Dagblaðið Vísir - DV - 11.04.2017, Blaðsíða 56

56 menning Páskablað 11. apríl 2017
Byrjaði
að skrifa
níu ára
gamall
Christoffer Carlsson er höfundur verðlaunaglæpasögunnar Ósýnilegi maðurinn frá Salem
S
káldsagan Ósýnilegi maður­
inn frá Salem fékk sænsku
glæpasagnaverðlaunin árið
2013. Höfundur hennar,
Christoffer Carlsson, er
yngsti höfundurinn í Svíþjóð til að
hreppa þau verðlaun. Carlsson var
staddur hér á dögunum til að kynna
bókina. Blaðamaður settist niður
með þessum einkar vinalega rithöf­
undi sem er menntaður í afbrota­
fræðum.
Uppnuminn af Enid Blyton
Fyrsta bók Carlsson kom út þegar
hann var 23 ára gamall. „Sem bet­
ur fer er hún ekki til í íslenskri þýð­
ingu því hún var verulega slæm,“
segir hann. Blaðamaður spyr hann
hvenær hann hafi byrjað að skrifa.
Það kemur í ljós að Enid Blyton kom
honum á bragðið.
„Bóklestur var ekki stundaður
á heimili mínu og ekkert bóka­
safn var í skólanum en aðra hverja
viku kom bókabíllinn. Þá fórum við
krakkarnir í röð og var hleypt inn til
að velja okkur bók. Ég var ekki gef­
inn fyrir lestur og valdi þunna bók
sem ég taldi vera fljótlesna. Þetta var
Fimm á Smyglarahæð. Ég vissi ekki
hvað smyglari var en það hljómaði
spennandi. Ég varð uppnum­
inn og fór að lesa af kappi. Níu
ára gamall fór ég að skrifa sögur í
stíl Enid Blyton og lét þær gerast
á heimaslóðum mínum, Halm­
stad. Þetta var mín leið til að tjá
mig á skapandi hátt. Ég hafði
lítið við að vera og vinir mínir
bjuggu í 5–6 kílómetra fjarlægð.
Margir lesa bækur en það eru
ekki margir níu ára krakkar sem
skrifa. Ég veit ekki ennþá hvað
það var nákvæmlega sem fékk
mig til þess, en ég held að það
hafi verið möguleikinn á að búa
til nýja heima, skemmtilega og
spennandi. Það voru skriftirnar
sem gerðu mér ljóst að maður
þarf ekki að vera heftur af út­
liti sínu, uppruna, umhverfi
eða því hvernig aðrir sjá mann.
Skriftunum fylgdi sterk ham­
ingjutilfinning og þannig er það
ennþá.
Ég er mikill glæpasagna­
aðdáandi. Þegar ég var tíu ára
kynnti afi minn fyrir glæpasögum
allra stóru sænsku glæpasagnahöf­
undanna, Hennings Mankell, Lizu
Marklund og Håkans Nesser.“
Junker ratar heim
Árið 2013 kom út glæpasagan Ósýni­
legi maðurinn frá Salem en þar var
kynntur til leiks lögreglumaðurinn
Leo Junker. „Bókin er skrifuð í fyrstu
persónu, sem er nokkuð óvenju­
legt í glæpasögum,“ segir Carlsson.
„Junker er á fertugsaldri, afar fær
lögreglumaður en hefur sína galla.
Það má segja að hann sé dæmi­
gerð glæpasagnalögga. Í bókinni
kemur í ljós að hann gerði skelfileg
mistök í starfi, varð starfsfélaga sín­
um að bana. Hann lifir einangruðu,
einmanalegu lífi. Í upphafi sögunn­
ar finnst kona myrt í íbúð sinni
sem er í sama húsi og íbúð Junkers.
Mál myrtu konunnar leiðir hann á
gamlar slóðir. Vinátta og eðli vináttu
kemur svo mjög við sögu.“
Ósýnilegi maðurinn frá Salem er
fyrsta bókin í fjögurra bóka flokki
um Leo Junker. Carlsson segir að
í þeim megi sjá ákveðna þróun.
„Harry Hole og Kurt Wallander eru
frá upphafi einfarar og það breytist
ekki. Sambönd þeirra við aðra end­
ast ekki. Þetta á ekki við um Junker. Í
hverri bók fetar hann sig hægt áleið­
is heim og í síðustu bókinni verð­
ur hann kominn heim og er sáttur.
Þessar fjórar bækur eru því ein löng
saga. Hverja um sig má þó lesa sem
sjálfstæða sögu,“ segir hann.
Carlsson segir morð ekki aðalefni
bóka sinna. „Góður krimmi fjallar
ekki eingöngu um glæp heldur um
svo margt annað eins og ást, vin­
áttu, svik, græðgi, fíkn og þörf fyrir
völd. Ég er lærður afbrotafræðingur
og veit að þegar glæpur er framinn er
það venjulega vegna þessara þátta.“
n
Christoffer
Carlsson Skriftun-
um fylgdi sterk
hamingjutilfinning og
þannig er það ennþá.
Mynd SigtryggUr Ari
„Það voru skriftirn-
ar sem gerðu mér
ljóst að maður þarf ekki
að vera heftur af útliti
sínu, uppruna, umhverfi
eða því hvernig aðrir sjá
mann.
Kolbrún Bergþórsdóttir
kolbrun@dv.is
Þitt er valið
Þú velur að kaupa innréttinguna í
ósamsettum einingum, eða lætur okkur um
samsetninguna. Að sjálfsögðu önnumst við
líka uppsetningu og endanlegan frágang.
Fullkomin þjónusta, eigið verkstæði.
Fjölbreytt úrval aF hurðum, Framhliðum,
klæðningum og einingum
styrkur - ending - gæði
Askalind 3 • 201 Kópavogur • Sími: 562 1500 • friform.is
HÁGÆða ÞvOttaHÚSiNNrÉttiNGar
FATASKÁPAR &
reNNiHUrðir
Opið:
Mán. til föstudaga kl. 09 til 18
Laugardaga kl. 11 til 15