Víkurfréttir - 27.05.2004, Blaðsíða 2
2 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
stuttar
f r é t t i r
➤ Banaslys við mislæg gatnamót Reykjanesbrautar á Strandarheiði:
Maðurinn sem lést í um-ferðarslysi á Reykja-nesbraut á Strandheiði
fyrir réttri viku síðan hét Þórir
Jónsson. Hann var fæddur árið
1952 og var til heimilis að
Fagrahvammi 14 í Hafnarfirði.
Unnusta Þóris var með honum
í bílnum og var flutt á slysa-
deild eftir slysið, en mun ná sér
að fullu.
Þórir var vel þekktur í Hafnar-
firði, bæði fyrir störf sín sem
kennari og sem mikilvirkur for-
kólfur knattspyrnumála hjá FH.
Slysið átti sér stað til móts við
mislæg gatnamót sem unnið er
að vegna tvöföldunar Reykjanes-
brautarinnar, skammt vestan við
Kúagerði. Bifreiðin mun hafa
lent utan í vegriði brúarinnar og
síðan á ljósastaur austan hennar.
Bifreiðin mun síðan hafa oltið og
hafnað á öðrum ljósastaur austan
fráreinar við gatnamótin þar sem
hún stöðvaðist. Lögreglan í
Keflavík óskar eftir því að þeir
sem geti gefið nánari upplýsing-
ar um slysið hafi samband í síma
420 2400.
Fasteign hf. kaupir
Stóru-Vogaskóla
S veitarstjóra Vatnsleysu-strandarhrepps hefurverið falið að ganga frá
afsali fyrir húsnæði Stóru-
Vogaskóla til fasteignafélagsins
Fasteignar hf. Með þessum
samningi eru kaup Fasteignar
á skólahúsinu staðfest og eins
að félagið mun byggja viðbygg-
ingu við skólann, sem verður
líka í eigu félagsins.
Stefnt er að því að hefja vinnu
við nýja áfangann í sumar og að
hann verði tilbúinn að hausti
2005. Byrjað er að vinna hug-
myndir að útfærslu viðbygging-
arinnar.
Eitt mannslíf enn á brautinni
Fjórar af fimm þyrlum
Varnarliðsins til Evrópu
F jórar af fimm þyrlumVarnarliðsins verða viðskyldustörf á megin-
landi Evrópu á næstunni.
Friðþór Eydal, upplýsingafulltrúi
Varnarliðsins, sagði í samtali við
Víkurfréttir að þyrlurnar kæmu
aftur til landsins eftir skamman
tíma.
Þetta gæti valdið vandræðum í
sambandi við neyðarflug ef
fimmta þyrlan bilar, og má því
lítið út af bregða hjá þyrlum
Landhelgisgæslunnar þangað til
varnarliðsþyrlurnar snúa aftur.
Óvænt heimsókn
Fullvaxinn blöðruselur gerði sig heima-
kominn á flotbryggjunni við Keflavíkur-
höfn einn morgun í síðustu viku. Hann
vakti mikla athygli vegfarenda þar sem
hann lá og hvíldi lúin bein eftir langt
ferðalag. Selurinn gerði þó stuttan stans
og hélt út á haf þegar degi fór að halla.
➤ Sólarúrið sett upp við Myllubakkaskóla:
SÓLÚR við Myllubakkaskóla
verður vígt við hátíðlega athöfn
nk. laugardag kl. 17. Það eru
fyrrverandi nemendur úr Barna-
skóla Keflavíkur/Myllubakka-
skóla sem ætla að gefa Myllu-
bakkaskóla sólúrið í tilefni 40 ára
fermingarafmælis og mun það
verða staðsett fyrir framan
skólann.
Sólúrið var flutt í lögreglufylgd í
fyrrakvöld enda engin smásmíði,
tæp 13 tonn að þyngd. Þessi min-
nisvarði var unnin í samvinnu
við Einingaverksmiðjuna ehf. og
St. helgason, steinsmiðju.
„Sólúrið er minnisvarði og tákn
um sameiginlegt ferðalag okkar í
gegnum skólann á árunum 1957-
62 og tileinkað minningu Vil-
hjálms Ketilssonar, skólastjóra
við Myllubakkaskóla, og annarra
félaga okkar úr árganginum sem
kvatt hafa okkur.
Sólúr/sólklukkur eru ævaforn
fyrirbæri og eru vitnisburður um
vitund og skilning mannsins á
lögmálum náttúrunnar og einnig
þörf hans til að henda reiður á
framrás tímans, segir Tómas
Jónsson sem hefur verið ásamt
fleirum í forsvari árgangsins
1950, sem heldur upp á 40 ára
fermingarafmæli sama kvöld og
sólúrið verður vígt.
Tómas segir að það sem sé
óvenjulegt við þetta sólúr sé að
það „kviknar“ aðeins á því -
þ.e.a.s. það sýnir aðeins tímann
að manninum viðstöddum. Það
er enginn stöng eða staur sem
varpar skugga á skífuna heldur
verður maðurinn sjálfur að
standa á miðri skífunni og þannig
er það skuggi hans sjálfs sem
lendir á skífunni og vísar á
klukkustund dagsins. Það er því
gjörningur af bestu gerð í hvert
sinn sem hún er notuð.
Að sögn Tómasar var samband
haft við Modern Sunclocks í
Skotlandi, fyrirtæki sem hefur
sérhæft sig í að reikna út og
grunnteikna sólskífur út frá
lengdar- og breiddargráðum á
jörðinni og fullyrðir fyrirtækið að
þetta yrði nyrsta sólúr jarðarinnar
og það eina sinnar gerðar á Ís-
landi. Það er auðvitað skemmti-
leg staðreynd fyrir samfélagið.
Óneitanlega er framkvæmdin
töluvert flókið og dýrt fyrirtæki
og var því óhjákvæmilegt að leita
eftir fjárstuðningi. Fjársöfnun
hefur gengið vel en þeir sem
vilja leggja árganginum lið við
þessa framkvæmd og leggja
hönd á plóginn er vinsamlegast
bent á söfnunarreikning í Spari-
sjóðnum í Njarðvík:
1191-05-401060 / kt.: 030550-
3159 / Árgangur 1950.
Nyrsta sólúr á Íslandi
Sólúrið er tæp 13 tonn að þyngd
og verður vígt við formlega
athöfn á laugardaginn kl. 17.
22. tbl. 2004 leidr 26.5.2004 16:44 Page 2