Morgunblaðið - 01.08.2017, Qupperneq 13

maður er með á maganum,“ út-
skýrir Flemming. „Kaninn fór síð-
an að planta píanóhljómborði á
hljóðfærið, en það er kerfi sem
fleiri þekkja. Fyrir krakka er hins
vegar betra að læra á hnappa-
nikku því nóturnar eru færri á
minna sviði og litlar hendur ná
gripunum betur.“
Flemming á tvær hnappa-
harmóníkur, eina af stærstu og
bestu gerð, sem hann kallar flyg-
ilinn sinn og fer ekki með út úr
húsi nema mikið standi til og spil-
ar þá einungis á hana í góðu skjóli
eða innandyra. Ódýru harmóník-
una, eða „garminn“, þvælist hann
með hvernig sem viðrar. Hann
segir eftirspurn eftir harmóníku-
leikurum mætti að ósekju vera
meiri, en hann geti þó ekki kvart-
að, annað slagið sé hann fenginn
til að spila á böllum, tónleikum, í
veislum eða með hljómsveitum.
Auk annarra starfa á tónlistarsvið-
inu hafi hann getað lifað af tónlist-
inni. „Búandi enn heima hjá
mömmu,“ segir hann til skýringar.
Spurður hvenær hann hafi
fyrst komið fram opinberlega segir
hann fyrsta „giggið“ sitt sem hann
fékk greitt fyrir hafa verið þegar
hann var tólf ára og var ásamt
fiðlustelpu fenginn til að spila á
elliheimili. Smám saman fór hon-
um að leggjast fleira til, til dæmis
fékk hann eitthvað fyrir sinn snúð
þegar hann, ásamt öðrum nema í
harmóníkuleik, spilaði sígild tón-
verk og alþýðlega tónlist á fundi
Kvæðamannafélagsins Iðunnar ár-
ið 2010 og þegar hann, sautján
ára, var beðinn að spila fyrir gesti
og gangandi á Hlemmi sumarið
2013 í tengslum við biðstöðvaverk-
efni á vegum borgarinnar.
„Markmiðið var að lífga upp á
staðinn sem menningarmiðstöð, en
það gekk augljóslega ekki eftir.
Ég spilaði klassísk verk; barokk,
orgelverk og rómantísk píanóverk,
sem kannski áttu ekki heima á
svona stað sem fólk kom ekki
beinlínis á til að meðtaka tónlist
og menningu.“
Drottning allra hljóðfæra
Þótt Flemming gangi ekki svo
langt að taka krúnuna af orgelinu
heldur hann því fram að harm-
óníkan sé drottning allra hljóð-
færa. Hún sé a.m.k. besta og fjöl-
hæfasta hljóðfærið sem hann hafi
kynnst. Og hefur hann þó spilað á
þau nokkur um dagana, m.a.
bassagítar, trommur og rafheila
svo fátt eitt sé talið. Að hans mati
er nikkan tvímælalaust með full-
komnustu hljóðfærum sem til eru,
sífellt í þróun og með svakalega
gagnvirku og praktískt uppröðuðu
kerfi. „Harmóníkan er í rauninni
orgel, en hefur það framyfir að
vera með náttúrulegan hljóm, geta
andað og eiginlega upphefja tón-
ana. Þess vegna beiti ég harm-
óníkunni til að útsetja lög; búa til
tóna, blæbrigði og hvaðeina. Hún
er mitt tæki til að læra á og miðla
því sem ég hef fram að færa,“ seg-
ir hann.
Draumur hans er að geta lifað
af tónlistinni, þrifist sem listamað-
ur og gert það sem hann langar til
á því sviði. Skemmtilegast finnst
honum að spila krefjandi verk á
harmóníkuna; þunga háklassíska
tónlist, Bach-orgelverk sem og
svæsna tangóa eða verk í léttari
kantinum, sem verða uppistaðan á
tónleikunum fyrir fólkið hans í Fé-
lagi harmonikuunnenda ásamt
frumflutningi laga í eigin útsetn-
ingu.
Flinkir Flemming var aðeins átta ára þegar Bragi Hlíðberg, einn frægasti
harmóníkuleikari landsins, bauð honum að spila með sér nokkur lög.
Nú er lag, árlegt harmóníkumót Félags harmonikuunnenda í Reykjavík,
verður haldið um verslunarmannahelgina, 4. - 7. ágúst, að Borg í Grímsnesi.
Margir af bestu dansspilurum landsins leika á dansleikjum, sem hefjast kl. 21 í
félagsheimilinu laugardag og sunnudag. Auk þess verður leikið á grasflöt-
unum alla dagana ef verður leyfir. Nánari upplýsingar í síma 894-2322.
Morgunblaðið/Ómar
Á Hlemmi Flemming spilaði fyrir gesti og gangandi á Hlemmi sumarið 2013.
DAGLEGT LÍF 13
MORGUNBLAÐIÐ ÞRIÐJUDAGUR 1. ÁGÚST 2017
Frá því Flemming fékk bassagítar í fermingargjöf hefur hann ekki
verið ekki í hljómsveit. Og yfirleitt spilað á bassagítar, en stundum
trommur, rafheila eða svokallaðan hljóðgervil. Einstaka sinnum á
harmóníkuna. Í ár tók hann í sjöunda sinn þátt í Músíktilraunum sem
annar helmingur harðkjarnadúettsins Phlegm, hinn var Ögmundur
Kárason. Flemming spilaði á bassa og Ögmundur á trommur. Báðir
sungu.
Um Phlegm segir á síðunni musiktilraunir.is: Tveir vitleysingar af
höfuðborgarsvæðinu sem ætla sér að baka vandræði. Þetta er það
sem gerist þegar rythmalúðar reyna að vera hardcore. Spilum sánd-
trökk fyrir mómentið þegar löggan blikkar ljósunum fyrir aftan þig
og þú ert í engri stöðu til að tala við hana. Ögmundur Kárason þrus-
ar á plastskinn og Flemming Viðar Valmundsson þykist vera reiður
og strýkur þykka strengi.“
„Þátttakan í ár var bara grín til þess að vera með. Okkur fannst
nafnið Phlegm, sem þýðir kverkaskítur, mjög viðeigandi fyrir tónlist-
ina, sem við fluttum,“ segir Flemming. Þeir félagar lentu í öðru sæti
og báðir unnu einstaklingsverðlaun, Flemming sem bassaleikari
Músíktilrana 2017 og Ögmundur sem trommuleikari.
Árið 2015 spilaði Flemming með Kröstpönkbandinu Þegiðu á Mús-
íktilraunum og var það í eina skiptið sem hann spilaði á harmóníku á
þeim vettvang. Hljómsveitin komst í úrslit.
Af nýjustu tilþrifum á tónlistarsviðinu má nefna að hann var tón-
listar- og hljómsveitarstjóri í leikritinu Skilaboðaskjóðan, sem Leik-
félag Mosfellsbæjar sýndi í vetur. Einnig fór nokkur tími í undirbún-
ing fyrir inntökuprófið í Tónlistarskólann í Kaupmannahöfn. „Ég
þurfti að leika tvö verk, annað klassískt, samið fyrir aldamótin 1800
og hitt nútímaverk frá um 1950.“
Harðkjarni og háklassík
AF MÚSÍKTILRAUNUM OG FLEIRU
Músíktilraunir 2017 Harðkjarnadúettinn Phlegm hafnaði í öðru sæti.
Hamraborg 10, Kópavogi – Sími: 554 3200
Opið: Virka daga 9.30-18 Laugardaga 11–14
GOTT ÚRVAL
AF UMGJÖRÐUM
Verið velkomin til
okkar í sjónmælingu
Þjónustumiðstöð Miðborgar og Hlíða
hafa fengið Tvo heima, miðstöð qi-
gong og tai chi á Íslandi, til að halda
opnar qigong-æfingar við allra hæfi á
Klambratúni kl. 11 - 11.45 á morgun,
miðvikudaginn 2. ágúst. Víða í heim-
inum stundar fólk slíkar æfingar sem
og tai chi á opnum svæðum í borgum.
Kínversk hreyfilist, qigong og tai
chi, er mörg þúsund ára hefð, sem
margir telja eina heilnæmustu hreyf-
ingu sem hægt er að stunda bæði í
lýðheilsu- og lækningaskyni.
Björn Bjarnason kynnir og útskýrir
qigong, kínverska hreyfi- og lækn-
islist – hugleiðslu með öllum lík-
amanum, og feðginin Filip Woolford
og Þórdís Filipsdóttir leiða og kenna
formið ba duan jin eða átta silkimjúk-
ar hreyfingar sem einnig eiga sér
mörg þúsund ára sögu og eru enn
stundaðar víða um heim.
Áhugasamir hittast í Skeifunni fyr-
ir ofan Kjarvalsstaði kl. 11. Mælt er
með léttum klæðnaði.
Nánar: www.tveirheimar.is facebo-
ok.com/tveirheimar
Qigong-æfingar við allra hæfi á Klambratúni á miðvikudag
Hreyfilist, hugleiðsla og átta
silkimjúkar hreyfingar
Ljósmynd/Styrmir Kári & Heiðdís
Tveir heimar Feðginin Þórdís og Filip Woolford hjá Tveimur heimum leiða og
kenna formið ba duan jin á Klambratúni.