Morgunblaðið - 30.06.2017, Blaðsíða 89

MENNING 89
MORGUNBLAÐIÐ FÖSTUDAGUR 30. JÚNÍ 2017
Þegar Halle Berry tók árið 2002 við
Óskarsverðlaunum fyrir bestan leik
í aðalhlutverki, fyrst hörundsdökkra
kvenna, tileinkaði hún verðlaunin
„öllum nafnlausum, óþekktum hör-
undsdökkum konum sem eiga núna
möguleika vegna þess að brautin
hefur verið rudd“. Fimmtán árum
seinna hefur engin önnur hörunds-
dökk kona bæst í hópinn.
Í viðtali við Teen Vogue segist
Berry sorgmædd yfir því hversu lít-
ið fjölbreytnin hafi aukist hjá banda-
rísku kvikmyndaakademíunni á
liðnum árum og tekur fram að sér
hafi sérstaklega sárnað þegar allir
20 leikararnir sem tilnefndir voru
fyrir leik í aðal- og aukahlutverki ár-
ið 2015 reyndust hvítir á hörund.
„Mér sárnaði þetta,“ segir Berry
og tekur fram að ofangreindar til-
nefningar hafi veitt sér innblástur.
„Þetta hvatti mig til þess að leggja
mitt lóð á vogarskálarnar með ein-
hverjum hætti og
þetta er ástæða
þess að mig lang-
ar að leikstýra.
Mig langar að
framleiða sjálf.
Mig langar að
fjölga tækifær-
unum fyrir hör-
undsdökka leik-
ara,“ segir Berry
og bendir á að ekki sé þó nóg að
fjölda bara leikurunum.
„Hörundsdökkir leikarar hafa
ekki möguleika á að vinna nema
þeim bjóðist bitastæð hlutverk. Mér
finnst einboðið að fjölga þarf
hörundsdökkum handritshöfundum,
leikstjórum og framleiðendum –
ekki bara leikurum. Við þurfum að
fara að segja sögur okkar.“ Sam-
kvæmt frétt BBC hafa aðeins fjórar
hörundsdökkar leikkonur verið til-
nefndar fyrir besta leik í aðal-
hlutverki frá því að Berry vann, en
fyrir 2002 höfðu aðeins sex hörunds-
dökkar leikkonur verið tilnefndar í
72 ára sögu Óskarsins.
silja@mbl.is
Breytti Óskarinn
í reynd engu?
Halle Berry
»Tónlistarhátíðin á
Hróarskeldu í Dan-
mörku hófst 24. júní og
lýkur á laugardaginn, 1.
júlí. Skv. upplýsingum á
vef hátíðarinnar sækja
hana um 130 þúsund
manns, þar af um 100
þúsund gestir, en við
bætist mikill fjöldi flytj-
enda og fylgdarliðs,
sjálfboðaliða og ýmiss
konar starfsmanna.
Meðal þeirra sem koma
fram á hátíðinni eru Foo
Fighters, The Weeknd
og The xx en íslenskir
flytjendur eru Mammút,
Auðn, Gangly og Ayia.
130 þúsund manns í sumargleðinni á Hróarskeldu
Ofurgestur? Tónleikagestir tóku á sprett þegar hliðin að hátíðarsvæðinu voru opnuð enda nauðsynlegt að fá gott
tjaldstæði. Kóngulóarmaðurinn fór þar fremstur í flokki og hlýtur að hafa nælt sér í gott stæði.
Vinsæll Kanadíski tónlistarmaðurinn The Weeknd skemmti í fyrrakvöld.
Leðurrokk Söngvari sænsku sveitarinnar Hellacopters, Nicke Anderson.
Réttlæti Franska raftónlistartvíeykið Justice, þ.e. Réttlæti, lék í gær.
AFP
Miðasala og nánari upplýsingar
5%
SÝND KL. 5.40
ÍSL. TAL
SÝND KL. 3.50
ÍSL. TAL
SÝND KL. 8, 10.20
ÍSL. TAL
SÝND KL. 5, 8, 10.25
SÝND KL. 8, 10.20
SÝND KL. 3.50, 6