Dagblaðið Vísir - DV - 08.12.2017, Blaðsíða 18

18 Helgarblað 8. desember 2017fréttir
H
ann var villingur úti á
Nesi en var samt vin-
sæll, ekki síst hjá stelp-
unum. Eftir grunnskól-
ann hvarf hann hins vegar af
yfirborði jarðar. Ég vissi bara að
hann hefði farið út af sporinu,“
segir maður sem ólst upp með
Alexander Manrique Elíassyni á
Seltjarnarnesi. Alexander er ný-
sloppinn úr gæsluvarðhaldi þar
sem hann hefur setið í heila viku
ásamt eiginkonu sinni sem er frá
Perú. Þau eru grunuð um aðild að
umfangsmiklu vændismáli sem
lögreglan hefur nú til rannsókn-
ar. Leigði Alexander íbúð í Ártúns-
holti þar sem starfsemin er talin
hafa farið fram.
Ekki grunur um mansal
Grunur leikur á að Alexander og
eiginkona hans hafi gert þrjár
perúskar konur út í vændi. Í upp-
hafi rannsóknarinnar beindist
grunur lögreglu að því að hjónin
hefðu gerst sek um mansal. Sá
grunur var hins vegar ekki á rök-
um reistur ef marka má yfirlýs-
ingar lögreglu. Vændiskonurnar
þrjár virðast hafa komið til lands-
ins af fúsum og frjálsum vilja og
stundað hér ábatasama útgerð.
Vegabréf vændiskvennanna voru
í þeirra eigin vörslu og héldu þær
til síns heima fljótlega í kjölfar að-
gerða lögreglu.
Við húsleit lögreglu var lagt
hald á á tölvur, síma og um þrjár
milljónir króna í reiðufé. Þá virð-
ist hafa verið haldin skrá yfir fjöl-
marga viðskiptavini og má gera
ráð fyrir því að þessir aðilar verði
boðaðir í yfirheyrslu hjá lögreglu
innan tíðar.
DV hefur undir höndum sam-
skipti vændiskonu sem var á
hrakhólum og leitaði að vernd
eftir að parið var handtekið. Í
samskiptunum segir
vændiskonan að líf
hennar hafi verið
þyrnum stráð og
hana langaði út úr
þessari myrku veröld.
Hét áður Jón
Alexander
Ferill Alexanders hef-
ur vakið talsverða
athygli í fjölmiðlum,
ekki síst fyrir þá stað-
reynd að hann starf-
aði hjá Barnavernd
Reykjavíkur skömmu
áður en vændismálið
kom upp. Alexander
hét áður Jón Alexander
Elíasson og ólst upp á
Seltjarnarnesi. Að lok-
inni grunnskólagöngu
leiddist hann út á ranga
braut. Hann hlaut fang-
elsisdóm á táningsaldri
og var honum gefið að
sök að hafa reynt að
aka á mann. Að lokinni
afplánun venti hann
kvæði sínu í kross, að
minnsta kosti á yfir-
borðinu.
DV hefur ekki ítar-
legar upplýsingar um hvað Alex-
ander tók sér fyrir hendur að lok-
inni afplánun dómsins. Þó er ljóst
að hann rak um tíma bar á Spáni
sem og köfunarskóla, en hann
hefur kennsluréttindi sem kafari.
Hann starfaði um tíma fyrir köf-
unarþjónustuna Kafarinn.is hér á
landi og árið 2004 hóf hann störf
hjá Krýsuvíkursamtökunum. Þá
starfaði hann einnig sem áfeng-
isráðgjafi. Sú reynsla hjálpaði ef-
laust til þegar hann var ráðinn til
starfa hjá Barnavernd Reykjavíkur.
Könnuðu bakgrunninn
Samkvæmt heimildum DV var
hann vel liðinn á vinnustaðnum
og er starfsfólk í uppnámi yfir því
að hann sé grunaður um aðkomu
að vændisstarfsemi. Í umfjöllun
Ríkisútvarpsins um málið fullyrti
Halldóra Dröfn Gunnarsdóttir,
framkvæmdastjóri Barnaverndar
Reykjavíkur, að Alexander hafi
verið farsæll í starfi.
Í skriflegu svari til DV segist
Halldóra ekki kannast við að
meinbugir hafi verið á vinnu Al-
exanders hjá Barnavernd Reykja-
víkur. Þá hafi starfslok hans ekki
á neinn hátt tengst meintri víta-
verðri háttsemi. Alexander, eins og
aðrir starfsmenn stofnunarinnar,
undirritaði heimild til upplýsinga-
öflunar úr sakaskrá þegar hann
hóf þar störf. Samkvæmt heim-
ildinni getur Barnavernd óskað
eftir upplýsingum um kynferð-
isbrot án tímamarka. Hvað aðra
refsidóma áhrærir, til dæmis of-
beldisbrot og brot gegn lögum um
ávana- og fíkniefni, er tímaramm-
inn fimm ár. Halldóra staðfestir að
ferill Alexanders hafi verið kann-
aður að því marki sem heimildir
veita auk þess sem starfsferill hans
var skoðaður og meðmæla aflað.
„Óraunverulegt núna að þetta
hafi virkilega gerst“
Samkvæmt heimildum DV fór
bróðurpartur meintrar vændis-
starfsemi fram í húsi við Fiska-
kvísl í Ártúnsholti. Að sögn ná-
granna í nærliggjandi húsi fluttu
þrjár suðuramerískar konur
inn í íbúð sem Alexander tók á
leigu. Nánast umsvifalaust hófust
tíðar mannaferðir að húsinu á
öllum tímum sólarhrings. „Þetta
voru menn á öllum aldri, sumir
vel klæddir en aðrir ekki. Þetta
spannaði í raun allan þjóðfélags-
skalann,“ segir nágranni í samtali
við DV.
Að hans sögn fór ekki fram-
hjá neinum í nágrenninu, að ein-
hverjum tíma liðnum, hvers konar
starfsemi fór fram í húsinu. „Þetta
var í gangi í um tvo mánuði. Fólk
er auðvitað smá tíma að gera sér
grein fyrir einhverju af þessu tagi,
enda býst maður ekki við svona
starfsemi í rólegri íbúðagötu. Það
er eiginlega óraunverulegt núna
að þetta hafi virkilega gerst,“ segir
nágranninn.
Hann segist hafa mætt stúlkun-
um reglulega í götunni. „Þær voru
mjög vinalegar en töluðu ekki orð
í íslensku eða ensku. Það þýddi
lítið að bjóða þeim góðan daginn
á íslensku,“ segir viðmælandinn.
Þá segir hann að leigubíla ferðir
hafi verið tíðar í götunni. „Það
var svolítið fyndið að menn pönt-
uðu greinilega leigubílana að öðr-
um húsum í götunni og stóðu þar
álútir, sennilega til að gera þetta
ekki of augljóst. Ég tek sjálfur af
og til leigubíla og á þessu tímabili
spurði ég út í hvað væri í gangi í
þessu tiltekna húsi. Það var alveg á
hreinu að bílstjórarnir vissu það,“
segir maðurinn að lokum. n
Vel klæddir
karlar í
Vændishúsi
í FiskakVísl
n Alexander vann hjá Barnavernd Reykjavíkur n Starfsemin fór fram í íbúð í Ártúnsholti
Björn Þorfinnsson
Kristjón Kormákur
bjornth@dv.is / kristjon@dv.is „Það er
eiginlega
óraunverulegt
núna að þetta hafi
virkilega gerst