Víkurfréttir - 22.12.2016, Síða 68

68 fimmtudagur 22. desember 2016VÍKURFRÉTTIR
Keflavík er á toppi Domino’s deildar kvenna. Liðið
er skipað ungum leikmönnum sem hafa komið
upp úr yngri flokkum liðsins. Á meðal þeirra eru
þær Thelma Dís Ágústsdóttir, Emelía Ósk Gunn-
arsdóttir og Birna Valgerður Benonýsdóttir en þær
hafa spilað stórt hlutverk í leik liðsins á tímabilinu.
Allar hafa þær orðið lykilleikmenn umferðarinnar
og vakið mikla athygli fyrir frammistöðu sína á
tímabilinu. Þær æfa allt að fimm sinnum í viku
ásamt því að stunda lyftingar. Við fengum þessar
efnilegu og ungu stelpur til þess að svara nokkrum
spurningum.
●● Höfum●komið●mörgum●skemmtilega●á●óvart●● Frábær●liðsheild●sem●nær●vel●saman
„TELJUM OKKUR ALVEG GETA
AXLAÐ ÞESSA ÁBYRGГ
Thelma Dís Ágústsdóttir
er 18 ára og spilar með unglinga- og meistaraflokki Keflavíkur.
Hún hefur spilað með U15, U16, U18 ára landsliðum Íslands og
nú síðast tvo landsleiki með A-landsliðinu.
Hún byrjaði að æfa 5 ára en móðir hennar var í körfu og fór
með hana á fyrstu æfinguna.
Upp yngri flokkana voru Haukar alltaf erfiðasti andstæðingur-
inn en í meistaraflokki er það Snæfell.
„Mér finnst bara gaman að fá svona stórt hlutverk á þessu tíma-
bili. Þetta er fjórða tímabilið okkar Emelíu í meistaraflokki og
við teljum okkur alveg geta axlað þessa ábyrgð. Tímabilið er
búið að vera mjög skemmtilegt, enda er okkur búið að ganga
mun betur en búist var við af okkur. Það er skemmtilegt á
æfingum, við erum frábær liðsheild sem nær vel saman og ekki
má gleyma þjálfurunum og kvennaráðinu sem eru að standa
sig gríðarlega vel,“ segir Thelma.
Jólabíómyndin sem kemur þér í skapið?
Elf er uppáhalds jólamyndin mín og kemur mér yfirleitt í mikið
jólaskap.
Uppáhalds jólalag?
Kósýheit par exelans með Baggalút er uppáhalds jólalagið.
Ertu vanaföst um jólin, er eitthvað sem þú gerir alltaf um hátíðarnar?
Rétt fyrir jól fer ég bíltúr og ber út jólakort fyrir fjölskylduna með
frænkum mínum. Fjölskyldan fer líka alltaf í jólaboð til ömmu
og afa.
Eftirminnilegasta jólagjöf
sem þú hefur fengið?
Eftirminnilegasta jólagjöfin er ör-
ugglega sjónvarp sem ég fékk frá
mömmu og pabba fyrir tveimur
árum og þurfti að leita að því út
um allt hús.
Hvað er í matinn
á aðfangadag?
Við borðum alltaf ham-
borgarhrygg á aðfangadag.
Hvenær eru jólin
komin fyrir þér?
Möm mu köku r nar hj á
ömmu og skinkuhornin
hennar mömmu koma
með jólin.
Hvernig brástu við þegar
þú komst að leyndar-
málinu um jólasveininn?
Ég var svolítið svekkt en
sagði mömmu og pabba
ekkert frá því þegar ég komst
að leyndarmálinu um jóla-
sveininn þannig að ég hélt
áfram að fá í skóinn í nokkur ár.
Hvernig verð þú jóladegi?
Náttföt, hangikjöt og NBA
einkenna jóladag.
Sjónvarpsþættir:
Núna er ég að klára Person Of Interest sem eru mjög góðir.
Ég held samt að það sé ekkert að fara að toppa Friends.
Kvikmynd: Stella í Orlofi.
Hljómsveit/tónlistarmaður: Beyoncé.
Leikari: Will Smith.
Skyndibiti: Langbest.
Tónlist í laumi: Mér finnst ABBA lögin alltaf góð.
Hver myndi vinna í 21? Úff, ég veit ekkert hver myndi vinna í
21. Ætli við þurfum ekki bara að taka leik?
Emelía Ósk Gunnarsdóttir
hefur spilað með U15, U16, U18 á yngra ári og eldra og A-
landsliðinu. Hún er 18 ára og byrjaði að æfa körfu 7 ára, áhug-
inn kviknaði af því að bróðir hennar æfði og hana langaði að
prófa.
Erfiðasti andstæðingurinn er Snæfell. „Mér finnst mjög
gaman að spila í meistaraflokki og ennþá skemmtilegra að
vera með svona stórt hlutverk í þessum flokki. Tímabilið hefur
byrjað mjög vel og skemmtilega og við höfum komið mörgum
skemmtilega á óvart.“
Jólabíómyndin sem kemur þér í skapið?
How the Grinch Stole Christmas kemur mér í jólaskapið.
Uppáhalds jólalag?
Uppáhalds jólalagið er Snjókorn falla
Ertu vanaföst um jólin, er eitthvað sem
þú gerir alltaf um hátíðarnar?
Það hefur alltaf verið hefð að krakk-
arnir á heimilinu skreyti tréð.
Eftirminnilegasta jólagjöf sem þú
hefur fengið?
Eftirminnilegasta jólagjöfin
er uppblásna kórónan mín.
Hvað er í matinn á aðfanga-
dag?
Á aðfangadag eru rjúpur
í matinn en við systurnar
borðum ekki rjúpu svo við
fáum oftast hamborgara-
hrygg.
Hvenær eru jólin komin
fyrir þér?
Þegar ég er búin í prófum
og það er byrjað að snjóa þá
eru jólin komin.
Hvernig brástu við þegar þú
komst að leyndarmálinu um
jólasveininn?
Ég man ekki eftir því hvernig ég
brást við leyndarmáli jólasveins-
ins.
Hvernig verð þú jóladegi?
Á jóladegi er morgunganga með
fjölskyldunni og seinna um dag-
inn förum við í jólaboð.
Sjónvarpsþættir: One Tree Hill.
Kvikmynd: Love and Basketball.
Hljómsveit/tónlistarmaður: Zara Larsson.
Leikari: Jim Carrey.
Skyndibiti: Saffran og Serrano.
Tónlist í laumi: River Flows in You.
Hver myndi vinna í 21? Thelma myndi pottþétt vinna í 21.
Birna Valgerður Benonýsdóttir
er 16 ára og spilar með unglingaflokki og meistaraflokki. Hún
hefur verið þrisvar sinnum í landsliði, U15 árin 2014 og 2015
og U16 árið 2016 og var einnig valin í 15 manna æfingahóp A-
landsliðsins fyrir síðustu tvo leikina í undankeppni EuroBasket
í haust. „Ég byrjaði að æfa í fyrsta bekk, vegna þess að mamma
mín spilaði einhvern tíma og mér fannst þetta rosalega spenn-
andi. Í yngri flokkunum var það alltaf Grindavík hjá mér, en
núna eru öll liðin frekar jöfn bara. Mér finnst mjög gaman
að fá tækifæri til þess að spila í efstu deild, frábær hópur og
mjög skemmtilegt að spila með öllum þessum stelpum. Þetta
er fyrsta tímabilið mitt í meistaraflokki og deildin hefur alveg
staðist mínar væntingar.“
Jólabíómyndin sem kemur þér í skapið?
Harry Potter maraþon er klassískt um há-
tíðarnar, kemur mér alltaf í hátíðarskap.
Uppáhalds jólalag?
Ég bara hef ekki hugmynd.
Ertu vanaföst um jólin, er eitt-
hvað sem þú gerir alltaf um
hátíðarnar?
Amma og afi koma alltaf
til okkar á aðfangadag
og við borðum ham-
borgarahrygg saman,
svo jólaboðin hjá
fjölskyldunni.
Eftirminnilegasta
jólagjöf sem
þú hefur fengið?
Ég fékk gallabuxur frá
mömmu og pabba ein-
hvern tíma fyrir löngu.
Þær eru eiginlega ógleyman-
legar.
Hvað er í matinn á aðfangadag?
Hamborgarahryggur.
Hvenær eru jólin komin fyrir þér?
Þegar allir eru byrjaðir að borða á
aðfangadag.
Hvernig brástu við þegar
þú komst að leyndarmálinu
um jólasveininn?
Hvaða leyndarmáli???
Hvernig verð þú jóladegi?
Uppi í sófa í náttfötum að horfa
á myndir með fjölskyldunni og
borða nammi.
Sjónvarpsþættir: Ætli það sé ekki SKAM.
Kvikmynd: Það eru alltof margar.
Hljómsveit/tónlistarmaður: Þeir eru einnig rosalega margir.
Leikari: Johnny Depp hefur alltaf verið í uppáhaldi.
Skyndibiti: Ætli það sé ekki Villi bara.
Tónlist í laumi: Tónlist frá ’00 er lúmskt góð stundum.
Hver myndi vinna í 21? Thelma Dís.