Víkurfréttir - 27.05.2004, Blaðsíða 38
22 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
sportið
Keflvíkingar unnu á uppstigningar-dag sannfæ randi og verðskuldaðanheimasigur á meistaraliði KR, 3-1.
KR-ingar byrjuðu af krafti og skoruðu fyrsta
mark leiksins eftir rúmlega tveggja mínútna
leik og var Arnar Gunnlaugsson þar á ferð-
inni. Eftir mark gestanna tóku Keflvíkingar
öll völd á vellinum og brutu loks ísinn þegar
Stefán Gíslason skoraði á 24. min eftir horn-
spyrnu og mikinn hamagang í vítateignum. Á
60. mín komust Keflvíkingar loks yfir þegar
Scott Ramsey skoraði frábært mark úr auka-
spyrnu af rúmlega 25m færi. Ramsey var í
fantaformi í leiknum og kemur óvenju vel
undan vetri. Eftir markið var allur vindur úr
KR og yfirburðir heimamanna algjörir og
Hörður Sveinsson gerði endanlega út um
leikinn við lok venjulegs leiktíma.
Þjálfari Keflavíkur, Milan Stefán Jankovic,
var í skýjunum eftir leikinn, enda hafði hann
horft upp á sína menn spila ótrúlega skemmti-
legan fótbolta og leggja Íslandsmeistarana.
„Þetta var einn af okkar allra bestu leikjum.
Við vorum betri út um allan völlinn, fyrir
utan fyrstu tvær mínúturnar. Við sýndum bar-
áttu og spil og strákarnir sýndu að þeir voru
hungraðir. Maður er bara stoltur af því að
hafa svona leikmenn í liðinu.“
Keflavík er á toppi deildarinnar eftir tvo leiki
og Milan sagðist kunna vel við sig þar. „Við
ætlum að halda áfram þar og gera okkar
besta.“
KEFLAVÍK Á TOPPI ÚRVALSDEILDAR
Keflavík mætir FH
Keflvíkingar halda til Hafnar-
fjarðar á morgun þar sem þeir
mæta FH. Hafnfirðingar eru með
firnagott lið og eru til alls líklegir
á leiktíðinni. Keflvíkingar hafa
hins vega komið liða mest á
óvart í upphafi móts og eru með
fullt hús eftir tvo leiki.
Milan Stefán Jankovic, þjálfari
Keflvíkinga, segir að leikurinn
verði erfiður, enda eru FH með
sterkt lið. „Þeir eru með eitt besta
liðið í deildinni og hafa verið
sterkir í fyrstu leikjunum. Við
verðum ekki með Óla í markinu,
en Magnús var að leika með
okkur gegn sterkum liðum í vet-
ur og við treystum honum til
þess að standa sig vel.“
Milan segir að liðið muni spila
svipaða taktík og í síðustu leikj-
um. „Við höldum áfram með það
sem við erum búnir að vera að
gera og mætum í leikinn til að
gera okkar besta og berjast.“
Óli Gottskálks
ekki með á morgun
Ólafur Gottskálksson mun ekki
leika með Keflvíkingum gegn
FH á morgun. Ólafur fékk hast-
arlega sýkingu í olnboga og ligg-
ur á sjúkrahúsi með háan hita.
Í samtali við Víkurfréttir sagði
Milan Stefán Jankovic að Ólafur
yrði ekki leikfær í nokkurn tíma,
en þeir hefðu fullt traust á Magn-
úsi Þormar til að fylla í skarðið.
Grindvíkingar
ná í dýrmætt stig
Grindvíkingar gerðu markalaust
jafntefli við ÍA á Akranesvelli í
frekar tilþrifalitlum leik á
fimmtudaginn. Ekki var mikið
um marktækifæri, en Grindvík-
ingar léku góða vörn og héldu
vel aftur af Skagamönnum. Þá
átti Albert Sævarsson fínan leik
og var öruggur á milli stanganna.
„Þetta var baráttuleikur, en við
reyndum að spila góðan fótbolta.
Við létum boltann ganga og náð-
um í dýrmætt stig sem gefur
okkur meira sjálfstraust.“
22. tbl. 2004 leidr 26.5.2004 15:26 Page 22