Dagblaðið Vísir - DV - 13.05.2016, Síða 26
Helgarblað 13.–16. maí 201626 Fréttir
ljúffengur morgunmatur
alla daga
Kaffivagninn / Grandagarði 10, 101 Rvk.
Sími: 551 5932 / www.kaffivagninn.is
Opið virka daga frá 07:30–18:00
og um helgar frá 09:30–18:00
gamla
höfnin
Erum að kaffæra
plánetuna
í plasti
n Ruslabíll af plasti í höfin á hverri einustu mínútu
n Plastúrgangur í hafi jafnþungur og fiskarnir árið 2050
P
lastúrgangur í hafi er ein
stærsta ógn sem steðjar
að vistkerfi jarðar. Nýleg
rannsókn Ellen MacArthur
Foundation áætlar að það
magn af plastúrgangi sem losað er í
hafið jafngildi því að sturtað væri úr
einum smekkfullum ruslatrukki í haf-
ið á hverri einustu mínútu hvern ein-
asta dag. Sérfræðingar segja að plast-
notkun jarðarbúa, og ófullnægjandi
leiðir okkar til að losa okkur við það,
sé orðið gríðarlegt vandamál. Áætlað
er að átta milljón tonn af plasti endi í
heimshöfunum á ári.
Vandamálið er víðast hvar afar
slæmt en ýmis lönd Asíu hafa verið
nefnd sérstaklega sem stórnotendur
og framleiðendur á plasti sem skilar
sér í hafið.
Rannsóknir McKinsey Center for
Business and Environment og Ocean
Conservancy sýna að meiri hluti þess
plastúrgangs sem endar í hafi berst
þangað frá löndum þar sem efna-
hagslegur uppgangur hefur verið á
undanförnum árum. Þjóðum á borð
við Kína, Indónesíu, Filippseyjum,
Taílandi og Víetnam.
Fljótandi plastflöskur og ílát af
öllu tagi, pokar, skór, rör, lok, bollar,
kveikjarar og hvaðeina eru að stífla
og stútfylla vatnsból, vötn og höf
okkar. Sjávardýr gleypa þetta plast
í hvaða formi sem það er og dreg-
ur það þau til dauða á oft og tíðum
hægan og kvalafullan máta.
Umhverfisverndarsinnar hafa
bent á að alþjóðasamfélagið virð-
ist gjörsamlega sofandi fyrir þessari
umhverfisvá. Í áðurnefndri rannsókn
Ellen MacArthur Foundation var því
spáð að án verulegrar íhlutunar og
breytinga á neyslumynstri okkar og
hegðun muni þyngd plastúrgangs í
höfunum ná þyngd alls fisks í höfun-
um árið 2050. Endurvinnslu stöðvar
ná aðeins utan um brotabrot af því
magni sem fellur til og segir í niður-
stöðum rannsóknarinnar að aðeins
smávægilegt brot af plastúrgangi
endi í endurvinnslu.
Í tilefni af Alþjóðlega vatnsdegin-
um þann 22. mars síðastliðinn fóru
ljósmyndarar European Pressphoto
Agency (EPA) á stúfana í Asíu og tóku
myndir af plastúrgangi sem endar
í vötnum, höfum og náttúru þeirra
landa sem helst eru nefnd sem verstu
umhverfissóðarnir í þessum efnum.
Hér má sjá brot af því versta sem þeir
festu á filmu í heimsálfunni. n
Á leið út á haf
Aldan gerir sig líklega
til að draga þessa
plastflösku á haf út
á Telak Duyng, eða
Apaströndinni, innan
Penang-þjóðgarðsins í
Malasíu. Mynd EPA
Engin sólarströnd Það sést vart í ströndina við þessa litlu
höfn á Jakarta í Indónesíu fyrir plastúrgangi og öðru rusli.
Mynd EPA
Í leit að verðmætum Hópur fólks
kembir ruslahaugana í Indónesíu í
leit að plastflöskum sem hægt er að
innheimta skilagjald fyrir.
Mynd EPA