Morgunblaðið - 30.06.2017, Síða 62

Garðar og gleði
MORGUNBLAÐIÐ FÖSTUDAGUR 30. JÚNÍ 2017
Ásgeir Ingvarsson
ai@mbl.is
Vönduð útilýsing getur gert mikið fyrir húsið
og garðinn. Hreimur Örn Heimisson hjá S.
Guðjónssyni á Smiðjuvegi 3 segir að rétta lýs-
ingin geti aukið notagildi garðsins þegar dag-
arnir taka að styttast, og dregið fram það fal-
legasta í hönnun húss og garðs. „Hús með
góða útilýsingu vekur eftirtekt, og þegar byrj-
ar að rökkva getur lýsingin jafnvel látið húsið
bera af öðrum í götunni þó að arkitektúrinn sé
ekki endilega upp á marga fiska.“
Að sögn Hreims er líflegt í versluninni um
þessar mundir og virðist sem margir séu að
láta garðlýsingardrauma sína rætast nú þegar
hagkerfið hefur loksins náð sér á strik. „Eftir
hrunið virtist sem fólk skildi garðana eftir en
reyndi frekar að klára húsin sín og innbúið.
En nú virðist kominn tími til að taka garðinn í
gegn og lýsinguna um leið.“
Díóðubyltingin
Miklar framfarir hafa orðið í garðlýsingu og
hefur ljósdíóðutæknin opnað nýja möguleika í
lýsingu. Eru díóðuperurnar endingargóðar,
geta þolað erfið skilyrði og nota lítið rafmagn.
Bendir Hreimur á að díóðuperur séu samt
ekki allar eins, og þurfi t.d. að huga að tækni-
legum þáttum við uppsetningu. „Það má
kaupa 230 volta díóðuperur, eða velja nið-
urspenntar díóður sem nota 24 volta jafn-
straum. Seinni kosturinn er yfirleitt betri, því
perurnar endast lengur, nota minni orku og
ekki er mikil spenna í þeim leiðslum sem lagð-
ar eru undir garðinn. En þá þarf að finna mið-
lægan stað fyrir spenninn, t.d. inni í geymslu, í
sérútbúnum geymslukassa eða inni í bílskúr.“
Hreimur segir að útilýsingin þurfi ekki að
vera flókin og oft komi best út að fara hinn
gullna meðalveg. Velja þurfi rétta lýsingu fyr-
ir ólík svæði umhverfis húsið og vissara að
kaupa slitsterkari lampa og perur fyrir þá
staði þar sem minna skjól er fyrir roki, vætu,
seltu og öðru sem mæðir á útiljósunum.
„Lýsingin ætti að vera þannig hönnuð að
hún leggi áherslu á og ýki kosti garðsins og
hússins. Það þarf ekki að flóðlýsa heimilið og
gott að hafa skugga inn á milli til að draga
betur fram það besta með ljósunum,“ segir
Hreimur og bætir við að það sé hluti af þjón-
ustu S. Guðjónssonar að veita vandaða ráðgjöf
um hvernig best er að haga lýsingunni.
Óþarfi að lýsa upp himininn
Nokkrar góðar þumalputtareglur hjálpa til
að skapa fallega lýsingu: „Í kringum heita
pottinn er t.d. oft gaman að reyna að nota lága
og óbeina lýsingu, frekar en að setja lampa
beint fyrir ofan pottinn. Óbeina lýsingin skap-
ar notalegra yfirbragð, en sterkt ljós yfir pott-
inum getur byrgt fólki sýn á næturhimininn
þegar skotist er út í pott að kvöldi til.“
Lýsingarþörfin er mismunandi fyrir hvert
hús en Hreimur segir alla jafna best að hafa
fleiri og smærri ljós, frekar en færri ljós og
sterkari og það geri t.d. ekkert fyrir ásýnd
hemilis og garðs að hafa eitt sterkt ljós við
innganginn og annað yfir bílskúrnum, og um-
hverfið að öðru leyti dökkt og ljóslaust. Hann
segir líka gott að reyna að beina lýsingunni
niður, frekar en upp, til að reyna að sporna
gegn þeirri miklu ljósmengun sem einkennir
Reykjavík yfir myrkustu mánuði ársins.
Hver leynist í myrkrinu?
Lýsingin gerir meira en að fegra og getur
verið mikilvægt öryggisatriði. Segir Hreimur
að með því að hafa hæfilega lýsingu umhverfis
heimilið sé hægt að fæla frá skúrka og verða
betur var við óeðlilegar mannaferðir. „Það er í
dimmu skotunum sem menn geta athafnað sig
óséðir. Eitt gott öryggisráð er að koma fyrir
ljóskösturum á völdum stöðum og tengja við
hreyfiskynjara en hafa ótengda sjálfri útilýs-
ingunni. Fólk með misjafnan ásetning er fljótt
að hafa sig á brott ef kviknar á ljóskastara þar
sem það er að pukrast í myrkrinu.“
Útilýsingin þarf ekki endilega að vera rán-
dýr og segir Hreimur að oft sé um mjög góða
fjárfestingu að ræða sem getur skilað sér í
hærra söluverði þegar eignin fer á markað.
„Ef fengin er ráðgjöf sérfræðings má oft
spara verulegar fjárhæðir með því að sleppa
óþarfa lögn á rafmagnsleiðslum um allan garð
og finna einfaldari leiðir til að lýsa upp. Það
skiptir líka miklu að fá góðan rafvirkja til
verksins sem hefur reynslu af útilýsingu. Fer
svo eftir óskum og fjárhag hvers og eins hvað
lýsingin þarf að kosta, og er hægt að gera allt
frá því að finna einfaldar lausnir sem henta
fjárhag hvers sem er, yfir í að fara alla leið og
hanna útilýsingu þar sem ekkert er til spar-
að.“
Lágstemmt Lýsingin þarf ekki að vera sterk til að hafa mikil áhrif á heildarmyndina. Fjárfesting Með réttri lýsingu er hægt að nota garðinn lengur til útiveru.
Að sjá garðinn í réttu ljósi
Álag Útiljósin þurfa að þola vætu og seltu.Par Hér vinna tvö ljós saman til að gefa þægilega og dreifða birtu við inganginn.
 Góð útilýsing snýst um að nota ljós og skugga til að draga fram það fallegasta í garðinum og á húsinu
 Lýsingin getur líka verið öryggisatriði og ljóskastari tengdur við hreyfiskynjara fælir frá óboðna gesti
Huggulegt
Hreimur segir
oftast best að
fara meðalveg-
inn í lýsingu
garðs og húss.
Morgunblaðið/Ófeigur