Bókasafnið - 01.07.2017, Page 11

Bókasafnið 41. árg – 2017 11
dreifðu kollegar bókamerkjum merktum CKVIII á ráð-
stefnum og öðrum uppákomum sem þeir heimsóttu á
árunum 2015 og 2016. Byrjað var að auglýsa eftir fyrirles-
urum í apríl 2015 og opnað var fyrir innsendingu útdrátta 1.
júní 2015 og lokað fyrir innsendingu 15. janúar 2016.
Alls bárust tæplega 100 útdrættir. Í byrjun var lagt upp
með að hvert þema fengi hálfan dag. Hins vegar gekk það
ekki upp á endanum, bæði vegna mismikils fjölda útdrátta
sem sendir voru inn í þemun, en einnig vegna afboðana og
breytinga sem urðu á síðustu vikunum fyrir ráðstefnuna.
Allir meðlimir stýrihópsins að vefstjóra undanskildum lásu
yfir alla útdrætti og mátu samkvæmt gátlista sem settur var
saman áður en lesturinn hófst. Þeir útdrættir sem fengu flest
stig komust inn á dagskrá ráðstefnunnar en einnig var reynt
að hafa til hliðsjónar að fyrirlesarar ættu fulltrúa frá Evrópu
og Ameríku, ekki síður en Norðurlöndunum. Að lokum
skiptust útdrættir eftir þemum á eftirfarandi máta:
1. Implementation of information literacy into the
curriculum – 10
2. Assessment of information literacy - 6
3. Information literacy and writing centres - 4
4. New challenges for information literacy - 8

Af um 100 útdráttum voru á annan tug veggspjalda og voru
valdir 11 til sýningar.
CK ráðstefnurnar fá engar fjárveitingar og þurfa því að
standa undir sér. Mikill tími og vinna var lögð í öflun
styrkja og skiptu meðlimir stýrihópsins að vefstjóra undan-
skildum með sér verkum. Sett var saman sniðmát fyrir
„betlibréf“ bæði á íslensku og ensku sem send voru til
vænlegra styrkveitenda. Í boði voru misstórir „pakkar“ svo
sem auglýsinga- og sölubás á ráðstefnunni, ráðstefnutaska,
drykkir í móttöku eða auglýsing (logo) á vef og í dagskrá.
Mjög vel tókst til með styrki og hagnaður varð af ráð-
stefnunni. Aðalstyrkveitendur ráðstefnunnar voru Elsevier,
Oxford University Press, LM Information Delivery, SAGE
og Springer. Þess má geta að allir háskólarnir styrktu ráð-
stefnuna með peningastyrkjum, en óneitanlega voru styrkir
þeirra umtalsvert meiri í formi vinnu starfsmanna á vinnu-
tíma.
Alls komu um 200 gestir á ráðstefnuna og var sá fjöldi í
samræmi við væntingar. Gestir komu víða að til dæmis
frá Kanada, Bandaríkjunum og Hong Kong, en langflestir
komu frá Norðurlöndunum.
Ráðstefnan fór vel fram í alla staði og þótti almennt mjög
vel heppnuð. Ekki spillti fyrir að veðrið lék við ráðstefnu-
gesti og landið skartaði sínu fegursta.
Eftir ráðstefnuna var send út könnun til þátttakenda. Af
200 þátttakendum svöruðu 127. Langflestir þátttakendur
voru bókasafns- og upplýsingafræðingar, en næststærsti
hópurinn var kennarar. Flestir virtust hafa heyrt af ráðstefn-
unni í gegnum persónuleg samskipti svo sem tölvupósta.
Þess ber þó að geta að ráðstefnan var auglýst á íslenskum
og erlendum póstlistum fjórum sinnum á undirbúnings-
tímanum. 66% töldu að tímasetning ráðstefnunnar hefði
verið frábær (excellent) og tæp 86% gáfu vef ráðstefnunnar
einkunnina excellent eða good. 90% fannst ráðstefnutaskan
Móttaka í Háskólanum í Reykjavík á undan hátíðarkvöldverði