Dagblaðið Vísir - DV - 13.05.2016, Side 6

Helgarblað 13.–16. maí 20166 Fréttir
Plankaparket
Ármúli 32, 108 Reykjavík
Sími 568 1888
www.parketoggolf.is
Þýsk gæði!
A
uka þarf eigið fé Spari-
sjóðs Suður-Þingeyinga
um nálægt 200 milljón-
ir króna fyrir árslok 2018
svo sjóðurinn uppfylli
auknar kröfur Fjármálaeftirlitsins
(FME) um eiginfjárhlutfall. Stjórn
sparisjóðsins var á aðalfundi í síð-
ustu viku veitt heimild til að auka
stofnfé hans um 140 milljónir. Vona
stjórnendur sjóðsins að stofnfjár-
höfum fjölgi en einnig að núver-
andi eigendur hans leggi því til
aukið fé. Gangi það ekki eftir þurfi
sparisjóðurinn mögulega að taka
víkjandi lán.
„Ef þetta gengur eftir þá nær
það langleiðina upp í þessar 200
milljónir en auðvitað höfum við
það ekki í hendi að héraðsbúar
séu reiðubúnir að leggja í þetta 140
milljónir. Það er ekki eins og fólk sé
með milljónir undir koddanum,“
segir Ari Teitsson, stjórnarformað-
ur Sparisjóðs Suður-Þingeyinga, í
samtali við DV.
Gagnrýnir „hörku“ FME
Samkvæmt nýbirtum ársreikningi
sparisjóðsins barst stjórnendum
hans bréf FME, þann 1. mars síð-
astliðinn, um ákvörðun stofnunar-
innar um álagningu eiginfjárauka
á fjármálafyrirtæki. Samkvæmt
henni þarf eiginfjárhlutfall sjóðs-
ins að hækka næstu ár þannig það
nemi 18,7% frá 1. janúar 2019. Það
var 13,2% í árslok 2015.
„Við ákváðum því á aðalfundi fé-
lagsins, sem haldinn var 2. maí, að
auka stofnféð verulega. Við von-
umst til þess að fá nýja stofnfjár-
aðila að sjóðnum. Það eru þegar
um 250 stofnfjáraðilar en við viljum
fjölga þeim verulega og svo treyst-
um við á að þeir sem eru fyrir sjái
sér hag í að efla og styrkja sjóðinn.
Við höfum nú undanfarin ár greitt
þokkalega vexti af stofnfé eða eðli-
lega ávöxtun,“ segir Ari.
Aðspurður hvort honum þyki
líklegt að sjóðnum takist að safna
alls um 200 milljónum bendir Ari
á að sjóðnum sé einnig heimilt að
taka víkjandi lán sem hægt sé að
nota upp í eiginfjárkröfuna.
„Við höfum aldrei þurft að nýta
þá heimild. Við gerum nú ráð fyr-
ir að það verði einhver hagnaður á
hverju ári en ef okkur tekst ekki á
næstu þremur árum að ná þessari
aukningu þá er þessi möguleiki og
varnagli fyrir hendi. Ég hef fulla trú
á að okkur takist að leysa þetta mál
með samstilltu átaki heimamanna.
Það breytir ekki því að það er harka
í þessu hjá FME og ekki gætt þess
meðalhófs sem ætlast er til af lög-
gjafanum.“
Skoðaði sparisjóðinn
Ari svarar aðspurður að ekki sé
hægt að rökstyðja auknar eiginfjár-
kröfur með vísun í þá staðreynd að
Sparisjóður Vestmannaeyja og AFL
Sparisjóður, tveir stærstu spari-
sjóðir landsins á þeim tíma, hurfu
af sjónarsviðinu á síðasta ári þegar
í ljós kom að þeir þurftu á verulegu
eiginfjárframlagi að halda. FME
hafi í vetur skoðað lánasafn Spari-
sjóðs Suður-Þingeyinga og í kjölfar-
ið gert alvarlegar athugasemdir við
tæplega 1% þess.
„Að auki voru gerðar
athugasemdir við tryggingar á
ákveðnum lánum sem í heildina
námu um 1–2% af útlánasafninu.
Við svoleiðis aðstæður virðist ekki
þörf fyrir 18,7% eigið fé. Svo eru all-
ir bankar og sparisjóðir að borga í
tryggingasjóð innstæðueigenda,
sem á að tryggja innstæður ef illa
fer. Í honum eru 20 milljarðar króna
í dag. Sparisjóður Suður-Þing-
eyinga er búinn að borga í hann
100 milljónir og ef þannig færi að
sjóðurinn reyndist ekki eiga fyr-
ir innstæðum þá yrði skaðinn fyrst
og fremst þeirra sem eiga hann og
reka. Síðan eru gerðar mjög mikl-
ar kröfur um tryggingar fyrir öllum
lánum. Þarna eru þrír öryggisventl-
ar sem eru allir mjög harkaleg-
ir og tilkomnir af hruninu og svo
eru menn hissa á því að vextir séu
háir á Íslandi og rekstur þungur hjá
fjármálafyrirtækjum. Það þarf mik-
ið átak svo að fyrirtæki geti aukið
eigið fé sitt um þriðjung á þremur
árum,“ segir Ari. n
n Sparisjóður Suður-Þingeyinga fjárþurfi n Leitar til eigenda vegna kröfu FME
Sparisjóðurinn þarf að
finna um 200 milljónir
Haraldur Guðmundsson
haraldur@dv.is
Húsavík Stofnfé Sparisjóðs Suður-Þingeyinga er 66,9 milljónir króna og er í eigu 251 aðila.
Stjórnarformaðurinn Ari Teitsson segir
aðalfund Sparisjóðs Suður-Þingeyinga
hafa heimilað stofnfjáraukningu upp á 140
milljónir króna. „Það er ekki eins
og fólk sé með
milljónir undir koddanum.
Lífríki Mývatns í hættu
„Bleikjan hangir á bláþræði“
B
leikjan hangir á bláþræði en
síðustu áratugina hafa verið
um 1.000 veiðanlegar bleikjur
í vatninu, sem er mjög lítið, og
stofninn er að mestu friðaður,“ sagði
dr. Árni Einarsson, líffræðingur og
forstöðumaður Náttúrurannsóknar-
stöðvarinnar við Mývatn, í viðtali
við Akureyri vikublað. Árni segir að
ástæður þess megi rekja til einkenni
ofauðgunar. Birtan nær ekki lengur
nægilega langt ofan í vatnið og blá-
grænar bakteríur taka yfir.
„Það er ekki of seint að snúa
þessari þróun við,“ útskýrði Árni.
„Það hafa menn gert í öðrum lönd-
um, venjulega með því að hindra
flæði næringarefna, einkum fosfórs, í
vötnin frá byggð og landbúnaði.“
Þá getur kúluskíturinn, sem er
horfinn úr vatninu, komið aftur ef
birtuskilyrðin batni, að sögn Árna.
Yngvi Ragnar Kristjánsson, odd-
viti Skútustaðahrepps, sagði Akur-
eyri vikublaði frá fundi umhverf-
is- og samgöngunefndar Alþingis
sem fundaði um málefni Mývatns á
mánudaginn. Samkvæmt reglugerð
um verndun Mývatns og Laxár frá
árinu 2012 á Skútustaðahreppur að
koma upp öflugu hreinsikerfi. Yngvi
Ragnar sagði fundinn upplýsandi og
býst hann við því að ríkisvaldið komi
til móts við sveitarfélagið við gerð
kerfisins. n
ingosig@dv.is
Mývatn Bleikjan
hefur verið að mestu
friðuð í Mývatni.
Vill leggja
flokkinn niður
Magnús Orri Schram, sem býð-
ur sig fram til formanns Sam-
fylkingarinnar, leggur til að
flokkurinn verði lagður niður og
stofnuð verði ný hreyfing sem
stefnir saman fólki frá miðju til
vinstri. Vandræði Samfylkingar-
innar séu það mikil að kominn
sé tími á grundvallarbreytingu,
en sem kunnugt er hefur
flokknum gengið illa í skoð-
anakönnunum og er fylgi hans
komið undir 10 prósent.
Í grein í Fréttablaðinu segir
hann að Samfylkingin þurfi að
taka verulegum breytingum á
næstu vikum til að geta gegnt
hlutverki sínu sem valkostur
jafnaðarfólks í kosningunum
í haust. Hann segir að til að
hreyfing jafnaðarfólks „geti þró-
ast í takt við tímann verðum við
að vera tilbúin að byrja upp á
nýtt“. Magnús segir að það sé
það sem hann vilji að Samfylk-
ingin geri.
„Ég vil að við stefnum að
því að stofna nýja, nútíma-
lega stjórnmálahreyfingu. Sem
formaður Samfylkingarinnar
mun ég hefja samtal við aðra
stjórnmálaflokka og fólk utan
flokka, um mótun nýrrar hreyf-
ingar með áherslu á auðlind-
ir í almannaþágu, umhverfis-
vernd, nýja stjórnarskrá, jöfn
tækifæri, öflugt velferðarkerfi
og samkeppni í heilbrigðu at-
vinnulífi. “