Dagblaðið Vísir - DV - 02.06.2017, Qupperneq 6

6 Helgarblað 2. júní 2017fréttir
Furðulega þingið sem
Fullt var aF Frídögum
n Frídagar næstum jafnmargir og þingfundardagar n Fara nú í sumarfrí til 12. september
Á
miðvikudag stóð til að slíta
146. löggjafarþingi þar sem
mörg af stórmálum ríkis­
stjórnarinnar voru enn óaf­
greidd. Þingið, sem sett
var 6. desember síðastliðinn, hef­
ur verið allt annað en dæmigert,
raunar að margra mati stórfurðulegt,
vegna þeirra aðstæðna sem sköp­
uðust með snemmbúnum kosning­
um í lok október og síðan stjórnar­
kreppu í kjölfarið sem varði þar til ný
stjórn var formlega mynduð 11. jan­
úar 2014. Hefðu þingslit á miðviku­
dag haldið samkvæmt áætlun væru
þingmenn nú farnir í 103 daga sum­
arfrí til 12. september næstkomandi.
Sumarfríið er ekki bara langt því
þrátt fyrir stutt og sérstakt þing þá
voru frídagarnir næstum jafnmargir
og þingfundardagar þess. DV rýndi
í vegleg frí hinna kjörnu fulltrúa og
fann meðal annars út að þingmenn
og ráðherrar fengu um 137 milljónir
króna í laun meðan þeir voru í fríi á
liðnu þingi.
34 dagar í jólafrí
Gengið var til alþingiskosninga þann
29. október í fyrra sem kunnugt er
en 146. löggjafarþingið var ekki sett
formlega fyrr en 6. desember, 38
dögum eftir kosningar. Hið nýsetta
þing stóð þó ekki lengi því rúm­
lega tveimur vikum síðar var komið
jólafrí. Það stóð frá 22. desember til
24. janúar og var því 34 dagar. Í milli­
tíðinni tókst þó loks að binda enda
á stjórnarkreppuna í landinu og var
ný ríkisstjórn Sjálfstæðisflokks, Við­
reisnar og Bjartrar framtíðar form­
lega mynduð á Bessastöðum 11. jan­
úar.
17 daga páskafrí
Næsta frí var síðan ekki síður ríf­
legt páskafrí sem stóð frá 7. til 23.
apríl eða í 17 daga. Tveir almenn­
ir frídagar voru síðan til viðbótar,
verkalýðsdagurinn 1. maí og upp­
stigningardagur 25. maí.
Með jólafríinu gera þetta alls
53 frídaga á þeim 176 dögum sem
liðu frá þingsetningu 6. desember
að áætluðum þinglokum 31. maí.
Til samanburðar þá voru 58 þing­
fundardagar á þessu sama tímabili.
En eins og þingmenn sem sak­
aðir eru um fjarveru frá þingi eru
duglegir að benda á þá felst vissu­
lega meira í starfi þingmanna en
að hanga á þingfundum. Á tímabil­
inu eru að sjálfsögðu kjördæma­ og
nefndardagar auk reglulegra funda
í fastanefndum hjá mörgum þing­
manna.
30% tímans í fríi
Eftir stendur hins vegar sú staðreynd
að þingmenn og ráðherrar voru í fríi
30 prósent tímans á þinginu á sama
tíma og mörg mikilvæg mál þokuð­
ust lítið eða ekkert áfram. Samkvæmt
tölfræðiupplýsingum um þingfundi
af vef Alþingis þá var meðallengd
þingfunda fjórar klukkustundir og
40 mínútur en hefur ekki verið styttri
síðan á 136. löggjafarþingi 2008–
2009 þegar meðallengdin var 04:23.
Illugi Jökulsson, blaðamaður
og samfélagsrýnir, var lítt hrifinn
af fyrirhuguðu sumarfríi þingsins á
þriðjudag þar sem hann deildi frétt
um að þingi yrði slitið næsta dag. „Af
hverju er þingið að fara í sumarfrí?
Það á eftir að leysa fullt af málum. AF
HVERJU HUNSKAST ÞINGMENN
EKKI TIL AÐ VERA Í VINNUNNI OG
VINNA FYRIR KAUPINU SÍNU?“
Þetta kaup þingmanna hefur
svo aldrei verið hærra, eins og flest­
ir muna, síðan í kjölfar úrskurðar
kjararáðs um launahækkun til handa
kjörnum fulltrúum sem tók gildi 1.
nóvember síðastliðinn. Þá voru laun
forsætisráðherra hækkuð í rúmar
tvær milljónir á mánuði, hinna tíu
ráðherranna í rúmlega 1,8 milljón­
ir og þingafararkaup alþingismanna
í rúmlega 1,1 milljón króna. Hér til
hliðar má svo sjá hversu mikið frí­
dagar hinna kjörnu fulltrúa kostuðu
ríkissjóð á nýafstöðnu þingi.
Sem fyrr segir tókst ekki að ljúka
þingstörfum á tilskildum tíma og
boðað til þingfundar fimmtudaginn
1. júní þar sem hart var tekist á um
tillögur dómsmálaráðherra um skip­
an dómara við Landsrétt. Þeim um­
ræðum var ekki enn lokið þegar DV
fór í prentun. n
Forsætisráðherra
n Laun: 2.021.825 kr. á mánuði
n 67.394 kr. á dag m.v. 30 daga í mánuði.
n 53 frídagar = 3.571.882 kr.
10 ráðherrar
n Laun hvers og eins: 1.826.273 kr. á
mánuði.
n 60.875 kr. á dag m.v. 30 daga í mánuði.
n 10 ráðherrar = 608.757 kr. á dag.
n 53 frídagar = 32.264.121 kr.
Alþingismenn
n Þingfararkaup alþingismanna:
1.101.194 kr. á mánuði.
n 36.706 kr. á dag m.v. 30 daga í mánuði.
n 52 þingmenn = 1.908.736 kr. á dag.
n 53 frídagar = 101.163.008 kr.
Alls laun vegna 53 frídaga:
136.999.011 kr.
Sigurður Mikael Jónsson
mikael@dv.is
137 milljónir í laun fyrir frídagana
„Af hverju er þingið
að fara í sumarfrí?
29. október 2016
Þingkosningar.
6. desember 2016
146. löggjafarþing sett (38
dögum eftir kosningar).
22. desember 2016
– 24. janúar 2017
Jólafrí (34 dagar).
11. janúar 2017
Ný ríkisstjórn formlega
mynduð á Bessastöðum.
7.–23. apríl 2017
páskafrí (17 dagar).
31. maí 2017
Áætluð þingslit. Við átti að
taka 103 dagar í sumarfrí.