Dagblaðið Vísir - DV - 15.09.2017, Side 47

Það væsir svo sannarlega ekki um nemendur og starfsfólk Listaháskóla Íslands þessi
misserin en þar starfar frú Sigur-
veig Káradóttir sem matráður í
Laugarnesi og sú sér vel um sína.
Sigurveig, sem menntaði sig í
matargerð við Gordon Bleu í London
fyrir um ellefu árum, segist aldrei
fylgja uppskriftum þegar hún stend-
ur við pottana en stundum bloggar
hún á sigurveig.com til að skrásetja
sköpunarverkin. „Það verður bara
eitthvað til af sjálfu sér. Þetta þróast
svona þegar maður er búinn að læra
eitthvað, þá er það þarna á bak við
og maður veit ekkert hvaðan það
kemur. Ég hef hins vegar stundum
sett uppskriftir inn
á bloggið mitt svo
ég muni nú eitthvað
af því sem ég geri,“
segir hún sposk.
Gerir allt klárt fyrir
veislur og matarboð
Sigurveig er
gjarna með mörg
járn í eldinum, já
eða potta á öllum
hellum. Margir
hafa smakk-
að gómsætu
hafraklattana
sem hún bakar undir merki Matar-
kistunnar en færri vita að Sigurveig
er jafnan liðtæk þegar kemur að
því að skella upp flottri veislu.
Þá undirbýr hún allt sem þarf til
veisluhaldanna
og gestgjafinn
þarf ekki ann-
að en að stinga
matnum inn í
ofn.
„Ég er ekki með sérlegan lista
yfir þjónustuna sem ég veiti en eitt
geri ég þó ekki og það eru snittur!
Mér finnst hins vegar mjög gaman
þegar fólk vill gera eitthvað sérstakt
og öðruvísi. Þá er ég alltaf til. Fólki
er alveg óhætt að hafa samband
við mig með eitt og annað sem
viðkemur veislum og matargerð.“
Bestu makkarónur landsins
Síðustu ár hefur makkarónubakstur
verið mikið í tísku hjá landanum
og vinsælt að panta þetta fallega
góðgæti í hvers konar boð og veislur.
Sigurveig er ekkert að skafa utan af
því þegar talið berst að hæfileikum
hennar á sviði makkarónugerðar.
„Ég er búin að gera makkarónur í
tíu ár og mínar þykja þær albestu á
landinu,“ segir hún án þess að hika.
„En þetta er ekki bara eitthvað sem
ég ein held fram og enginn annar. Ég
hef fengið mikið lof fyrir þær og það
frá sérfróðum Frökkum. Þeir smökk-
uðu þær, horfðu svo á mig orðlausir
og sögðu bara bíddu, bíddu …“
Jógúrtlegið lambalæri
Sigurveig segir það algengt, í
Austur löndum og við Miðjarðarhaf,
að marinera lambakjöt í jógúrt en
þar hefur hún ferðast mikið ásamt
Agli Helgasyni, eiginmanni sínum.
„Jógúrtin brýtur aðeins upp
fitubragðið af lambakjötinu sem
sumir eru viðkvæmir fyrir, til
dæmis einn hér á heimilinu, Egill
semsé,“ segir hún og hlær. „Hvað
varðar jógúrtmaríneringuna þá má
blanda allskonar kryddi og smá
sítrónu út í hana, hvaða kryddi sem
er. Svo lengi sem það fer vel með
kjötinu. Persónulega er ég hrifin af
kardimommum. Ég mala þær heil-
ar og leyfi hýðinu og öllu að fylgja
með. Mér finnst það ægilega gott,
en hver og einn ætti að prófa sig
áfram eftir eigin smekk á kryddi,“
segir Sigurveig að lokum.
Eldar Ekki bara
fyrir Egil HElga
Uppskrift
INNIHALD
Jógúrtmarínering
n 200 g jógúrt (1/2 dós sirka)
n 2 tsk. kanill
n 1 tsk. malað kúmin (caraway seeds)
n 2 tsk. ómalað kúmin (caraway seeds) (má líka vel nota kúmen, bara hvort
heldur er til í skápnum. Verður aðeins mildara og annar keimur, en hvort tveggja
gott!)
n 1 tsk. paprika
n 2 tsk. malaðar kardimommur (ég mala þær í morteli, en annars 1 tsk. „for­
malaðar“)
n safi og börkur af einni sítrónu (rífa sítrónubörkinn niður)
n 4–5 hvítlauksrif – smátt söxuð
n 1 tsk. sjávarsalt
n 1/2 tsk. hvítur pipar
Annað
n Lambalæri sirka 2 kg
n Plómur eða apríkósur
n Kúskús! 1 pakki (250 g)
n Gulrætur sem meðlæti
AÐFERÐ
Fínsaxaðu hvítlaukinn og blandaðu við jógúrtina ásamt kryddi, sítrónusafa og berki.
Jógúrtblöndunni er síðan makað vel á lærið, undir og yfir. Plastpoki settur
laust utan um fatið og inn í ísskáp yfir nótt eða í nokkra tíma.
Ég skar gulræturnar í fremur stóra bita og setti í eldfast mót ásamt desilíter af
vatni, sirka 1/2 tsk. af sjávarsalti, 4–5 msk. af ólífuolíu og 3–4 tsk. af hunangi.
Svo rak ég augun í plómur sem lágu á borðinu og voru orðnar aðeins of
þroskaðar til að borða einar og sér.
Plómurnar bráðna alveg í hitanum og verða að góðri sósu sem gott er að hella yfir
kúskúsið. Þannig að ef þið sjáið engar plómur í fatinu þegar þið takið það út, ekki fá
sjokk. Það á að vera þannig! Þær eru bara þarna til að verða að sósu. Ef engar eru
plómurnar, þá er tilvalið að taka nokkrar þurrkaðar apríkósur og skella í eldfast mót
í staðinn. Skera þær bara nokkuð smátt en ekki of. Þær drekka í sig mikinn vökva og
eru líka ansi góðar með gulrótum og kúskúsi.
En aftur að lærinu, hitið ofninn í 200–250 gráður og setjið lærið inn á meðan
ofninn er að hitna. Tékka á þessu við og við, hræra í gulrótunum og lækka svo
hitann þegar maríneringin byrjar að taka smá lit.
Eftir um 20–30 mínútur ætti maríneringin að vera búin að taka réttan lit og þá er
gott að lækka hitann í 200 gráður í sirka klukkutíma, og loks í 180 gráður fyrir rest.
Lærið var inni í rúman einn og hálfan tíma en hefði vel mátt dóla sér aðeins lengur.
Enn og aftur, hitastig er bara til að miða við. Allir ofnar eru misjafnir og
misjafnt hvernig hver og einn vill hafa kjötið. Ég er dálítið fyrir að hafa það vel
eldað og satt best að segja „meika“ ég ekki eldrautt lambakjöt.
Og svo er það kúskúsið, sem er satt best að segja eitthvert einfaldasta og
fljótlegasta meðlæti sem fyrirfinnst!
Ég var með 250 gramma pakka. Sauð vatnið í hraðsuðukatli og bætti svo við
grænmetiskrafti. Mér finnst alltaf þurfa aðeins meira vatn en manni er sagt að
nota á pakkanum og svo bæti ég við vænni smjörklípu. Kannski 2–3 msk.
Loks fara ristaðar og saxaðar möndlur yfir kúskúsið og gulræturnar og svo er
maturinn borinn fram á fallegum diski.
Verði ykkur að góðu!
Jógúrtlegið lambalæri að hætti Sigurveigar Káradóttur:
BEstu mAkkARóNuR LANDsINs
og þó víÐAR væRI LEItAÐ „Ég
er búin að gera makkarónur í tíu ár og
mínar þykja þær albestu á landinu.“
M
yn
d
B
ry
n
ja
M
yn
d
B
ry
n
ja