Dagblaðið Vísir - DV - 22.09.2017, Síða 18

18 umræða
Útgáfufélag: DV ehf. Stjórnarformaður og útgefandi: Björn Ingi Hrafnsson
ritstjórar: Kolbrún Bergþórsdóttir og Sigurvin Ólafsson ritstjóri dv.is: Kristjón Kormákur Guðjónsson
aðstoðarritstjóri dv.is: Einar Þór Sigurðsson umbrot: DV ehf. Prentun: Landsprent Dreifing: Árvakur
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
aðalnúmer: 512 7000
auglýsingar: 512 7050
ritstjórn: 512 7010
fréttaskot
512 70 70
Heimilisfang
Kringlan 4-12, 4. hæð
103 Reykjavík
Sandkorn
Helgarblað 22. september 2017
Flóttinn frá stjórnarheimilinu
S
ennilega var það alltaf
einungis spurning um tíma
hvenær ríkisstjórn Sjálf­
stæðisflokks, Viðreisnar og
Bjartrar framtíðar myndi deyja
drottni sínum. Litlu flokkarnir
máttu reyna það, sem of margir
hafa orðið að þola í samstarfi við
Sjálfstæðisflokkinn, að stefnu­
málum þeirra var vikið til hlið­
ar meðan áherslur Sjálfstæðis­
flokksins voru ráðandi. Ekki nema
von að Björt framtíð hafi gefist
upp, leitað útgönguleiða og loks
ákveðið að strjúka frá stjórnar­
heimilinu. Sú aðferð sem not­
uð var er hins vegar vítaverð og
flokknum reyndar til háborinnar
skammar.
Björt framtíð sleit stjórnar­
samstarfi í skjóli nætur án þess
að hafa fundað með samstarfs­
flokkum sínum. Þessi aðferð ber
vott um að taugastyrkurinn þar á
bæ sé ekki ýkja mikill. Það er ein­
faldlega sjálfsögð kurteisi í ríkis­
stjórnarsamstarfi að ræða við
samstarfsmenn sína þegar alvar­
leg ágreiningsefni koma upp og
trúnaðarbrestur verður. Björt
framtíð átti að funda með sam­
starfsflokkum sínum og krefjast
skýringa forsætisráðherra og
dómsmálaráðherra í máli er varð­
ar uppreist æru. Það var ekki gert,
heldur klambrað saman frétta­
tilkynningu til fjölmiðla og síðan
lagst til svefns. Það er engin furða
að menn spyrji hvort flokki sem
starfi á þennan hátt sé treystandi
til að vera í ríkisstjórn. Svarið ætti
að vera augljóst, honum er ekki
treystandi.
Af því íslensk pólitík er eins
og hún er og stjórnast iðulega
af hentistefnu þá hafa fulltrúar
stjórnarandstöðuflokkanna, og
reyndar einnig Viðreisnar, lítið
sem ekkert tjáð sig um það hvernig
staðið var að þessum stjórnarslit­
um. Þeir vilja vitanlega ekki gera
Sjálfstæðisflokknum þann greiða
að segja sannleikann um vitleysis­
ganginn í Bjartri framtíð. Vitaskuld
gera þeir sér samt ljóst að svona
er ekki hægt að standa að málum.
Það þarf að vera festa í stjórnar­
fari. Það koma vissulega upp að­
stæður þar sem rétt þykir að slíta
stjórnarsamstarfi en það þarf að
vera rökrétt hugsun á bak við slíka
ákvörðun og hana þarf að taka að
vandlega ígrunduðu máli. Þannig
var ekki að þessu sinni. Taugakerfi
Bjartrar framtíðar hrundi á einu
kvöldi.
Þjóðin syrgir ekki ríkisstjórn
Sjálfstæðisflokks, Viðreisnar og
Bjartrar framtíðar. Þetta stjórnar­
samstarf var aldrei sérlega sann­
færandi. Stjórnarslitin eru hins
vegar ekki til þess fallin að auka
traust þjóðarinnar á stjórnmála­
mönnum. Þar er ekki einungis
Bjartri framtíð um að kenna. Í erf­
iðu máli hefðu forsætisráðherra og
dómsmálaráðherra þjóðarinnar
átt að bregðast öðruvísi við. Þessir
ráðherrar áttu að vita að mál sem
þeir kusu að halda leyndu myndi
fyrr en síðar koma upp á yfirborðið.
Vantrú í garð stjórnmálamanna
grasserar meðal þjóðarinnar og
þeir geta engum um kennt nema
sjálfum sér. Ekki nema von að hinn
góðviljaði forseti lýðveldisins vilji
hughreysta þjóðina og hvetji hana
til að nýta kosningaréttinn og mæta
á kjörstað. Það eru örugglega mjög
margir sem íhuga nú hvort ekki sé
réttast að sitja bara heima.n
Það er von mín að komandi kosninga-
barátta verði jákvæð og heiðarleg
Þjóðfélagið er
fullt af sögum
Hvaða stjórnmálaflokkar ætla að
standa með alþýðu þessa lands?
Eygló Harðardóttir – eyjan.is Bubbi Morthens – DV Vilhjálmur Birgisson – eyjan.is
Meira af hausverk
Þá er hausverkurinn ekki minni
hjá Framsókn. Lilja Alfreðsdóttir
var í fyrsta sæti í Reykjavík suður
í síðustu kosningum, en höfuð­
borgin löngum verið flokknum
erfið. Enda fór það svo að Lilja
rétt náði inn á lokametrunum
í síðustu kosningum, eftir að
flokksmaskínan hafði verið ræst
út – og það þótt hún hafi verið
utanríkisráðherra og nýkjörinn
varaformaður flokksins á þess­
um tímapunkti. Margir líta á Lilju
sem framtíðarforingja Fram­
sóknar og því verður að telja það
mikla áhættu að tefla henni fram
aftur í Reykjavík. Hvað verður um
framtíðardraumana, missi hún
þingsæti sitt?
Hausverkur Sjalla
Flestir stjórnmálaflokkar munu
væntanlega raða á lista fyrir al­
þingiskosningar, þar sem tíminn
er of naumur fyrir hefðbundin
prófkjör. Það þýðir
að listarnir verða
nánast óbreyttir
frá síðustu kosn­
ingum. Það er ekki
víst að allir verði
ánægðir með
það fyrirkomu­
lag. Þannig hef­
ur t.d. Unnur Brá
Konráðsdóttir, forseti Alþingis,
lýst yfir áhuga á áframhaldandi
setu á þingi. Hún lenti hins vegar
í fjórða sæti í prófkjöri Sjálfstæð­
isflokksins í Suðurkjördæmi fyrir
síðustu kosningar og að óbreyttu
verður hún að sætta sig sama
sæti áfram. Flest bendir til þess
að þetta verði baráttusæti í kom­
andi kosningum, þannig að svo
gæti farið að forseti Alþingis félli
af þingi. Það væri saga til næsta
bæjar.
Myndin Elliðaey Þriðja stærsta eyjan í Vestmanneyjaklasanum. Á eynni er stórt veiðihús í eigu Elliðaeyjarfélagsins, sem stundar þar lundaveiði á sumrin og eggjatöku á vorin. Eyjafjallajökull trónir yfir henni í bakgrunninn. Mynd BrynjA
Leiðari
Kolbrún Bergþórsdóttir
kolbrun@dv.is
Mynd SigtryggUr Ari
Samstarf án Birgittu?
Tregða Vinstri grænna til að segja
afdráttarlaust hvaða ríkisstjórn
hugnast þeim eftir kosningar hef­
ur vakið athygli. Katrín jakobs-
dóttir formaður segir að hún ætli
að ganga óbundin til kosninga,
sem hlýtur að teljast skynsam­
leg afstaða. Margir veðja á ríkis­
stjórn Sjálfstæðisflokks og Vinstri
grænna eftir kosningar en um
leið er vitað að grasrót Vinstri
grænna er lítt hrifin af þeirri
hugmynd. Líklegt er að Katrín
muni fyrst kjósa að kanna sam­
stöðuna á vinstri vængnum eft­
ir kosningar, fái flokkurinn gott
fylgi. Vitað er að ekki ríkir mik­
ill kærleikur á milli Katrínar og
Birgittu jónsdóttur Pírata og þar
sem Birgitta er að hverfa af þingi
ætti Katrín að vera jákvæðari en
áður fyrir því að taka Pírata inn í
vinstri stjórn.