Morgunblaðið - 01.08.2017, Side 4

4 FRÉTTIRInnlent
MORGUNBLAÐIÐ ÞRIÐJUDAGUR 1. ÁGÚST 2017
Agnes Bragadóttir
agnes@mbl.is
Jón Gunnarsson samgönguráðherra
segir að hann hafi kallað eftir frekari
gögnum og rökstuðningi frá Sam-
göngustofu, vegna synjunar stofunn-
ar um að heimila að Akranes, ferjan
sem siglir á milli Reykjavíkur og
Akraness, verði leyft að sigla með far-
þega milli Landeyjarhafnar og Vest-
mannaeyja um næstu helgi, verslun-
armannahelgina.
Vestmannaeyjabær og Elliði Vign-
isson, bæjarstjóri Vestmannaeyja,
hafa lagt fram stjórnsýslukæru til
samgönguráðherra vegna synjunar
Samgöngustofu.
Vestmannaeyjabær krefst þess að
samgönguráðuneytið felli úr gildi
ákvörðun Samgöngustofu um að
heimila ekki siglingar Akranesferj-
unnar eða sambærilegs skips milli
lands og Eyja. Þetta kemur fram í
stjórnsýslukæru sem var send sam-
gönguráðuneytinu fyrir helgi.
„Ég hef kallað eftir frekari upplýs-
ingum og rökstuðningi frá Sam-
göngustofu, og við í ráðuneytinu er-
um að bíða eftir að svör berist frá
Samgöngustofu,“ sagði samgöngu-
ráðherra í samtali við Morgunblaðið í
gær.
Jón benti á að skammur tími væri
til stefnu og hann hefði af þeim sökum
óskað eftir því við Samgöngustofu að
gögnunum yrði skilað eigi síðar en
síðdegis í gær.
„Við í samgönguráðuneytinu mun-
um strax í fyrramálið [í dag] taka
gögnin og upplýsingarnar frá Sam-
göngustofu til efnislegrar umfjöllun-
ar og í kjölfarið mun ákvörðun mín
fljótlega liggja fyrir,“ sagði Jón
Gunnarsson samgönguráðherra.
Kallar eftir gögnum og rök-
stuðningi Samgöngustofu
 Samgönguráðherra fjallar um stjórnsýslukæru Eyjamanna
Morgunblaðið/Eggert
Akranes Vestmannaeyingar vilja fá
að nota Akranes um næstu helgi.
Dæluskipið Dísa, sem er í eigu
Björgunar, er nú við vinnu í Land-
eyjahöfn við að dýpka mynni hafn-
arinar.
Sigurður Áss Grétarsson, fram-
kvæmdastjóri siglingasviðs Vega-
gerðarinnar, segir að dæluskipið sé
að vinnu þar sem það hafi grynnkað í
höfninni undanfarið vegna stór-
streymis. Herjólfur þurfti að aflýsa
sex ferðum í síðustu viku vegna nið-
urstaðna dýptarmælinga sem sýndu
að ekki hefði verið nægt dýpi við
hafnargarðana til að hægt væri að
sigla á fjöru.
Nokkur þúsund rúmmetra
Sigurður Áss segir að stefnt sé að
því að aðgerðum ljúki í lok vikunnar
fyrir verslunarmannahelgina.
„Við erum að fjarlægja töluvert
meira en við þurfum,“ segir hann og
nefnir að dæluskipið sé að fjarlægja
nokkur þúsund rúmmetra af sandi.
urdur@mbl.is
Dísa dýpkar
Landeyjahöfn
 Ljúka aðgerðum í lok vikunnar
Morgunblaðið/Árni Sæberg
Höfn Aðgerðir standa nú yfir til að
dýpka Landeyjahöfn.
Jón Birgir Eiríksson
jbe@mbl.is
Gerð heimildarmyndar um undir-
búning og ferðalag Johns Snorra
Sigurjónssonar upp á K2, hættuleg-
asta fjall heims, hefur gengið vel.
Sem kunnugt er náði John Snorri
tindi K2 um klukkan ellefu á föstu-
dagsmorgun í síðustu viku.
Morgunblaðið náði í gær tali af
Kára G. Schram leikstjóra, sem
fylgt hefur John Snorra hvert fót-
mál í um eitt og hálft ár. Voru þeir
þá staddir í grunnbúðum K2 sem
eru í um fimm þúsund metra hæð,
en tindurinn sjálfur er í 8.611 metra
hæð. Á leiðinni upp lét Kári staðar
numið í grunnbúðunum og hélt til
þar.
Framundan er heimför, en John
Snorri hætti við að klífa fjallið
Broad Peak áður en hann kæmi aft-
ur heim til Íslands. Föruneytið mun
á næstu dögum ganga til Askoli,
næsta þorps við grunnbúðirnar, og
þaðan til þorpsins Skardu, þaðan
sem flogið verður.
Sendir með tökubúnað
upp á fjallið
„Ferðalagið hingað hefur verið
ótrúlegt, en svæðið ógnvænlegt,“
segir Kári, en verkefni hans var af-
ar krefjandi. Meðal annars var not-
ast við dróna til að festa förina upp
fjallið á filmu, en það er mjög bratt
og sviptingar í veðri miklar.
„Mitt hlutverk var að fanga það
sem gerist allt í kring; tilfinning-
arnar, ferðalagið, aðstæðurnar,
búnaðinn og það umhverfi sem við
erum í. Það sem gerist uppi á fjall-
inu höfum við myndað með drónum
og vélum allt um kring,“ sagði Kári,
en John Snorri og fylgdarmenn
hans voru einnig í hlutverki kvik-
myndatökumanna.
„Við útbjuggum þá með vélum og
búnaði. Ég var annars staðar með
langa linsu og svo mynduðum við
líka með dróna. Við náðum þessu al-
veg í bak og fyrir,“ segir Kári. Að-
spurður segir hann að þau markmið
sem snúið hafi að kvikmyndatök-
unni hafi náðst. Stórbrotið landslag
við fjallgarðinn njóti sín vel í mynd-
inni og andlegum raunum sem fylgi
hættuför sem þessari verði einnig
gerð góð skil.
„Við erum að taka þetta upp í 4k.
Átökin, gjörningurinn, ævintýrið,
ferðalagið og persónulegar að-
stæður koma fram. Myndin spannar
ekki bara það sem gerist hér heldur
líka það sem gerist fyrir og eftir, frá
upphafi til enda,“ sagði Kári.
„Það er mikið verk framundan við
myndgerðina. Þegar hefur miklu
verið kostað til svo þetta yrði allt
rétt gert. Þetta mun skila sér vel til
íslenskra áhorfenda og heimsins
alls. Þegar við komum heim hefj-
umst við handa við að vinna úr
þessu. Við erum komnir með gríð-
arlegt magn af flottu efni og
stefnum að því að frumsýna það ná-
lægt næsta vori, eftir áramót ein-
hvern tímann,“ sagði hann.
Sviptingar á föstudag
Segja má að lokaútgáfa
heimildarmyndarinnar og uppbygg-
ing hennar hafi verið í lausu lofti
þar til á föstudag enda alls óvíst
hvort tindinum yrði náð.
„Staðurinn og sagan hérna eru
gríðarleg. Hingað hafa margir kom-
ið og reynt en margir ekki komist
heim. Náttúran hér er stórbrotin
allan hringinn. Bæði leynast hér
hættur á hverju horni og svo skilar
náttúran af sér hlutum sem lýsa
hættunum vel, líkamshlutum og
slíku,“ segir Kári. Hann segir að í
æfingaferðum upp á fjallið hafi fall-
ið átta til níu snjóskriður og ein
þeirra hafi hrifið John Snorra með
sér í stutta stund. Kári segir að
hætta á og við K2 sé mikil og stöð-
ug.
„Hér er náttúran þannig gerð að
hún vill drepa þig. Hún er stór-
brotin og við erum hér uppi á
lengsta skriðjökli í heimi og höfum
ferðast eftir honum. Hér eru
grjótskriður og jökullinn springur í
sífellu þannig að þetta eru endalaus
ævintýri,“ sagði hann.
Kári segir afrekið sérstaklega til-
komumikið í ljósi þess að aðrir hóp-
ar á fjallinu hafi horfið frá því vegna
óveðurs. John Snorri hafi ákveðið
að dvelja áfram og „tekið sénsinn“.
„Síðan þegar þeir komu upp birti til
og allur heimurinn sást þarna að of-
an. Þetta átti ekkert að eiga sér
stað,“ segir Kári.
Mynduðu förina á K2 frá öllum
mögulegum sjónarhornum
 Andlegum raunum og ævintýrum gerð góð skil  Mynduðu m.a. með dróna
Ljósmyndir/Kári G. Schram
Toppurinn John Snorri náði á tind K2 um kl. ellefu á föstudagsmorgun þar sem hann flaggaði íslenska fánanum.
Kátir John Snorri og Kári voru að vonum sáttir þegar hinn fyrrnefndi kom
til baka í grunnbúðir K2. Kári vinnur að heimildamynd um afrekið.
Lögreglan hefur upplýst vopnað rán
í Pétursbúð við Ránargötu í Reykja-
vík síðdegis á sunnudag. Tveir
menn, sem lágu undir grun, voru
handteknir í gærmorgun og teknir
til yfirheyrslu. Annar játaði, en hlut-
ur hans í málinu er talinn veigameiri
en félaga hans sem stóð fyrir utan
búðina meðan á þessu gekk.
Báðir mennirnir hafa komið við
sögu lögreglunnar áður. Ólíklegt er
talið að farið verði fram á gæslu-
varðhald, en bent er á að gerandinn
eigi útistandandi fangelsisdóm og
geti því komið til afplánunar hans nú
þegar.
Samkvæmt upplýsingum frá lög-
reglu sakaði afgreiðslustúlkuna í
Pétursbúð ekki, en henni var eðli-
lega brugðið. Hún brást rétt við erf-
iðum aðstæðum, afhenti manninum
það sem hann bað um og ýtti svo á
neyðarhnapp. Kom fjöldi lögreglu-
manna á vettvang þá strax og hóf
leit að mönnunum og komst fljótt á
sporið. sbs@mbl.is
Ljósmynd/Hrafn Jökulsson
Vesturbærinn Ránið á Ránargötu.
Ránið í
Pétursbúð
er upplýst
 Lögregla komst
fljótt á sporið
Litakóða Kötlu hefur nú verið
breytt í grænan á ný, en það gefur
til kynna að engar vísbendingar séu
um yfirvofandi eldsumbrot. Þetta
segir Gunnar B. Guðmundsson
jarðeðlisfræðingur, en Veðurstofa
Íslands tók áðurnefnda ákvörðun
eftir fund sem haldinn var í gær.
Litakóða Kötlu var breytt í gult
síðastliðinn laugardag í ljósi auk-
innar skjálftavirkni og jökulhlaups
í Múlakvísl. Enn er þó varað við
mögulegu gasútstreymi við upptök
árinnar.
Litakóða Kötlu
breytt í grænan