Fréttatíminn - 04.02.2017, Side 4

4 | FRÉTTATÍMINN | Laugardagur 4. febrúar 2017
Viðræður sigldu í strand
Kjaramál Viðræður milli sjómanna
og útgerða sigldu í strand á fjórða
tímanum í gær þegar deiluaðilar
hittust hjá ríkissáttasemjara eftir
hádegi. Hugur er í sjómönnum sem
Fréttatíminn ræddi við í gær, en
þeir treysta sér ekki til þess að tala
opinberlega af ótta við að útgerðir
hegni þeim með einhverjum hætti.
Framkvæmdastjóri SFS segir það
ekki vilja samtakanna að lögbann
sé sett á verkfall sjómanna.
Valur Grettisson
valur@frettatiminn.is
„Þetta er bara í hnút báðum megin,
við stöndum grjóthörð á okkar,
þannig eru okkar skilaboð,“ segir
Valmundur Valmundsson, formað­
ur Sjómannasambands Íslands,
þegar Fréttatíminn ræddi við hann
skömmu fyrir fund ríkissáttasemjara
sem fram fór klukkan eitt í gær.
Helsta bitbeinið í samningavið­
ræðunum eru bætur fyrir sjómanna­
afsláttinn og olíuverðsviðmið, en sjó­
mönnum er gert að standa straum af
hluta af eldsneytiskostnaði skipanna.
Þá er einnig deilt um kostnaðarþátt­
töku sjómanna í fjarskiptum, þá helst
internetinu, en sjómenn greiða til að
mynda sjálfir fyrir gagnamagnið, og
getur sá kostnaður hlaupið á býsna
háum upphæðum, nokkuð sem sjó­
menn furða sig á.
Pirrings er farið að gæta hjá stjórn­
endum minni útgerða, að því er fram
kom í Morgunblaðinu í gær. Þær út­
gerðir eiga mun erfiðara með að tak­
ast á við verkfallið en til að mynda
stærri og fjársterkari útgerðir. Þar
mátti lesa að krafan um lögbann lægi
í loftinu.
Valmundur segir það þó ljóst að
nýr ráðherra sjávarútvegsmála, Þor­
gerður Katrín Gunnarsdóttir, hafi
sagt skýrum orðum við sjómenn að
deiluaðilar yrðu að ná sáttum í mál­
inu án aðkomu ríkisins.
Heiðrún Lind Marteinsdóttur,
framkvæmdastjóri Samtaka fyrir­
tækja í sjávarútvegi, tekur í sama
streng og Valmundur og segir grein
Morgunblaðsins hafa komið sér á
óvart. „Við höfum hitt félagsmenn og
þar var samhljómur um að við mynd­
um reyna til þrautar að ná samning­
um. Það er farsælasta lausnin til þess
að eiga samstarfi í framtíðinni,“ segir
Heiðrún.
Mikil samstaða er hjá sjómönnum
sem Fréttatíminn ræddi við. Enginn
þeirra vildi ræða kjaramálin undir
nafni af ótta við að verða refsað fyrir
það með einhverjum hætti af hálfu
útgerðanna.
Einn sjómaðurinn hafði á orði
deiluna um olíuverðsviðmiðið og
útskýrði málið fyrir blaðamanni
með einföldum hætti. „Þetta er
líkt og blaðamenn þyrftu að borga
fyrir skrifborðið og hluta úr raf­
magnskostnaði sem knýr tölvuna
áfram,“ sagði hann. Þá mátti greina
mikla óánægju varðandi orð fram­
kvæmdastjóra SFS þegar hún hafði á
orði að sjómenn væru á læknalaun­
um. Sjómennirnir sem starfa með­
al annars á línubátum, sögðu vissu­
lega til sjómenn á hærri launum og
það skekkti stöðuna, „en ætli okkar
laun séu ekki nærri launum hjúkr­
unarfræðinganna þegar allt er talið
saman,“ sagði einn sjómaðurinn.
Viðræðum sjómannasambandsins
og SFS var slitið á fjórða tímanum í
gær. Forsætistáðherra gaf svo út eft­
ir ríkisstjórnarfund síðdegis í gær að
ríkisstjórnin myndi ekki hlutast til
um verkfallið.
Sjómenn á línubátum segja laun þeirra nær launum hjúkrunarfræðinga en lækna.
Háskóli Gæðum náms við Háskóla
Íslands er stefnt í hættu vegna
niðurskurðar sem framundan er í
rekstri skólans. Starfsfólk og nem-
endur eru uggandi um stöðuna,
segir einn prófessoranna.
Guðni Tómasson
gudni@frettatiminn.is
„Niðurskurðurinn verður erfið­
ur en við skulum hafa það alveg
á hreinu að Háskóli Íslands hefur
verið rekinn af vanefnum í mörg
ár,“ segir Ólafur Ingólfsson, pró­
fessor í jarðfræði. Ólafur, eins og
fleiri sem við skólann starfa, er
langþreyttur á fjárhagskröggum
hans en Fréttatíminn sagði í gær
frá erfiðri stöðu í rekstrinum.
„Hér á jarðvísindadeild þurf­
um við að spara tugi milljóna og
þá er helst hægt að skera niður
þjónustu sem veitt er nemendum,
því miður. Þrengt verður að nám­
skeiðum með ýmsum hætti og þau
í einhverjum tilfellum lögð niður,
einkum í framhaldsnámi. Tímum
verður fækkað, dregið úr vett­
vangsvinnu og slíku.“
Ólafur segir ljóst að sumar
greinar verði tæplega kenndar
bara af kennslubókum. Nemendur
þurfa að reyna hlutina og upplifa
sjálfir. Það þýðir til dæmis ekki að
kenna fólki að synda með því að
láta það fá bók. Gæði náms eru
metin eftir því hvernig okkur tekst
að miðla þekkingu og færni á fjöl­
breyttan hátt.“
Háskóli Íslands hefur bent á
að heildarframlög vegna hvers
ársnema á Íslandi þyrftu að tvö­
faldast til að ná meðalframlögum á
ársnema á öðrum Norðurlöndum.
„Auðvitað þykir okkur þetta
miður og við reynum eins og
hægt er að standa vörð um gæði
námsins, en það er mjög erfitt.
Nemendur eru auðvitað mikilvæg­
ustu starfsmenn skólans, þeirra er
framtíðin. Þetta er ekki skemmti­
legt ástand.“
Ólafur segir erfitt að leggja mat
á hvort niðurskurðurinn komi
til með að draga mátt úr prófess­
orum og kennurum. „Við erum
ýmsu vön og sumir taka þessu eins
og hverju öðru hundsbiti. En við
þurfum, eins og aðrir skólar, að
lokka til skólans hæfileikafólk og
bjóða því upp á sambærileg starfs­
skilyrði og í háskólum erlendis.“
Niðurskurður gerir
HÍ erfitt að keppa um
nemendur og starfsfólk
Ólafur Ingólfsson jarðfræðiprófessor.
„Skellum þessu bara
í þjóðaratkvæði“
Stjórnmál Þrír Píratar eru meðal
flutningsmanna að nýju frum-
varpi um frjálsa sölu áfengis í
verslunum. Þingflokksformaður
Pírata virðist þó ekki sammála
þeim um mikilvægi málsins.
„Setjum áfengisfrumvarpið í
þjóðaratkvæðagreiðslu samhliða
sveitarstjórnarkosningum,“ segir
Birgitta Jónsdóttir, þingflokksfor­
maður Pírata, en þrír þingmenn
Pírata eru á nýju frumvarpi um
frjálsa sölu áfengis, sem dreift var
í þinginu á fimmtudag.
Birgitta segist vilja að flokkurinn
einbeiti sér að því að ræða einka­
rekstur í heilbrigðiskerfinu, bág
kjör fjölda fólks eftir breytingar á
lögum um almannatryggingar og
húsaleigubætur.
„Fullt af börnum fara svöng að
sofa,“ segir þingkonan. „Fullt af
fólki hefur ekki efni á að leysa út lyf­
in sín. Það líður ekki sá dagur sem
ég hugsa ekki um það en alltaf skal
það vera fyrsta afvegaleiðingin að
ræða endalaust um sama frumvarp
Sjálfstæðsflokksins um bús í búðir.
Ég legg til að einhver skelli í undir­
skriftarlista til þingmanna um að
skella þessu bara í þjóðaratkvæði.“
„Ég legg til að einhver
skelli í undirskriftarlista
til að skella þessu í þjóðar-
atkvæði,“ segir Birgitta.
Röskva sigraði í
kosningunum
Röskva bar sigur orð af Vöku, fé­
lagi lýðræðissinnaðra stúd enta,
í kosn ingum til Stúd entaráðs Há­
skóla Íslands. Röskva hef ur ekki
haft meirihluta í Stúd entaráði síð­
an 2008-2009 og því er um talsverð
tíðindi að ræða.
Í kosn ing un um fékk Röskva 18
full trúa kjörna en Vaka 9.
Fyr ir ári fékk Vaka 17 kjörna full­
trúa en Röskva 10.
Röskva hefur ekki sigrað í kosningum
síðan árið 2008.
Íslendingar gefa
Færeyingum 5,8 milljónir
Íslendingar afhentu í gær systurfé­
lagi Landsbjargar í Færeyjum, Fé­
lagsins fyrir landsbjargingarfelögin
í Færeyjum, 5.755.000 krónur.
Peningarnir söfnuðust hérlendis
frá 29. desember til 17. janúar, dag­
ana eftir fárviðrið sem gekk yfir
Færeyjar og olli þar miklu tjóni.
Það voru Rakel Sigurgeirsdóttir og
Valdís Steinarrsdóttir sem afhentu
fjármunina í Sendistofu Færeyja í
Reykjavík en þær höfðu frumkvæði
að söfnuninni í framhaldi af ákalli
á Fésbókarsíðunni Færeyingar og
Íslendingar eru frændur. Við af­
hendinguna undirrituðu Lands­
björg og systurfélagið í Færeyjum
viljayfirlýsingu um samstarf. | hh
Regin Jespersen, formaður Félagsins fyrir landsbjargingarfelögin í Færeyjum,
tekur við söfnunarfénu frá Rakel Sigurgeirsdóttur og Valdísi Steinarrsdóttur.