Morgunblaðið - 01.08.2017, Síða 12

12 DAGLEGT LÍF
MORGUNBLAÐIÐ ÞRIÐJUDAGUR 1. ÁGÚST 2017
Morgunblaðið/RAX
Valgerður Þ. Jónsdóttir
vjon@mbl.is
Já, já, en hvað kanntu?“spurði Flemming ViðarValmundsson, átta ára, ef-ins á svip, þegar Bragi
Hlíðberg, áttræður öldungurinn og
einn frægasti harmóníkuleikari
landsins, stakk upp á að þeir
spiluðu saman lag á árlegu harm-
óníkuumóti Félags harmonikuunn-
enda í Reykjavík, sem haldið var í
Árnesi árið 2004. Áður höfðu ein-
hverjir utan dagskrár hvatt þann
stutta upp á svið með nikkuna sína
og klappað honum mikið lof í lófa
fyrir frammistöðuna. Flemming
gerir því skóna að sagan verði rifj-
uð upp eina ferðina enn á mótinu í
ár, Nú er lag, um verslunarmanna-
helgina á Borg í Grímsnesi þar
sem hann er heiðursgestur með
tónleika kl. 14 á laugardaginn. „Ég
skildi ekkert í því af hverju allir
sem stóðu þarna í kring voru í
hláturskasti. En Bragi var hinn al-
úðlegasti og sagði „byrja þú bara,
ég kem svo inn í“,“ rifjar hann
upp.
Flemming er á förum í fram-
haldsnám í klassískum harmóníku-
leik við Tónlistarháskólann í
Kaupmannahöfn svo tónleikarnir á
Borg eru þeir síðustu sem hann
heldur á landinu að sinni. Fyrir
dyrum stendur þriggja ára nám til
viðbótar þeim tíu sem hann á að
baki í Tónlistarskólanum í Graf-
arvogi auk eins árs fræðilegs
djassnáms á harmóníkuna í Tón-
listarskóla FÍH, en þar lærði hann
líka á rafbassa.
Fáir á sömu nótum
„Ég er eiginlega alinn upp hjá
Félagi harmonikuunnenda í
Reykjavík og hef spilað á flestum
mótum gegnum tíðina. Þetta er
mitt fólk. Kennarinn minn, Guð-
mundur Samúelsson, var í félaginu
og þá bara gerðist maður líka fé-
lagi,“ segir Flemming, sem kann
enga skýringu á því hvers vegna
hann valdi að læra á harmóníku,
kornungur drengurinn. „Ég byrj-
aði átta ára í Tónlistarskólanum í
Grafarvogi, hélt bara áfram og er
enn að. Þótt ég muni ekki eftir því
segir Guðmundur að ég hafi komið
til hans þar sem harmóníkuhópur
var að spila í verslunarkjarna í
hverfinu og tilkynnt honum að
svona hljóðfæri ætlaði ég að læra
á. Næsta vetur var ég innritaður í
harmóníkunám.“
Fáir voru voru á sömu nótum
og Flemming í skólanum, enda
segir hann að harmóníkan hafi
þótt hálfgert „gömlukalla-
hljóðfæri“ og ímynd harmóníku-
leikarans karl með vodkapela í
rassvasanum að spila þau fáu lög
sem hann kunni á sveitaböllum.
„Þótt enn eimi eftir af þessu við-
horfi hafa vinsældirnar og stand-
ardinn aukist töluvert undanfarið
því sífellt fleira ungt fólk, sem
ekki var matað á bítlatónlist í upp-
vextinum, er farið að læra á þetta
merkilega og klassíska hljóðfæri,
sem klárlega hefur verið stórlega
vanmetið. Og ekki til að geta bara
spilað vals eða polka á góðri stund.
Sá kúltúr er hverfandi. Margir
reka upp stór augu þegar þegar
ég segi þeim að ég sé harmóníku-
leikari og önnur hvor manneskja
lætur þess getið að afi hennar hafi
líka spilað á harmóníku.“
Fyrsta „giggið“ á elliheimili
Eins og flestir sem lært hafa
á harmóníku síðustu tuttugu árin
eða svo spilar Flemming á
hnappanikku, sem öfugt við píanó-
nikkuna er með tökkum báðum
megin. Þannig var dragspilið upp-
haflega þegar það kom fram á
sjónarsviðið í Rússlandi fyrir
margt löngu. „Eins og orgel sem
Ungur maður með magaorgel
Flemming Viðar Valmundsson hefur spilað á harmóníku í fjórtán ár, eða frá því hann átta ára hóf nám í Tónlistarskólanum í Graf-
arvogi. Þótt hann gangi ekki svo langt að taka krúnuna af orgelinu heldur hann því fram að harmóníkan sé drottning allra hljóðfæra, eða
a.m.k. besta og fjölhæfasta hljóðfærið sem hann hafi kynnst. Síðustu harmóníkutónleikar Flemmings að sinni verða á móti Félags harm-
onikuunnenda á Borg í Grímsnesi um verslunarmannahelgina. Hann er á förum í framhaldsnám í klassískum harmóníkuleik í Tónlist-
arháskólanum í Kaupmannahöfn í haust.
Ellefu ára Flemming ellefu ára á
ungmennalandsmóti Sambands ís-
lenskra harmonikuunnenda.
Merkilegt Flemming segir
harmóníkuna merkilegt ,
klassískt hljóðfæri, en stór-
lega vanmetið.
Hoist Vinnulyftur • Víkurhvarf 4 • Sími 517 6000 • hoist@hoist.is • www.hoist.is
Umboðsaðili Alimak Hek á Íslandi
Turnlyftur
Sala og þjónusta
Sérhæfum okkur
í sölu og þjónustu
á lyftum af öllum
stærðum og gerðum
517 6000
Fyrirtæki og verslanir
Sumarleikföng í úrvali
www.danco.is
Heildsöludreifing
45 cm boltar
Flottir á
trampólín
arBolt
Kútar
Sá kúl rpu u
Vatnsbyssur
Fötur
YooHoo
Eins og annan hvern þriðudag í sumar verður gestum og
gangandi boðið að vatnslita á skemmtistaðnum Lofti,
Bankastræti 7, milli kl. 20 til 22.30 í kvöld. Boðið
verður upp á vatnsliti og pappír og mun Íris María
veita ráðgjöf og kennslu við vatnslitun ef áhugi er
fyrir hendi. Því ekki að bleyta pappírinn, blanda saman lit-
um og leyfa björtum sumarlitum að streyma um vatnslitapappírinn?
Endilega …
… vatnslitið á Lofti í kvöld