Víkurfréttir - 27.05.2004, Blaðsíða 6
F jölbreytileiki var ein-kenni nýafstaðinnar Frí-stundahelgar sem haldin
var í annað sinn í Reykjanesbæ
dagana 14. - 16. maí sl.
Fyrirtæki, klúbbar og félög
kynntu starfsemi sína og var víða
opið hús í bænum með kynning-
um og sýningum. Kom það
mörgum á óvart hversu mörg
tækifæri til tómstundaiðkunar
væru í Reykjanesbæ fyrir fólk á
öllum aldri.
Alls sóttu 2.000 manns sýning-
una List og handverk í Íþrótta-
húsinu við Sunnubraut en þar
sýndu á sjöunda tug handverks-
fólks verk sín.
Í tilefni af fimm ára starfsafmæli
Heiðarskóla var haldin sýning á
verkefnum nemenda í stofum og
á göngum skólans í tengslum við
fjölskyldudag skólans. þar var
mikið um að vera á lóð skólans
og inni. Haldin var sumarhátið í
88 Húsinu, menningarmiðstöð
ungs fólks, þar sem hinir ýmsu
aðilar og tómstundafélög kynntu
starfsemi sína. Boðið var upp á
andlitsmálun og hoppukastala
auk þess sem lögreglan skoðaði
reiðhjól hjá krökkum.
Mótorhjóladagur var hjá Frum-
herja í Njarðvík á laugardag. Þar
komu mótorhjólaeigenur saman
og þeir sem vildu gátu látið
skoða hjólin sín.
Að auki var boðið upp á listsýn-
ingar, tónleika, Go-kart, andlits-
málun, kaffihús, frítt í golfhermi,
pútt og snóker, söngkvöld skáta,
skákmót og margt fleira.
Í tilefni helgarinnar voru jafn-
framt tilboð hjá verslunum og
veitingahúsum.
Að sögn Gísla Jóhannssonar var
reynt að ná til sem flestra þessa
helgi og kynna fjölbreytt tóm-
stundastarf sem fer fram í bæjar-
félaginu. „Íbúar virðast kunna að
meta framtakið og er stefnt að
því að halda slíka helgi að ári
liðnu. Við viljum hvetja þá sem
höfðu ekki tækifæri á að vera
með að hefja undirbúning að
næstu Frístundahelgi að ári en
það hefur sýnt sig að hún er kjör-
in vettvangur fyrir klúbba og fé-
lög að kynna og efla sína starf-
semi.
6 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
➤ Frístundahelgin í Reykjanesbæ:
Kallinn
á kassanum
NÚ RÍFAST minnihlutinn og meirihlutinn í
bæjarstjórn Reykjanesbæjar um það hvort
sent hafi verið formleg beiðni til utanríkis-
ráðherra þar sem óskað væri eftir fundi
bæjarstjórnar og ráðherra. Kallinn las í Vík-
urfréttum fyrir stuttu að utanríkisráðherra
hafi ekki fengið nein boð og að ritarinn
hans hefði ekki fundið nein slík skilaboð
eða erindi. Spurningin er hvert erindið hafi
verið sent - eða var eitthvað erindi sent yfir
höfuð?
UPPSAGNARBRÉFIN streyma út frá
starfsmannahaldi Varnarliðsins þessa dag-
ana. Kallinn þekkir töluvert af starfsfólki á
vellinum og þar er mórallinn ekki góður.
Fólk einfaldlega er farið að segja upp störf-
um - því það er hrætt við að vera sagt upp
og andinn meðal starfsmanna er hreint út
sagt hrikalegur samkvæmt því sem Kallinn
heyrir.
ÞAÐ ER EINFALDLEGA krafa Suðurnesja-
manna að forsætis- og utanríkisráðherra
leggi leið sína í Reykjanesbæ, setjist niður
með bæjarstjórnum Suðurnesja og fari yfir
málin. Það er ekki bara hægt að sitja á
hægindastólum, hvort sem það er á bæj-
arskrifstofum Reykjanesbæjar, í forsætis-
ráðuneytinu eða utanríkisráðuneytinu.
EINS OG KALLINN hefur ítrekað bent á
eru stjórnmálamennirnir kosnir af fólkinu
og það er krafa kjósenda hér á Suðurnesj-
um að þessir menn sem kosnir voru af
fólkinu - vinni fyrir fólkið. Það er ekki hægt
að horfa lengur á uppsagnir íslenskra
starfsmanna hjá varnarliðinu án þess að
nokkuð sé gert. Það er verið að segja upp
fólki sem á fjölskyldur. Kallinn skorar á alla
aðila að setjast niður, ræða málin og gera
eitthvað!
Handverkssýning eldriborgara var einn liður íFrístundahelgi Reykja-
nesbæjar. Glæsileg sýning þar
sem yfir níutíu manns sýndu
verk sýn. Sýningin var form-
lega oppnuð sunnudaginn 16.
maí, af Valgerði Guðmunds-
dóttur menningarfulltrúa
Reykjanesbæjar, síðan léku og
sungu fimm konur frá Sinfón-
íuhljómsveit Íslands og boðið
var upp á léttar veitingar. Sýn-
ingin var síðan opin í viku þar
sem boðið var upp á kaffi og
meðlæti og ýmsar uppákomur
svo sem lifandi tónlist, upplest-
ur og söng. Um 540 manns
komu og skoðuðu sýninguna,
sem þótti takast mjög vel.
Fjölbreytileiki á Frístundahelgi
Glæsilegt
handverk
22. tbl. 2004 leidr 26.5.2004 14:00 Page 6