Fréttatíminn - 04.02.2017, Qupperneq 44

44 | FRÉTTATÍMINN | Laugardagur 4. febrúar 2017
Það þarf að styðja
við jaðarinn, annars
er hann ekki til
Bryndís Silja Pálmadóttir
bryndis@frettatiminn.is
„Það er drasl heima hjá okkur öll-
um, allavega stundum,“ segir Elín
Oddný Sigurðardóttir, einn stofn-
enda facebook-hópsins „Family
living – the true story“ sem stofn-
aður var eftir sænskri fyrirmynd.
Markmið Elínar og vinkvenna
hennar var að skapa vettvang fyrir
fólk til þess að deila myndum af
eðlilegu heimilisdrasli. Í lýsingu
hópsins segir „nafnið Family liv-
ing á rætur sínar að rekja til blaða
helguðum innanhússhönnun
sem og sjónvarpsþátta sem sýna
einsleita og óraunsæja mynd af
hinu fullkomna heimili.“ Mark-
mið hópsins er því að koma með
ákveðið mótvægi gegn ríkjandi
hugmyndum um hið fullkomna
heimili sem áberandi eru á sam-
félagsmiðlum. Því deila meðlimir
myndum af drasli og rusli á heim-
ilum sínum, gjarnan með skondn-
um texta með. Hópurinn er lok-
aður en öllum er velkomið að
ganga í hann. „Það má alveg
nota húmor á hversdagslega
hluti en það eru margir hóp-
ar á samfélagsmiðlum sem
eru mjög uppteknir af því
að deila myndum af hinu
fullkomna heimili,“ segir
Elín. En hún hefur, að
eigin sögn, fengið skila-
boð frá einstaklingum
sem hafa átt erfitt með
að deila myndum inn á
hópinn en liðið rosalega
vel með það eftir á.
Enda er, að sögn Elín-
ar, mikilvægt að nota
húmor á hversdags-
lega hluti og gegn
hugmyndinni um
að allt eigi að vera
fullkomið.
Drasl er eðlilegur hluti
af heimilislífinu
Til stendur að halda í fyrsta
skipti Reykjavík Fringe Festi-
val (RFF) 21. til 24. september
næstkomandi. Um er að ræða
jaðarsviðslistahátíð sem haldin
er að fyrirmynd Edinburgh
Fringe sem hefur verið haldin
frá árinu 1947.
„Við erum partur af netverki sem
heitir Nordic Fringe Network. Það
verða fjórar hátíðir haldnar undir
þessu regnhlífarhugtaki á Norður-
löndunum í september,“ segir Ingi
Vífill Guðmundsson, einn aðstand-
enda hátíðarinnar. Hann hefur
sjálfur töluverða reynslu af Fringe
hátíðum víða um Evrópu, án þess
þó að hafa sótt Edinburgh Fringe.
„Þetta er kúltúr sem okkur langar
til að taka með okkur hingað,
bætir hann við.
Fyrir þá sem þekkja ekki hug-
takið fringe þá er um að ræða
jaðarlistir sem fá ekki oft að líta
dagsins ljós í hefðbundnu leikhúsi,
þó leiklist geti vissulega flokkast
sem fringe. Þar að auki erum við
meðal annars að tala um uppi-
stand, dans, myndlist, drag, götu-
listir, burlesque, improv, einleiki
og sirkus.
Ingi segir aðstandendur hátíðar-
innar hafa fengið mjög margar
umsóknir frá fólki hvaðanæva
af úr heiminum sem vill koma
fram á RFF. Þau vilja hins vegar
sjá fleiri umsóknir frá Íslending-
um enda mjög sterk og fjölbreytt
jaðarlistasena hér á landi. „Það er
ástæða fyrir því að það er sérstök
sviðslistadeild uppi í Listaháskóla.
Við höfum miklar væntingar til
þess að þaðan komi mikið af flottu
fólki. Svo er Kvikmyndaskólinn og
fjöldinn allur af sjálfstæðum leik-
félögum um allt land. Svo ég tali
nú ekki um improv senuna sem er
rosalega sterk hér á landi.“
Ingi bendir á að uppistand sé
hryggjarstykki í Edinburgh Fringe
og hugmyndin er að fylgja því
fordæmi á Íslandi í haust. Hátíðin
mun fara fram á þremur stöðum í
Reykjavík og verður einn stað-
urinn algjörlega helgaður uppi-
standi.
„Okkar markmið með þessari
hátíð er að fá inn það mikið af er-
lendum listamönnum til að fólk
geti skapað sér tengslanet þvert á
landamæri og fái í kjölfarið tæki-
færi til að kynna list sína erlendis.
Það þarf að styðja við jaðarinn,
annars er hann ekki til.“ | slr
Ingi er einn aðstandenda RFF en hann hefur töluverða reynslu af fringe hátíðum.
„Sniðug aðventulausn.“ Mynd | Facebook
„Jólin eru að koma.“ Mynd | Facebook
„Ætla bara að strá glimmer yfir þetta.“
Mynd | Facebook
„Leikurinn „grafðu“ er afar vinsæll hér á þ
essu
heimili og mest spennandi snemma morg
uns.“ Mynd
| Facebook
Í hópi á facebook deila meðlimir myndum af
drasli úr heimilislífinu. Einn stofnanda hópsins
segir hópinn vera mótvægi við ríkjandi hug-
myndir um hið fullkomna heimili.
Elín Oddný
Sigurðardóttir.
Mynd | Hari