Dagblaðið Vísir - DV - 03.11.2017, Blaðsíða 52

Vikublað 3. nóvember 2017 4
Inn
lit
Íbúar
Andrea Gylfadóttir, 26 ára, Kári
Snær Skarphéðinsson, 30 ára,
Ásdís Erla, 4 ára og Ægir Skarp-
héðinn, 1 árs, ásamt hundinum
Perlu.
stærð
289 fm
staður
Hnífsdalur í Ísafjarðarbæ
byggingarár
1978
Viðskiptafræðineminn Andrea Gylfadóttir býr ásamt unnusta sínum
og tveimur börnum í rúmgóðu
einbýlis húsi í Hnífsdal, en í bæn-
um, sem tilheyrir Ísafjarðarbæ, búa
um 250 manns.
„Ég er reyndar uppalin á Ísafirði
og þar kynntist ég manninum
mínum sem er vélstjóri héðan
úr Hnífsdal. Við keyptum húsið
árið 2013, þegar ég var ólétt að
fyrsta barninu mínu. Þá kostaði
það undir tuttugu milljónum sem
er auðvitað frekar fyndið miðað
við hvað svona hús myndi kosta í
Reykjavík.
Á síðasta ári ákváðum við að
ráðast í að gera húsið upp. Byrjuð-
um á því að taka eitt baðherbergi
í gegn og höfum gert húsið mikið
upp að utan. Múruðum, máluðum
og skiptum um einhverja glugga.
Kári er mjög handlaginn og pabbi
hans er smiður þannig að þetta
gekk allt mjög vel fyrir sig enda
höfðum við góða aðstoð.
Innréttingarnar í eldhúsinu
voru upprunalegar en þetta var
orðið þreytt og gamalt, reyndar
ekki illa farið en bara úrelt. Svo
langaði okkur að opna rýmið og
láta birtuna flæða betur um. Einnig
fannst okkur tilgangslaust að vera
með afstúkaða borðstofu sem við
myndum aldrei nota. Þannig að við
ákváðum að opna bara í gegn og
leyfa plássinu að njóta sín.
Fyrst var farið í hugmynda-
vinnuna. Ég nota forrit á borð við
Pinterest og Instagram mjög mikið
í þessum efnum. Við höfðum alltaf
skýrar hugmyndir um hvernig
við vildum hafa þetta en þurftum
aðstoð við útfærsluna. Baldur,
sölumaður hjá HTH innrétting-
um, teiknaði þetta svo upp eftir
okkar hugmyndum. Við sendum
óteljandi tölvupóst fram og til
baka þangað til niðurstaðan var
komin á hreint og við komin með
teikningar og mál sem við vorum
100% sátt við. Þetta tók í sjálfu sér
ekki langan tíma og við fengum
bæði góða og hraða þjónustu frá
fyrirtækinu sem skiptir auðvitað
öllu máli í svona framkvæmdum.
Við byrjuðum framkvæmdirnar
1. janúar. Kári var ekki á sjónum
allan mánuðinn og við unnum frá
morgni til kvölds. Settum upp litla
aðstöðu á neðri hæðinni og rúst-
uðum þeirri efri. Tengdaforeldrar
mínir, Linda Steingrímsdóttir og
Skarphéðinn Hjálmarsson, komu
frá Akureyri og aðstoðuðu okkur
við þetta. Fluttu bara inn. Svo var
unnið á fullu. Við brutum niður tvo
veggi og viðarskilrúmið og settum
upp nýjan vegg þar sem ísskápurinn
og ofnarnir eru núna. Svo var málað
og parketlagt og svo framvegis þar
til þetta var allt orðið fullkomið.
Við erum afskaplega ánægð með
útkomuna enda ekkert sem við
hefðum viljað hafa öðruvísi við
þessar breytingar,“ segir Andrea.
margret@dv.is
UmpólUn
á eldhúsi
í hnífsdal
Fyrir og eFtir:
andrea og kári færðu eldhúsið
frá 1978 yfir í 2017
risastór eyja
Barstólarnir koma
úr versluninni Epal
en þeir eru hannað-
ir af skandinavíska
merkinu Hey. Í skúff-
unum við eyjuna
geymir Andrea
sitt lítið af hverju.
Meðal annars dúka
og föndurdót fyrir
börnin.
bleikar rósir og blá Ísafjarðarbirta
Innréttingin er sprautulökkuð með hálfmöttum glans og
ljósin þjrú í loftinu koma frá IKEA. Gólfefnið er harðparket
úr versluninni Parket og Gólf í Reykjavík. myndir AndreA GylfAdóttir
eldhúsið fyrir
Veggurinn fyrir aftan
eldavélina er horfinn.
Það sama gildir um
vegginn sem ísskápur-
inn stendur við.