Morgunblaðið - Sunnudagur - 19.02.2017, Side 28

Ljúffengur matarilmurinn lá í loftinuþegar gestirnir mættu í matarboð íSkuggahverfinu til Ragnhildar
Benediktsdóttur lögfræðings. Af níundu
hæðinni var gott útsýni yfir Esjuna og sjó-
inn og Harpa blasti við og skipti reglulega
um lit. Mættar voru svokallaðar lögfræði-
systur og þrír eiginmenn sem fengu að
fljóta með.
Köllum okkur lögfræðisystur
„Við útskrifuðumst úr lögfræðinni á ár-
unum 1983 til 1985. Við urðum vinkonur í
háskólanum þó svo að við værum ekki all-
ar á sama ári,“ segir Ragnhildur og segir
þær alltaf hafa haldið hópinn síðan. „Við
fórum ekki að hittast reglulega fyrr en
fyrir tíu árum en þá byrjuðum við að hitt-
ast í hádeginu einu sinni í mánuði. Við köll-
um okkur lögfræðisystur,“ segir hún. „Nú
ákvað ég að halda matarboð og fá eigin-
mennina með. Við höfum sjaldan gert það
en höfum farið öll saman á veitingastaði og
í sumarbústaðarferðir,“ segir Ragnhildur
en reyndar gátu aðeins þrír karlmenn
mætt í boðið af sjö eiginmönnum. Spurð
um umræðuefnin segir hún: „Lögfræði-
systur tala um daginn og veginn, leik-
húsin, bækur, pólitík og líkamsræktina.
Það er lítið talað um lögfræði núorðið en
auðvitað tölum við líka um það sem er efst
á baugi í þjóðfélaginu.“
Ítalskir réttir vöktu mikla lukku
Ragnhildur ákvað að hafa matinn í hollari
kantinum. „Þetta var ítalskt kvöld. Mig
langaði að elda mat sem ekki væri löðrandi
í smjöri og rjóma eins og oft er hjá manni,
hafa þetta fitulitla og holla máltíð. Það eru
allir að reyna að borða hollan mat á þess-
um árstíma. Gerði þó smá undantekningu
og hafði mascarpone-rjóma með ítölsku
kökunni. Það var ekki í uppskriftinni en
passaði vel með. Ítalska súkkulaðikakan
er ekki eins sæt og sú franska,“ segir hún.
„Ég var að elda nánast allt í fyrsta sinn og
þetta heppnaðist mjög vel. Það var líka
virkilega gaman að hafa karlana með, þeir
féllu auðvitað alveg inn í hópinn enda
þekkjumst við öll svo vel.“
Ragnhildur skemmti sér yfir pottunum.
Lilja Ólafsdóttir, Anna Guðrún Björnsdóttir, Jón Finnbjörnsson, Erla Árnadóttir, Már Guðmundsson, Anna
Mjöll Karlsdóttir, Elsa Þorkelsdóttir, Sigrún Benediktsdóttir, Þórður Magnússon, Birna Björnsdóttir, Halla
Bachmann Ólafsdóttir og Ragnhildur Benediktsdóttir. Í hópinn vantar Önnu Theodóru Gunnarsdóttur,
Margréti Heinreksdóttur og Unni Gunnarsdóttur sem eru hluti af lögfræðisystrum.
Ítalskt kvöld
lögfræðisystra
Þær eru tólf, lögfræðisysturnar, sem haldið hafa hópinn
í rúm 30 ár. Að þessu sinni hittust þær níu og þrír
eiginmenn í matarboði hjá Ragnhildi Benediktsdóttur
sem töfraði fram ítalska rétti í röðum.
Ásdís Ásgeirsdóttir asdis@mbl.isÞórður, Már og Jón slá á létta strengi.
’Mig langaði að elda mat sem ekki væri löðrandi í smjöri og rjómaeins og oft er hjá manni, hafa þetta fitulitla og holla máltíð. Þaðeru allir að reyna að borða hollan mat á þessum árstíma.
28 MORGUNBLAÐIÐ SUNNUDAGUR 19.2. 2017
MATUR
Fyrir 12
2-3 msk. ólífuolía
2 kg lambakjöt, af innanlær-
isvöðva, (vel hangið), skorið í
teninga
gróft salt og nýmalaður pipar
6 hvítlauksrif, söxuð smátt
3 msk. fersk óreganó lauf,
skorin smátt
1 tsk. rauðar piparflögur,
marðar (red pepper flakes),
magn fer eftir smekki
2 bufflaukar, skornir smátt
3 rauðar paprikur, grillaðar í
ofni, húðin tekin af og skorn-
ar í bita
3 pakkar sveppir, skornir í
sneiðar
3 bollar þurrt hvítvín
1½ bolli steinlausar grænar
ólífur, skornar gróft
6 tsk. kapers, skolað
rifinn sítrónubörkur af 1 sí-
trónu
smá steinselja, til skreytingar
Hitið olíu í stórri pönnu
eða potti á háum hita.
Kryddið lambið með salti
og pipar. Setjið kjötið út á
pönnuna og steikið í nokkr-
ar mínútur á öllum hliðum.
Bætið þá við óreganó lauf-
um og rauða piparnum og
hrærið. Takið kjötið af
pönnunni og setjið í pott.
(Ef eldað er fyrir marga
þarf að steikja kjötið í
nokkrum hollum.)
Hitið olíu aftur á pönn-
unni, lækkið hitann í miðl-
ungshita og setja laukinn,
hvítlaukinn, paprikubitana
og sveppina á pönnuna,
saltið og piprið.
Látið malla þar til græn-
metið byrjar að mýkjast, í
u.þ.b. 5 mínútur.
Hellið þá hvítvíni á pönn-
una og skafið vel botninn.
Hrærið þá saman við ka-
pers, ólífum og sítrónu-
berki.
Látið suðuna koma upp
og látið sjóða af þessu
vökvanum, í 3-5 mínútur.
Þessu er síðan blandað
saman við kjötið í pott-
inum. Látið malla í 45-60
mínútur eða þar til kjötið
er mjúkt. Berið fram með
hrísgrjónum (pilaf) og létt-
soðnu brokkólí. Skreytið
með steinselju.
Uppskrift er frá Guy Fieri.
HRÍSGRJÓNA „PILAF“
(miðað við fjóra)
1 laukur
2 msk. smjör
1 bolli löng grjón
2 bollar kjúklingasoð
½ tsk. salt
Svissið laukinn í potti í
smjörinu. Setjið hrísgrjónin
saman við og hrærið og lát-
ið malla þar í u.þ.b. fimm
mínútur. Hellið kjúklinga-
soði út í. Hitið að suðu og
minnkið þá hitann. Setjið
lok á pottinn og látið malla
í 16 mínútur á lágum hita,
ekki má opna pottinn á
meðan. Takið af hellunni og
látið standa í 5 mínútur
með lokinu. Berið fram
með kjötinu.
Lambaréttur
frá Sikiley