Dagblaðið Vísir - DV - 14.10.2016, Page 6

Helgarblað 14.–17. október 20166 Fréttir
Sveitarfélög seldu til KEA
og eltu Akureyri í blindni
n Hópur sveitarfélaga á Norðurlandi seldi bréf sín í Tækifæri n Bæjarráðið viðurkennir mistök
Þ
rettán sveitarfélög á Norður­
landi tóku fyrr á árinu til­
boðum fjárfestingarfélagsins
KEA í hlutabréf þeirra í Tæki­
færi hf. sem byggðu á kaup­
verði sem Akureyrarbær hafði þá
samþykkt í sinn eignarhlut í lokuðu
söluferli. Sú sala hefur verið harðlega
gagnrýnd og viðurkenndi bæjarráð
Akureyrar í gær, fimmtudag, að það
hefðu verið mistök að fara ekki með
bréfin í opið söluferli.
KEA keypti alls um 17% hlut í
Tækifæri, sem fjárfestir í nýsköpun á
Norðurlandi. Dalvíkurbyggð var eina
sveitarfélagið sem hafnaði tilboði
KEA en kjörnir fulltrúar þar töldu
ekki tímabært að selja. Tækifæri
á eignir upp á rétt rúman milljarð
króna og þar af 41% hlut í Jarðböð­
unum við Mývatn sem áttu metár í
fyrra með 238 milljóna króna hagn­
að.
Fylgdu nágrönnunum
Stjórnendur KEA sendu sveitar­
félögunum fjórtán bréf í byrj­
un febrúar og gerðu „sambæri­
leg tilboð“ í eignarhluti þeirra í
fjárfestingar félaginu Tækifæri. Áttu
þau alls 5,7% hlut í félaginu en í hlut­
hafahópnum voru meðal annars
sveitarfélögin Skagafjörður, Fjalla­
byggð, Norðurþing, Langanesbyggð
og Eyjafjarðarsveit. Sveitarstjórn
Skagafjarðar seldi þá 2,07% hlut sinn
á 15,8 milljónir króna og Fjallabyggð
sín 0,29% á 2,2 milljónir króna.
„Norðurþing átti hlut fyrir um
tíu milljónir króna og því tilboði var
tekið. Það var ákveðið að fylgja ná­
grönnum okkar í þessu,“ segir Óli
Halldórsson, formaður byggðarráðs
Norðurþings, í samtali við DV um
söluna á 1,2% hlut sveitarfélagsins í
Tækifæri.
Sveitarfélögunum fjórtán var
einnig boðið að nýta sér forkaups­
rétt á 15,22% hlut Akureyrarbæjar í
félaginu. KEA hafði þá, eins og kom­
ið hefur fram, gert samkomulag
um kaup á hlut bæjarins í Tækifæri
en samkvæmt samþykktum félags­
ins gátu aðrir hluthafar gengið inn í
kaupin. Það gerðu þau ekki og féllu
frá forkaupsrétti í öll bréf í Tækifær­
is sem yrðu seld á fyrri hluta ársins.
Byggðarráð Dalvíkurbyggðar ákvað
að nýta ekki forkaupsréttinn og hafna
tilboði KEA.
„Við töldum ekki ástæðu til að
losa um okkar hlut á þessum tíma­
punkti. Við töldum samkvæmt okkar
upplýsingum að það væri ekki tíma­
bært að fara út úr henni,“ segir Gunn­
þór Eyfjörð Gunnþórsson, formað­
ur byggðar ráðsins, og vill ekki svara
því hvort honum hafi þótt tilboð KEA
vera of lágt.
KEA á 67 prósent
Fjallað var um kauptilboð KEA í
fundargerðum allra sveitarfélaganna
nema Akureyrarbæjar. Sigurður Guð­
mundsson, fyrrverandi bæjarfulltrúi
á Akureyri, gagnrýnir, líkt og komið
hefur fram, sölu á 15,22% hlut bæjar­
ins í Facebook­færslu sem hann birti
fyrir viku. Kom þar fram að hluturinn
hefði verið seldur í leyndu söluferli,
salan hefði verið skráð í trúnaðarbók
bæjarráðs, og gagnrýndi Sigurður þá
afgreiðslu harðlega. Benti hann á að
öðrum fjárfestum hefði ekki boðist
að kaupa hlut bæjarins. Fullyrti hann
þar að kaupverðið hefði verið 120
miljónir króna en það var í raun 116
milljónir.
„Þetta gerist þannig, eins og við­
skipti eru stunduð, að menn gera til­
boð í hluti og við gerðum upphaflega
tilboð í hlut Akureyrarbæjar sem
var tekið. Síðan gerðum við í fram­
haldinu mörgum öðrum sveitar­
félögum, sem voru hluthafar í Tæki­
færi og áttu litla hluti, sambærileg
tilboð sem langflest fyrir utan eitt
tóku. Allt í allt eru þetta tæplega 17%
í heildina því það var annar hluthafi
sem nýtti sér forkaupsrétt en það eru
forkaupsréttarákvæði í félaginu. Við
eigum nú af útgefnu hlutafé í kring­
um 67% eignarhlut í Tækifæri hf.,“
segir Halldór.
Aðspurður hvaða tækifæri KEA
sjái í fjárfestingarfélaginu, sem
var rekið með 384 milljóna króna
hagnaði í fyrra, bendir Halldór á
eignarhlut þess í baðstaðnum Jarð­
böðin við Mývatn. Tækifæri á einnig
59% hlut í fjölmiðlinum N4 og 35% í
snjallforritaframleiðandanum Appia.
Sveitarfélögin fimmtán áttu alls 21% í
Tækifæri í árslok 2015 samkvæmt ný­
birtum ársreikningi félagsins. n
Akureyri Samvinnufélagið KEA er stærsti
hluthafi Tækifæris hf. með 67% hlut. Sala
Akureyrarbæjar á 15,22% í fjárfestingarfé-
laginu hefur verið gagnrýnd.
Framkvæmdastjóri KEA Halldór
Jóhannsson.
Haraldur Guðmundsson
haraldur@dv.is
Fiskur er okkar fag
- Staður með alvöru útsýni
Opið allt árið, virka daga,
um helgar og á hátíðisdögum
Kaffi Duus v/ Smábátahöfnina í Keflavík - Aðeins 5 mínútur frá Leifstöð, lítið við í leiðinni • Sími: 421 7080 • duus@duus.is • Opið frá kl. 10:30 - 23:00 alla daga
Allt það besta í íslenskri og indverskri matargerð
Pingpong.is - Síðumúli 35 (að neðanverðu) , Reykjavík - S: 568 3920 & 897 1715
Borðtennis
er fyrir alla!
BorðtennisBorð