Víkurfréttir - 27.05.2004, Blaðsíða 18
2
Sigríður er fædd og uppalin í Reykjavík. Hún
er elst þriggja barna Bryndísar Jónsdóttur og
Snæbjarnar Jónassonar fyrrverandi vegamála-
stjóra. Hún er gift Sigurði Guðmundssyni
landlækni og eiga þau þrjú uppkomin börn og
fjögur barnabörn. Sigríður er stúdent frá MR
1968, hún lauk prófi frá Hjúkrunarskóla Ís-
lands og síðan námi í svæfingahjúkrun frá
Landakotsspítala og vann við svæfingar þar til
hún flutti til Bandaríkjanna árið 1978 ásamt
manni sínum og börnum. Hún hóf þá nám við
háskólann í Wisconsin, Madison, og lauk þar
BS prófi í hjúkrunarfræði og síðar MS prófi í
stjórnun frá sama háskóla. Eftir 7 ára dvöl í
Bandaríkjunum flutti fjölskyldan aftur heim til
Íslands. Sigríður hóf fljótlega störf á Landspít-
alanum sem hjúkrunarframkvæmdastjóri og
varð síðan hjúkrunarforstjóri árið 1988 á Borg-
arspítalanum og síðar Sjúkrahúsi Reykjavíkur
til ársins 2000. Hún tók við starfi fram-
kvæmdastjóra Heyrnar- og talmeinastöðvar Ís-
lands árið 2001 og starfaði þar uns hún tók við
starfi framkvæmdastjóra Heilbrigðisstofnunar
Suðurnesja 1. desember 2002. Sigríður hefur
verið virk bæði í félagslífi og starfað innan ým-
issa samtaka sem tengjast heilbrigðismálum
og heilbrigðisþjónustu, hún hefur aflað sér
fræðslu og símenntunar bæði hérlendis og er-
lendis. Hún hefur sinnt kennslu í stjórnun og
rekstri til margra ára og setið í fjölda nefnda
og ráða. Hún er nú fulltrúi menntamálaráðu-
neytisins í háskólaráði Tækniháskóla Íslands.
Fyrsta árið í starfi á HSS
Sigríður segir að á sínu fyrsta ári við Heilbrigð-
isstofnun Suðurnesja hafi skipst á skin og
skúrir og að mörgu leyti verið erfitt, en að það
hafi unnist sætir sigrar. Sigríður segir það
mikilvægt að það sé efst í huga starfsmanna
stofnunarinnar að vinna fyrir fólkið. „HSS er
stofnun sem veitir heilbrigðisþjónustu. Starfs-
fólkið er þar fyrir fólkið í byggðarlaginu. Það er
mjög mikilvægt að starfsfólk á HSS, sama við
hvað það starfar, átti sig á því. Ég vil að þeir
sem sækja þjónustu til okkar finni sig vel-
komna og finni fyrir því öryggi og þeirri hlýju
sem allir sem leita eftir heilbrigðisþjónustu
eiga rétt á,“ segir Sigríður.
Uppbygging til framtíðar hafin
Að sögn Sigríðar var tímasetningin erfið þegar
hún tók við framkvæmdastjórastarfinu en
heilsugæslulæknar sögðu upp starfi sínu mán-
uði áður en Sigríður tók til starfa. „Mér fannst
oft gleymast sá stóri hópur afar duglegs
starfsfólks sem vann mikið og gott starf oft
undir ómaklegri gagnrýni. Ég kynntist því fyrst
aðstæðum með því að „stinga mér til sunds í
djúpu lauginni“. Ekki var um annað að ræða
en að bretta upp ermar og gera sitt besta við
þessar aðstæður. Ég þurfti að afla mér upp-
lýsinga hratt og kynntist því mörgu starfsfólki
náið á stuttum tíma,“ segir Sigríður og bætir
við. „Ég dáist enn að úthaldi og ósérhlífni
starfsfólks HSS þessa fyrstu mánuði mína í
starfi. En því er nú oft þannig farið að þegar
erfiðleikarnir steðja að, þá eru tækifærin líka til
staðar. Við urðum að velta upp nýjum hug-
myndum, finna leiðir til að starfsfólk nýttist
sem best og fara yfir verklag og vinnubrögð.
Það var mjög gagnlegt og mun nýtast okkur til
framtíðar. Öryggi sjúklinga var aldrei ógnað.
Þegar ég lít til baka yfir þetta fyrsta ár mitt í
starfi á HSS finnst mér við hafa náð að stöðva
þá óheillaþróun sem vissulega var raunveruleg
fyrstu mánuði s.l. árs og uppbygging til fram-
tíðar er hafin.“
Starfsfólkið á HSS
„Ég er í eðli mínu teymisvinnumanneskja, mér
finnst mjög gaman að sjá góða hluti gerast,
hvort sem það er bætt þjónusta, betri vinnuað-
staða eða að sjá starfsfólk þroskast í starfi,“
segir Sigríður en mikil vinna hefur verið lögð í
að mynda liðsheild meðal stjórnenda. „Við
erum ekki komin á leiðarenda, en við erum
lögð af stað. Ég vil að fólk fái að njóta sín fyrir
það sem það gerir vel, en það er líka nauðsyn-
legt að leiðbeina þeim sem á þurfa að halda.
Ég vil gjarnan að ákvörðunarvaldið sé sem
næst sjúklingum, það er okkar vettvangur og
um leið gera starfsfólk ábyrgt fyrir gjörðum
sínum. Það hefur verið mjög lærdómsríkt að
kynnast því hæfa fólki sem vinnur á HSS og ég
fullyrði að þarna vinnur fólk sem er almennt
mjög vel treystandi fyrir því ábyrgðarmikla
starfi sem það gegnir. En mannaskipti í röðum
stjórnenda eru erfið fyrir starfsfólk og enginn
er allra, ég geri mér grein fyrir því. En ef við
eigum að geta sinnt hlutverki okkar vel, verð-
um við að mynda hóp sem vinnur heilshugar
að settu marki.“
Munur á vinnuaðstöðu á Suðurnesjum
og í höfuðborginni
Fyrsta verkefni Sigríðar þegar hún tók við
framkvæmdastjórastöðunni var að kynnast
starfsfólkinu og skapa traust. Sigríður segir að
það hafi gengið vel og að hún hafi lagt sig
fram við að skilja þær aðstæður sem ríkt hafi á
stofnuninni, sem hafa ekki alltaf verið auð-
veldar. „Ég tók við á erfiðum tíma og sumir
voru ósáttir og óöruggir. Ég vona að flestir séu
nú tilbúnir til þess að horfa til framtíðar og
vinna að því að bæta þjónustu við sjúklinga
með því að styrkja og efla starfsemi stofnun-
Fyrir um einu og hálfu ári tók Sig-ríður Snæbjörnsdóttir við fram-kvæmdastjórastöðu Heilbrigðis-
stofnunar Suðurnesja. Þegar hún kom til
starfa höfðu allir heilsugæslulæknarnir
sagt upp störfum og ástandið á stofnun-
inni var mjög erfitt. Þennan tíma segir
Sigríður hafa verið mjög erfiðan en að nú
sé búið að leysa bráðasta vandann. Sig-
ríður segir framtíð HSS bjarta.
Dáist að úthaldi og ósérhlífni starfsfólks HSS
Sigríður Snæbjörnsdóttir, framkvæmdastjóri Heilbrigðisstofnunar Suðurnesja
HSSpósturinn
Útgefandi:
Heilbrigðisstofnun Suðurnesja
Umsjón með útgáfu:
Auglýsingastofa Víkurfrétta
Textar og viðtöl:
Jóhannes Kr. Kristjánsson
Ljósmyndir:
Jóhannes Kr. Kristjánsson
Oddgeir Karlsson
og fleiri.
Prentun:
Prentsmiðjan Oddi hf.
Sigríður ásamt eiginmanni sínum
Sigurði Guðmundssyni landlækni á
Hverfjalli. Mývatn sést í baksýn.
Sigríður með tveimur yngstu
barnabörnunum.
HSS posturinn PDF 25.5.2004 23:00 Page 2