Víkurfréttir - 18.12.2014, Blaðsíða 20

20 fimmtudagurinn 18. desember 2014 • VÍKURFRÉTTIR
Verslunin Krummaskuð varð til í maí 2012 og var dekur-
verkefni Sigrúnar Ingu Ævars-
dóttur á meðan hún nam lög-
fræði. Sigrún rekur verslunina
ásamt eiginmanni sínum, Birgi
Óttari Bjarnasyni. Hún segir segir
upplifunina innandyra skipta
mestu máli, hvort sem fólk kaupir
hjá henni vörur eða ekki.
„Ég opnaði ekki búð til að græða
peninga, ég vildi bjóða upp á ein-
hverja upplifun. Mér þykir óskap-
lega vænt um búðina og það sést
þegar inn er komið. Hér er fallegt
umhverfi og gott andrúmsloft, bæði
fyrir þá sem kaupa eitthvað eða
ekki. Upplifunin, lýsingin, lyktin,
litasamsetningar og tónlistin. Þetta
skiptir allt máli,“ segir Sigrún Inga
sem finnst desember langskemmti-
legasti tími ársins. „Það er gaman
að fá bæjarbúa í búðina og það er
mér hjartans mál að vera jákvæð og
gera það besta fyrir bæinn okkar.
Minn draumur er að Hafnargatan
verði flott verslunargata sem bæjar-
búar geta verið stoltir af. Það gerist
ekki nema bæjarbúar taki þátt og
styðji við verslun hér. Við erum ein
af nýjustu verslununum við Hafn-
argötuna og fólk mætti taka betur
á móti nýjum verslunum. Huga-
farið skiptir svo miklu máli.“ Vegna
mikilla anna í öðrum störfum Sig-
rúnar Ingu og Birgis hafa þau því
miður ekki lengur tíma til að reka
verslunina. „Okkur langar ekki að
loka henni, við viljum selja hana.“
Þröngar gallabuxur vinsælar
Sigrún Inga segist vera stoltur
Reykjanesbæingur og hefur trú á
því að hér verið flottur miðbær í
framtíðinni. „Ég er í menningar-
ráði Reykjanesbæjar og mínar
áherslur eru miðbærinn og að
byggja hann upp. Ýmislegt hér sem
mætti gera betur.“ Fáar verslanir
í Reykjanesbæ selja herrafatnað
og Sigrún Inga segist vilja að það
sem hún selji sé í boði í bænum.
„Áherslur í versluninni eru dömu-
og herrafatnaður, en þó að miklum
hluta til fatnaður fyrir herra á
öllum aldri. „Mömmunum með
unglingsdrengina finnst gott að
koma til okkar. Umhverfið er þægi-
legt og þjónustan góð. Ég legg líka
mikið upp úr sniðum og tel að mitt
starfsfólk sé gott í að hjálpa til við
val á því. Við þurfum að hafa þekk-
inguna. Alltof margir sem klæðast
því sem þeim er rétt. Strákar eru
líka að verða miklu meðvitaðri um
þetta. Þröngar og mjúkar galla-
buxur seljast mikið núna - og víðar
skyrtur við.“
Mamman mikill hönnuður
Sigrún Inga kemur úr fjölskyldu
þar sem mikið er um íslenska
hönnun. Móðir hennar, Helga
Steinþórsdóttir, á Mýr design
merkið og systur hennar eru einn-
ig miklir hönnuðir. Til að mynda
hafi þau tekið til sölu textílvörur
hönnuðarins Sveinbjargar sem hafi
verið tekið mjög vel. „Þetta er eitt
af þessum hornum í búðinni sem
ég ákvað að gera. Svo er Mýr de-
sign í búðinni, hönnunin hennar
mömmu, hún er alltaf að verða um-
fangsmeiri. Ef ég gæti bara verið
með vörurnar hennar mömmu þá
myndi ég gera það. En þær höfða
ekki endilega til allra þó að þær
höfði til flestra. Mýr design á eftir
að enda sem sér búð, fötin eru svo
vinsæl. Þetta eru nánast einu fötin
sem ég klæðist og vegna þess að
þetta höfðar svo vel til mín. Það er
ekki bara af því að hún er mamma
mín,“ segir Sigrún Inga og hlær.
Með brot af því besta
Sigrún Inga er mjög opin fyrir
því bæta við einhverju sem henni
finnst fallegt í verslunina og finnst
skemmtilegt að bjóða upp á. „Ég
hef líka alltaf verið opin fyrir ein-
hverju nýju. Stundum virkar það og
stundum ekki. Við erum með mjög
góð verð og ég fæ marga viðskipta-
vini frá höfuðborgarsvæðinu. Það
má segja að við séum með brot af
því besta af því að við verslum við
helstu heildsölur í Reykjavík. Við
erum bara með skandinavísk merki
í herradeildinni og mér finnst þau
vönduð sem endast vel.“ Henni
finnst fylgja því svo mikil vinna að
fara til Reykjavíkur að versla fyrir
jólin. „Hér færðu stæði beint fyrir
framan verslanirnar og góða og
persónulega þjónustu, nægt pláss
og nægan tíma.“
Sígild snið sem endast lengi
Eiginmaður Sigrúnar Ingu, Birgir,
segir hún vera höfuð herradeildar-
innar. „Hann vinnur mikið hérna
og hefur algjörlega bjargað mér
þegar mér dettur eitthvað í hug.
Búðin var lokuð í hálfan dag þegar
við fluttum hana á milli tveggja
staða við Hafnargötuna. Við erum
bæði í fullu starfi og því er einn-
ig gott að fá mömmu hingað til
að hjálpa og ég er með ofboðslega
gott starfsfólk. Annars gengi þetta
ekki upp,“ segir Sigrún Inga. Helga
kemur þarna inn í umræðuna.
„Það er líka lúxus fyrir mig að vera
með mínar vörur í svona flottri
búð. Kjólarnir eru vinsælastir og
jakkarnir. Þetta er sígildur fatnaður
sem gengur í mörg ár. Sniðin eru
sígild og ég er smámunasöm á efni
og litasamsetningar. Svo er ég með
kjólameistara sem eru snillingar
í að búa til snið sem endast. það
skiptir miklu máli fyrir einhvern
í minni stöðu.“ Sigrún bætir við:
„Mamma setur langflestar flík-
urnar í þvottavél og þurrkara til
að tryggja að gott sé að þrífa fötin.
Þannig föt vill fólk í dag.“
-viðtal pósturu olgabjort@vf.is
■■ Vegna mikilla anna hjá eigendum er
verslunin Krummaskuð til sölu:
Upplifunin í
versluninni
mikilvægust
Fitjabakka
Njarðvík
ódýrt bensín
Fitjabakka 2-4 Básinn
Vatnsnesvegur 16
Starfsfólk Olís óskar Suðurnesjamönnum gleðilegra jóla
og farsældar á komandi ári með þökk fyrir viðskiptin og
samskiptin á árinu sem er að líða.