Dagblaðið Vísir - DV - 27.01.2017, Blaðsíða 6

Helgarblað 27.–30. janúar 20176 Fréttir
Nýjar vörur
Verður ekki skylt
að fjölga í borginni
Jón Gunnarsson boðar frumvarp sem afnemur skyldu Reykjavíkurborgar til að fjölga borgarfulltrúum
Í
þingmálaskrá ríkisstjórnar Sjálf-
stæðisflokks, Viðreisnar og Bjartr-
ar framtíðar, þar sem tiltekið er
hvaða mál ríkisstjórnin hyggst
leggja fram á þinginu, er með-
al annars að finna frumvarp Jóns
Gunnarssonar, samgöngu- og sveit-
arstjórnarráðherra, til breytinga á
sveitarstjórnarlögum. Frumvarp-
ið miðar að því að afnema skyldu
Reykjavíkurborgar til að fjölga borg-
arfulltrúum eftir næstu sveitarstjórn-
arkosningar. Samkvæmt núgildandi
lögum frá árinu 2011 er borginni
skylt að fjölga aðalmönnum í borgar-
stjórn úr 15 í að minnsta kosti 23 eft-
ir kosningarnar 2018 en samkvæmt
lögunum er heimilt að fjölga þeim
upp í allt að 31. Skiptar skoðan-
ir eru meðal borgarfulltrúa um
frumvarpið.
Unnið að málinu í forsætis-
nefnd
DV greindi frá því í desember síð-
astliðnum að unnið væri að því inn-
an forsætisnefndar borgastjórnar
að kanna með hvaða hætti best yrði
staðið að fjölgun borgarfulltrúa í fjár-
hagslegu tilliti en að óbreyttu myndi
launakostnaður vegna fjölgunar
borgarfulltrúa um átta auka launa-
kostnað borgarinnar um 92 milljónir
rúmar á ári. Brugðið var upp tveimur
sviðsmyndum. Sé horft á aðra sviðs-
myndina myndi kostnaður borgar-
innar hækka um tæpar 19 milljónir
en samkvæmt hinni myndi kostnað-
urinn lækka um rúmar 28 milljónir.
Dagur enginn sérstakur tals-
maður fjölgunar
Verði frumvarp Jóns Gunnarsson-
ar, sem leggja á fram í mars kom-
andi, hins vegar lögfest breytist stað-
an. Samkvæmt frumvarpinu yrði
borginni í sjálfsvald sett hvort af
fjölgun borgarfulltrúa yrði. Dagur
B. Eggertsson borgarstjóri segir að
skiptar skoðanir hafi verið um fjölg-
unina innan borgarstjórnar. „Ég hef
litið þannig á að Alþingi eigi að setja
þennan ramma, það var Alþingi sem
ákvað það einróma á sínum tíma
að fjölga ætti borgarfulltrúum. For-
sætisnefnd borgarstjórnar hefur ver-
ið að vinna til samræmis við það.
Borgarstjórn tók á sínum tíma ekki
afstöðu með eða á móti frumvarp-
inu um fjölgun borgarfulltrúa heldur
eftirlét það einstökum borgarstjórn-
arflokkum og borgarfulltrúum. Það
hafa verið skiptar skoðanir um þetta
mál þannig að verði þetta að lögum
munum við taka umræðuna upp að
nýju.“
Dagur segir að í sínum huga
skipti meira máli hvernig störf borg-
arstjórnar séu skipulögð heldur en
hversu margir borgarfulltrúar sinni
þeim. „Ég hef ekki verið neinn sér-
stakur talsmaður þess að fjölga borg-
arstjórnarfulltrúum. Ég held að talan
skipti ekki öllu máli heldur hvern-
ig starfið er skipulagt. Í dag eru fjöl-
margir varaborgarfulltrúar og aðrir
fulltrúar virkir í starfi borgarstjórn-
ar og það hvernig þeir hlutir eru út-
færðir skiptir ekki minna máli.“
Sjálfstæðismönnum líst vel á
Halldór Halldórsson, oddviti Sjálf-
stæðisflokksins, fagnar því að stefnt
sé að því að leggja frumvarpið fram.
„Okkur líst mjög vel á þetta, borgar-
fulltrúum Sjálfstæðisflokksins, mjög
vel. Við skrifuðum einmitt þing-
flokki Sjálfstæðisflokksins bréf fyr-
ir nokkrum mánuðum þar sem við
hvöttum til að viðlíka frumvarp Sig-
ríðar Andersen yrði samþykkt. Af því
varð ekki en við fögnum þessu. Breyti
Alþingi þessum lögum þarf borgar-
stjórn að taka afstöðu til þess hvort
hún haldi sig við þá stefnu að fjölga
borgarfulltrúum. Þetta þarf að ger-
ast hratt, það er stuttur tími til stefnu.
Undirbúningsvinna forsætisnefndar
borgarstjórnar hefur gengið út frá því
að borgarfulltrúum verði fjölgað í 23.“
Halldór segir að sjálfstæðismenn
muni beita sér fyrir því, verði frum-
varpið samþykkt, að borgarfulltrúar
verði áfram 15. „Það hefur verið okk-
ar afstaða. Við höfum ekki séð ástæðu
til að fjölga borgarfulltrúum. Þetta er
eina sveitarfélagið á landinu þar sem
allir borgarfulltrúar eru í fullri vinnu
og varaborgarfulltrúar á launum að
hluta. Því hefur verið haldið fram að
hægt sé að spara það mikið í öðrum
kostnaði að aukakostnaður vegna
fjölgunar borgarfulltrúa verði ekki
verulegur, jafnvel enginn. Við höfum
ekki keypt þau rök.“
Líf vill að borgin haldi sínu striki
Líf Magneudóttir, borgarfulltrúi
Vinstri grænna og forseti borgar-
stjórnar, er hins vegar þeirrar skoðun-
ar að borgin ætti að halda sínu striki
og fjölga borgarfulltrúum. „Það hníga
mörg rök að því að fjölga borgarfull-
trúum. Ég tel það styrkja lýðræðið,
líklegra sé að hópur kjörinna fulltrúa
verði fjölbreyttari og minni framboð
og fleiri sjónarmið fái rödd ef borgar-
fulltrúum verður fjölgað.“
Líf bendir á að íbúum borgarinn-
ar hafi fjölgað gríðarlega. Borgarfull-
trúum hafi verið fjölgað í 21 á kjör-
tímabilinu 1982 til 1986 en þá hafi
þeim verið fækkað aftur í 15. Árið
1986 var íbúafjöldi í Reykjavík um 91
þúsund manns en á síðasta ári, 2016,
bjuggu ríflega 122 þúsund manns í
borginni. Borgarstjórn núna endur-
spegli ekki þær breytingar sem orðið
hafa á íbúaþróun. „Mín persónulega
skoðun er sú að við eigum að halda
okkar striki og fjölga borgarfulltrúum
við næstu borgarstjórnarkosningar.
Verði frumvarpið að lögum þurfum
við hins vegar auðvitað að ræða mál-
ið að nýju.“ n
Fagna boðun
frumvarpsins
Halldór Halldórsson
segir að sjálfstæðis-
menn sjái enga sérstaka
ástæðu til að fjölga borg-
arfulltrúum. MynD SigtryggUr Ari
Vill að borgin haldi sínu striki Líf
Magneudóttir, forseti borgarstjórnar, telur
að fjölgun borgarfulltrúa muni styrkja
lýðræðið í borginni. MynD SigtryggUr Ari
Enginn talsmaður
fjölgunar Dagur
B. Eggertsson telur
að skipulag á starfi
borgarstjórnar
skipti meira
máli en fjöldi
borgarfulltrúa.
MynD SigtryggUr Ari
Þurfa ekki að fjölga Svo kann að fara að ekki
þurfi að bæta við stólum og borðum í fundarsal
borgarstjórnar. MynD ÞorMAr Vignir gUnnArSSon
Freyr rögnvaldsson
freyr@dv.is
Þriðjungur
styður ríkis-
stjórnina
Samkvæmt nýrri könnun MMR,
sem fram fór dagana 12. til 26.
janúar, mælist Sjálfstæðisflokk-
urinn stærstur flokka. Fylgi
Sjálfstæðisflokksins mældist
24,6 prósent en það er 1,5 pró-
sentustigum minna en í síðustu
könnun sem lauk 10. janúar
2017. Vinstri-grænir koma næst
á eftir með 22,0 prósenta fylgi
en það er minnkun um 2,3 pró-
sentustig frá síðustu mælingu.
Píratar mælast nú með 13,6 pró-
senta fylgi sem er einu prósentu-
stigi minna en í síðustu mælingu.
Í könnun MMR var einnig
spurt um stuðning við ríkis-
stjórnina. Samkvæmt niður-
stöðum könnunarinnar mæld-
ist stuðningur við ríkisstjórnina
35,0 prósent sem er mun minni
stuðningur en aðrar ríkisstjórn-
ir hafa mælst með við upphaf
stjórnarsetu og í eina skiptið sem
ný ríkisstjórn hefur ekki mælst
með stuðning meirihluta kjós-
enda.
Við upphaf stjórnarsetu síð-
ustu tveggja ríkisstjórna mældist
stuðningur við þær 56 prósent
(S+V) og 60 prósent (B+D).
Fylgi Framsóknarflokks-
ins mælist nú 12,5% og mældist
10,9% í síðustu könnun.
Fylgi Samfylkingarinnar
mælist nú 7,0% og mældist 6,4% í
síðustu könnun.
Fylgi Bjartrar framtíðar mælist
nú 7,0% og mældist 6,3% í síð-
ustu könnun.
Fylgi Viðreisnar mælist nú
6,8% og mældist 6,9% í síðustu
könnun.
Fylgi annarra flokka mælist
6,6% samanlagt.