Dagblaðið Vísir - DV - 22.11.2016, Blaðsíða 8

Vikublað 22.–24. nóvember 20168 Fréttir
FÁKASEL - FYRIR ALLA
Ingolfshvoll, 816 Ölfus | fakasel@fakasel.is | símI: 483 5050
matur, drykkur
og skemmtun
Tveggja milljóna
króna borgarstjóri
n Rúmlega hálf milljón aukalega fyrir stjórnarsetu n Afþakkaði launa-
hækkun en er samt á pari við forsætisráðherra eftir ákvörðun kjararáðs
D
agur B. Eggertsson, borgar-
stjóri Reykjavíkur, er með
rúmlega tvær milljónir
króna í heildarlaun vegna
starfa sinna og setu í stjórn-
um á vegum borgarinnar. Þegar allt
er talið til er hann, þrátt fyrir að hafa
afþakkað launahækkun á dögunum,
með nánast sömu laun og kjararáð
ákvarðaði forsætisráðherra nýverið.
Borgarstjóri getur fengið rúma hálfa
milljón aukalega fyrir setu í stjórn-
um. Þá hefur hann afnot af borgar-
stjórabifreið og aðgang að bílstjóra
sem er á fullum launum hjá Ráð-
húsi Reykjavíkur. Þetta kemur fram í
svari við fyrirspurn DV um starfskjör
borgar stjóra.
Afþakkaði umdeilda
launahækkun
Sveinbjörg Birna Sveinbjörnsdóttir,
borgarfulltrúi Framsóknarflokks og
flugvallarvina, lagði í síðustu viku
fram ítarlega fyrirspurn í borgarráði
um heildarlaunagreiðslur til borg-
arstjóra. Vildi hún fá upp á borðið
hvaða greiðslur hann væri að þiggja
bæði fyrir störf sín og setu í stjórn-
um hinna ýmsu fyrirtækja eða félaga
tengdum borginni. DV beindi efnis-
lega sambærilegri fyrirspurn til borg-
arinnar og svörin liggja fyrir.
Eftir að kjararáð birti umdeilda
ákvörðun sína um hækkun launa
þjóðkjörinna fulltrúa, þar sem
laun forsætisráðherra hækkuðu úr
1.490.813 krónur í 2.021.825 krónur,
varð ljóst að áhrifa ákvörðunarinnar
myndi líka gæta á sveitarstjórnar-
stigi. Laun borgarstjóra fylgja nefni-
lega launum forsætisráðherra og
hafa lengi gert. Dagur steig hins
vegar strax fram og lýsti því yfir að
hann myndi afþakka hækkunina og
þann 15. nóvember var samþykkt til-
laga borgarstjórnar um óbreytt laun
kjörinna fulltrúa. Ekki munu þó allir
borgarfulltrúar hafa verið sáttir við þá
ákvörðun enda hefðu þeir notið góðs
af ákvörðun kjararáðs því laun þeirra
nema ákveðnu hlutfalli af þingfarar-
kaupi.
Hálf milljón fyrir stjórnarsetu
Í svari við fyrirspurn DV kemur
fram að laun borgarstjóra séu í dag
1.490.457 krónur. Ofan á það leggst
síðan starfskostnaður sem nemur
rúmum 90 þúsund krónum.
Borgarstjóri fær einnig laun fyrir
setu í stjórn Slökkviliðs höfuðborgar-
svæðisins, rúmar 170 þúsund krónur
á mánuði. Þá, líkt og fram hefur kom-
ið, fær hann laun sem stjórnarformað-
ur Faxaflóahafna þar sem hann er að
leysa af formanninn, Kristínu Soffíu
Jónsdóttur í fæðingarorlofi henn-
ar. Fær borgarstjóri 305.176 krónur á
mánuði fyrir að veita stjórn Faxaflóa-
hafna formennsku tímabundið.
Loks fær Dagur frekari sporslur
fyrir setu í Almannavarnanefnd
höfuð borgarsvæðisins. Sú nefnd sker
sig úr að því leytinu til að þar er ekki
um fastar greiðslur að ræða, held-
ur fyrir hvern fund. Samkvæmt upp-
lýsingum frá Reykjavíkurborg fundar
nefndin að jafnaði um tvisvar til fjór-
um sinnum á ári, og fær borgarstjóri
31.375 krónur fyrir hvern fund. Þegar
þannig hittir á geta heildargreiðslur
til borgarstjóra vegna stjórnarsetu
numið rúmlega hálfri milljón.
Rúmar tvær milljónir
Ef greiðslur fyrir Almanna-
varnanefndina eru undanskildar
nema heildarlaunagreiðslur borgar-
stjóra 2.057.157 krónum í dag. Þegar
svo hittir á að fundað sé í Almanna-
varnanefnd, eru launin augljóslega
hærri.
Sveinbjörg Birna spurðist einnig
fyrir um borgarstjórabifreiðina og
hvort henni fylgdi bílstjóri og hver
kjör hans væru. Í svari við fyrir-
spurn DV kemur fram að borgar-
stjóri hafi afnot af bifreið af gerðinni
Volkswagen Passat, sem keypt var í
janúar 2013 á 5.221.194 krónur.
Bifreiðinni fylgir bílstjóri sem er
í vinnu í Ráðhúsi Reykjavíkur. Hann
er þó ekki einkabílstjóri borgarstjóra
því fram kemur að hann sinni öðrum
akstursverkefnum fyrir ráðhúsið líka.
Laun og launatengd gjöld bílstjóra
ráðhússins eru áætluð 8,8 milljónir
króa árið 2016, eða sem nemur ríflega
730 þúsund krónum á mánuði.
Hefði slagað í forsetalaun
Heildarlaun borgarstjóra að meðtöld-
um aukagreiðslum vegna stjórnar-
setu, eru því nánast upp á krónu þau
sömu og kjararáð ákvarðaði forsætis-
ráðherra í hinum umdeilda úrskurði;
rétt rúmlega tvær milljónir króna.
Hefði Dagur B. Eggertsson
hins vegar þegið þá launahækkun
hefðu heildarlaun hans numið alls
2.588.525 krónum, og verið umtals-
vert hærri en laun forsætisráðherra
og raunar farið að slaga upp í laun
forseta Íslands sem fær 2.985.000
krónur eftir ákvörðun kjararáðs. n
Þetta fær borgarstjóri í laun
Hundruð þúsunda í sporslur vegna stjórnarsetu
n Laun sem borgarstjóri: 1.490.457 kr.
n Starfskostnaður: 90.636 kr.
n Stjórnarmaður Slökkviliðs höfuðborgarsvæðisins: 170.888 kr.
n Stjórnarformaður Faxaflóahafna: 305.176 kr.
(Tímabundið. Leysir af stjórnarformann í fæðingarorlofi)
n Seta í Almannavarnanefnd höfuðborgarsvæðisins: 31.375 kr. á fund.
(Fundað 2–4 sinnum á ári)
n Alls: 2.088.532 kr.
n Laun forsætisráðherra eftir nýjustu ákvörðun kjararáðs: 2.021.825 kr.
Á góðum launum
Dagur B. Eggertsson
hefur sjálfur sagt að
laun borgarstjóra
séu góð. Nú liggur
fyrir að mánaðar-
laun borgarstjóra
geta numið rúmum
tveimur milljónum
króna. Mynd SigtRygguR ARi
Spurði um launin Sveinbjörg Birna Sveinbjörnsdóttir, borgarfulltrúi Framsóknar-
flokks og flugvallarvina, spurði út í heildarlaun borgarstjóra á síðasta borgarráðs-
fundi. Mynd SigtRygguR ARi
Sigurður Mikael Jónsson
mikael@dv.is