Morgunblaðið - 30.06.2017, Síða 64

64
MORGUNBLAÐIÐ FÖSTUDAGUR 30. JÚNÍ 2017
Á ári Hanans 1.-19. sept. 2017
með
KÍNAKLÚBBI UNNAR
Farið verður til SHANGHAI, SUZHOU, TONGLI,
GUILIN, XIAN og BEIJING. Einnig siglt
á LI fljótinu og farið upp á KÍNAMÚRINN.
Heildarverð á mann: Kr. 660 þúsund
NÚ ER HVER AÐVERÐA SÍÐASTUR
AÐ FARA MEÐ Í FERÐINA!
Allt innifalið, þ.e. full dagskrá skv. ferðaskrá, gisting í tvíbýli á
4-5 stjörnu hótelum (einb. + 100 þ.), fullt fæði með
máltíðardrykkjum, skattar og gjöld, staðarleiðsögumenn og
fararstjórn Unnar Guðjónsdóttur, en þetta verður 39. hópferðin,
sem hún skipuleggur og leiðir um Kína. Ferðaskráin er á vefnum.
Til Kína með konu sem kann sitt Kína
Kínaklúbbur Unnar
Njálsgötu 33, 101 Reykjavík
sími: 551 2596, farsími: 868 2726
Vefsíða: kinaklubbur.weebly.com
Netfang: kinaklubbur@simnet.is
Garðar og gleði
Ásgeir Ingvarsson
ai@mbl.is
Garðurinn nýtist ekki vel ef réttu
húsgögnin vantar. Hjá IKEA fæst
mikið úrval af fallegum sumar-
vörum fyrir garðinn og segir Aldís
Axelsdóttir sölustjóri að garð-
húsgögn IKEA séu vönduð og
sterkbyggð og eigi að henta vel við
íslenskar aðstæður.
„Eins og með öll garðhúsgögn
þarf að umgangast þau rétt og selj-
um við þar til gert efni sem gott er
að bera á viðarhúsgögnin einu sinni
á ári til að næra og verja. Síðan er
alltaf góð regla að taka húsgögnin
inn yfir vetrartímann, ef þess er
kostur, og stilla þeim upp svo að
þau halli í vætuveðri til að forða
því að rigningarvatnið safnist upp
ofan á láréttum flötum, eða breiða
yfir húsgögnin til að vernda þau,“
segir Aldís en IKEA selur yfir-
breiðslur af öllum stærðum og
gerðum.
Skoða má úrvalið á heimasíðu
IKEA undir flokknum „sumar-
vörur“. Selur IKEA m.a. línu af
samanfellanlegum útistólum og
-borðum, ASKHOLMEN, sem
smíðuð eru úr gegnheilum akasíu-
við. Er hægt að kaupa staka stóla,
borð og smáborð, eða fjárfesta í
heilu setti. TUNHOLMEN-línan
hentar líka vel til notkunar utan-
dyra og þau húsgögn eru gerð úr
lökkuðu áli og pólýamíðplasti, en
hönnunin þannig að stólarnir og
borðin stinga ekki í stúf innandyra.
Sólhlífar til varnar smáskúrum
Sumarvörur IKEA eru af öllum
stærðum og gerðum og spanna allt
frá litríkum glösum yfir í stóra
garðskála. „Garðskálarnir okkar
eru að verða uppseldir og Íslend-
ingar virðast greinilega spenntir
fyrir að skapa þetta evrópska and-
rúmsloft í garðinum hjá sér,“ segir
Aldís en ÄPPLARÖ-garðskálinn er
með þakdúk úr sterku pólýester-
efni sem stendur á fjórum súlum úr
akasíuvið. „Það er heilmikið pláss í
þessum skálum og þar má hæglega
koma fyrir uppdekkuðu veisluborði
fyrir 10-12 manns.“
Sólhlífarnar seljast líka ágæt-
lega, þó Ísland sé kannski ekki
þekkt fyrir brakandi heita sól.
Bendir Aldís á að sólhlífin gefi
garðveislunni skemmtilegt yfir-
bragð, geti rammað hana inn og að
auki veitt skjól fyrir léttum skúr-
um. Ef sólhlífin er tiltæk þarf ekki
að hlaupa í skjól og taka grillmat-
inn af borðum þó að bresti á ör-
stutt sumarskúr á óheppilegum
tíma.
Nýjar sessur fyrir sumarið
Til að kóróna útlitið á sælureit-
num í garðinum þarf að velja réttu
aukahlutina. Selur IKEA sessur og
púða í úrvali sem gera mikið fyrir
bæði útlitið og þægindin. „Sess-
urnar á útihúsgögnin er ekki hægt
þvo í þvottavél, en þær eru gerðar
úr þannig efnum að auðvelt er að
hreinsa óhreinindin af með rökum
klút og sápu. Þá eru sessurnar ekki
dýrar og margir grípa til þess ráðs
að kaupa nýjar sessur fyrir hvert
sumar og endurnýja þannig hjá sér
garðsvæðið með litlum tilkostnaði.“
Blómapottar eiga mjög upp á
pallborðið hjá Íslendingum um
þessar mundir og fer vel á því að
skreyta pallinn eða svalirnar með
nokkrum vel völdum pottum og lit-
ríkum blómum eða skrauttrjám.
Eru fjórir meginlitir í blómapotta-
framboði IKEA þetta sumarið:
fjólublár, mintugrænn, skærrauður
og grár. „Við erum líka að vanda
með úrval af sumarblómum til sölu,
ræktuð hjá garðyrkjustöðinni
Flóru í Hveragerði,“ útskýrir Al-
dís.
Garðkanna sem sómi er að
Einn lítill aukahlutur sem getur
gert mikið fyrir pallinn eða sval-
irnar er voldug og snotur garð-
kanna. Þetta garðyrkjuáhald er
ómissandi, enda þarf að vökva beð-
in reglulega, en um leið eru fal-
legar garðkönnur vandfundnar.
„SOCKER og SALLADSKÅL-
garðkönnurnar eru stílhreinar og
fást í mörgum litum. Þegar þær
eru ekki í notkun má einfaldlega
stilla þeim upp í glugga eða við
blómapott eins og skrautmun.“
Aldís bendir sérstaklega á ódýru
hægindastólana sem geta hentað
við sumarbústaðinn, eða í útileg-
una. VÅGÖ-plaststóllinn er litríkur
og þægilegur, en kostar undir þrjú
þúsund krónum. „Hægindastóllinn
og strandstóllinn í HÅMÖ-línunni
eru líka mjög ódýrir en hægt að
brjóta þá saman og stinga í skottið
á bílnum og hafa klára þegar kom-
ið er á tjaldstæðið. Er ómissandi að
hafa t.d. góðan strandstól í brekku-
söngnum til að slaka á og njóta lífs-
ins, og blotna ekki á bossanum.“
Til að fá meiri lit í sumarið
 Stóri garðskálinn hjá IKEA hefur nærri selst upp en hann getur rúmað stórt veisluborð  Litríku garðkönn-
urnar og blómapottarnir lífga upp á svalir og palla  Sólhlíf kemur sér vel ef gengur á með léttum sumarskúrum
Morgunblaðið/Kristinn Magnússon
Þarfaþing Aldís Axelsdóttir segir léttu og ódýru strandstólana kjörna í sumarbústaðinn eða útileguna.
Heillandi Stóri skálinn skapar evrópska stemningu í garðinum.
Slökun Einn góður og litríkur stóll getur gjörbreytt sumrinu.
Þeir sem eiga ekki garð og
þurfa að láta sér nægja sval-
irnar ættu að athuga hvort
DYNING-svalaskjólin geta
ekki komið að gagni. Um er að
ræða dúka sem auðvelt er að
festa á svalahandriðið og
þannig skapa meira næði á
svölunum og mynda skjól
gegn vindi. „Línan fæst í hvítu
og svörtu og lítið vesen að
festa þetta skjól svo það sitji
fast og þétt,“ segir Aldís.
Skjól fyrir
svalirnar
„Margir grípa til þess
ráðs að kaupa nýjar
sessur fyrir hvert sumar
og endurnýja þannig hjá
sér garðsvæðið með
litlum tilkostnaði“