar um kjör til
kirkjuþings og gera þær þannig úr garði að þær séu skýrar og aðgengilegar.
Vinna nefndarinnar hefur einkum lotið að eftirtöldum atriðum.