Morgunblaðið - 30.06.2017, Síða 2

2 FRÉTTIRInnlent
MORGUNBLAÐIÐ FÖSTUDAGUR 30. JÚNÍ 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
ÚTSALA
38
ÞREP
Laugavegi 49 / sími 561 5813
Í orlofi á heimili Sigmundar
 Hjúkrunarfræðingar á Hrafnabjörgum  Lögheimili fyrrverandi forsætisráðherra
Sigurður Bogi Sævarsson
sbs@mbl.is
Félagsmönnum í Félagi íslenskra
hjúkrunarfræðinga gefst í sumar
kostur á orlofsdvöl í húsinu að
Hrafnabjörgum III í Jökulsárhlíð á
Fljótsdalshéraði, en einmitt þar er
Sigmundur Davíð Gunnlaugsson,
þingmaður Framsóknarflokksins og
fyrrverandi forsætisráðherra, með
skráð lögheimili.
Lausar vikur í sumar
Félagið hefur húsið til umráða í
tíu vikur í sumar og að undanförnu
hafa félagsmenn dvalist í húsinu að
Hrafnabjörgum, sem tekur tólf næt-
urgesti og er vel búið að öllu leyti.
Að því er fram kemur á orlofsvef
hjúkrunarfræðinga er ein vika í
húsinu laus í júlí og tvær í ágúst-
mánuði.
„Það ætti að fara vel um fólk í
þessu húsi sem var byggt árið 1950,
því mikið hefur verið gert á und-
anförnum árum og var húsið nánast
endurbyggt frá grunni fyrir fáum
árum,“ segir Jónas Guðmundsson,
bóndi á Hrafnabjörgum og eigandi
hússins, í samtali við Morgunblaðið.
Sigmundur Davíð flutti lögheimili
sitt úr Reykjavík árið 2013 þegar
hann flutti sig um kjördæmi og fór í
framboð í Norðausturkjördæmi.
Eiginlegt heimili Sigmundar og fjöl-
skyldu hans er þó í Garðabæ.
„Þetta er góður staður“
„Það er virkilega ánægjulegt að
hjúkrunarfræðingar séu á Hrafna-
björgum í fríinu sínu. Ég veit að
Jónas bóndi hefur gjarnan leigt hús-
ið út, enda er þetta góður staður.
Hvergi er betra að dveljast í ró og
næði þegar maður þarf frið til þess
að vinna með hugmyndir eða finna
lausnir á málum. Það á auðvitað
jafnt við um heilbrigðisstarfsfólk og
stjórnmálamenn,“ segir Sigmundur
sem kveðst ætla að halda sig í Norð-
austurkjördæmi. Þau Anna Sigur-
laug Pálsdóttir, eiginkona hans, eru
nú í leit að nýjum samastað þar og
þar koma Eyjafjarðarsvæðið og Ak-
ureyri inn í myndina.
Morgunblaðið/Sigurður Bogi
Jökulsárhlíð Húsið var byggt árið 1950 og er leigt út. Sigmundur Davíð
Gunnlaugsson og fjölskylda hafa verið þar skráð til heimilis frá 2013.
Gísli J. Friðjónsson, forstjóri Hópbíla,
er skattakóngur Íslands, en hann
greiddi hæst opinber gjöld einstak-
linga vegna ársins 2016 skv. álagning-
arskrá Ríkisskattstjóra.
Jafn margar konur eru á listanum
yfir þá sem greiddu hæst opinber
gjöld í fyrra, en þær eru þó mun hærra
á listanum en áður. Skattadrottning, í
3. sæti listans, er Katrín Þorvaldsdótt-
ir, erfingi Síldar og fisks. Framtelj-
endur hafa aldrei verið fleiri en nú og
fjölgar þeim um 3,3% frá því í fyrra.
Í dag verða inneignir hjá Ríkis-
skattstjóra lagðar inn á bankareikn-
inga þeirra sem eru með bankareikn-
ing, aðrir sem eiga inneign geta vitjað
hennar hjá innheimtumönnum ríkis-
sjóðs hjá Tollstjóranum í Reykjavík.
ernayr@mbl.is
Gísli hjá Hópbílum á toppnum
 Konur mjakast upp listann yfir þá sem greiða mest
 Framteljendur aldrei fleiri og fjölgar um 3,3% milli ára
Milljónir kr.Þau greiða mest
Nafn Gjöld alls
Gísli J. Friðjónsson Kópavogi 570
Einar F. Sigurðsson Ölfusi 384
Katrín Þorvaldsdóttir Reykjavík 363
GuðmundurKristjánss. Seltjarnarn. 232
Ármann Einarsson Ölfusi 159
Marta Árnadóttir Reykjavík 149
Grímur A. Garðarsson Reykjavík 149
Kristján V.VilhelmssonAkureyri 143
Guðrún B. Leifsdóttir Vestm.eyjum 140
Valur Ragnarsson Reykjavík 135
Brynjólfur G.Halldórss. Seltjarnarn. 128
Nafn Gjöld alls
Ársæll Hafsteinsson Flóahreppi 127
KristinnMárGunnarsson Reykjavík 120
Jón Sigurðsson Garðabæ 117
Ari Fenger Garðabæ 115
Benedikt Rúnar
Steingrímsson Dalabyggð 113
MagnúsJóhannsson Hafnarfirði 110
Vilhelm Róbert
Wessman Reykjavík 108
Kristín Fenger
Vermundsdóttir Reykjavík 107
Árni Pétur Jónsson Reykjavík 99
Þrjár konur
voru fluttar á
sjúkrahús á Ak-
ureyri eftir
harðan árekstur
tveggja bifreiða
á móts við bæ-
inn Hóla innar-
lega í Öxnadal
síðdegis í gær.
Við áreksturinn
lentu bílarnir utan vegar og þurfti
að nota klippur til að ná út tveim-
ur konum sem voru í öðrum
þeirra.
Lokað var fyrir umferð um
hringveginn í Öxnadal vegna
slyssins í talsverðan tíma eftir
slysið, en létt á lokunum þegar frá
leið og fyrstu aðgerðum á vett-
vangi var lokið. „Þetta er mjög al-
varlegt slys,“ sagði talsmaður lög-
reglunnar á Akureyri í samtali við
Morgunblaðið í gærkvöldi.
Alvarlegur
árekstur
í Öxnadal
Lögregla Fjöl-
mennt lið kallað út.
Guðrún Erlingsdóttir
ge@mbl.is
Bílastæði fatlaðra við Vesturbæjar-
laug í Reykjavík sjást illa sökum lé-
legs viðhalds og nýtast stæðin því
ekki sem skyldi. Nokkuð er um að
bílar leggi þar án tilskilins leyfis.
Ársæll Jóhannsson, verkefna-
stjóri á skrifstofu framkvæmda og
viðhalds hjá Reykjavíkurborg, seg-
ir bílastæðin við Vesturbæjarlaug-
ina vera innan lóðar laugarinnar og
merkingar á ábyrgð eigenda henn-
ar. „Lóðareigandi vill færa tvö
stæði fatlaðra sem næst sundlaug-
inni og við sjáum um að koma verk-
inu í framkvæmd. Verið er að klára
samantekt á kostnaði og eftir það
fer merkingin á lista verktakans,“
segir Ársæll og bendir á að bíla-
stæði fatlaðra við Vesturbæjarlaug
séu blámáluð. Hann segir Reykja-
víkurborg almennt ekki merkja
bílastæði fatlaðra með málningu
heldur nota eingöngu hjólastóla-
merki. Þá segir Ársæll að merking-
ar á nýmalbikuðum götum njóti for-
gangs.
Illa merkt
stæði við
laugina
Morgunblaðið/Eggert
Bílastæði hreyfihamlaðra við Vesturbæjarlaug sjást illa vegna lélegs viðhalds