Morgunblaðið - 02.12.2017, Blaðsíða 22

22 FRÉTTIRInnlent
MORGUNBLAÐIÐ LAUGARDAGUR 2. DESEMBER 2017
Ágúst Ingi Jónsson
aij@mbl.is
Landvörður stóð vaktina í fyrsta
skipti við Helgustaðanámu utan við
Eskifjörð síðasta sumar og hafði
Lára Björns-
dóttir embættið
með höndum.
Hún er ekki í
vafa um að nær-
vera hennar hafi
dregið úr því að
ferðafólk ylli
skemmdum á
silfurbergsæðinni
í námunni og
hefði flísar eða
hnullunga úr silf-
urbergi á brott með sér, sem er al-
gerlega bannað.
Nokkrum sinnum hitti hún fólk
sem hafði silfurberg í fórum sínum.
„Ég stóð fólk helst að verki ef ég
kom óvænt og þá utan reglulegs
vinnutíma. Meðan ég var á staðnum
virtist vera allt í lagi, en þá getur
maður líka upplýst fólk og fylgt því
eftir. Ferðamenn kunna sannarlega
að meta silfurbergið í námunni, en
það er miður að margir þeirra vilja
helst hafa mola með sér,“ segir
Lára.
Hún segir að náman hafi látið
mikið á sjá á síðustu árum, en
svæðið er á rauðum lista Umhverf-
isstofnunar. Lára vonast til að girð-
ing sem samþykkt hefur verið að
setja upp innan námunnar og við-
vera landvarðar dragi úr skemmd-
um. Einnig þurfi að setja upp fleiri
upplýsingaskilti og er unnið að því,
en Umhverfisstofnun og Fjarða-
byggð hafa verið í góðu samstarfi
við Helgustaðanámu síðustu ár. Bú-
ið er að koma þar upp salernis-
aðstöðu, göngustígum og bílaplani
þaðan sem er innan við 10 mínútna
gangur að námunni.
Margvísleg ummerki
„Þó ég hafi ekki staðið marga að
verki þá sá ég mjög oft ummerki
um að flísað hefði verið úr æðinni.
Sömuleiðis var greinilegt að fólk
hafði verið að príla upp í silfur-
bergsæðina í 3-4 metra hæð í gömlu
námunni. Það má glöggt sjá að búið
er að taka mikið úr æðinni og eins í
göngum fyrir neðan hana þar sem
fólk hefur tekið steina á jörðinni og
mulið niður til að ná sem tærustum
molum. Sumir sem ég stóð að verki
voru skömmustulegir, en aðrir báru
fyrir sig vanþekkingu og skort á
upplýsingum,“ segir Lára.
Hún segir að fjöldi ferðamanna
leggi leið sína að námunni. Lang-
flestir þeirra komi á einkabílum og
þeir sem hún stóð að verki hafi í öll-
um tilvikum verið erlendir ferða-
menn.
Með fleiri verkefni
Lára er ráðin til áramóta, en veit
ekki hvað þá tekur við þar sem ekki
hefur verið tekin ákvörðun um
framhald landvörslu við námuna.
Verkefni séu næg, m.a. við undir-
búning á störfum sjálfboðahópa
sem koma þangað árlega og skipu-
lag á starfseminni. Á könnu land-
varðarins er einnig varsla í frið-
landinu í Hólmanesi og
fólkvanginum í Norðfirði. Þá eru
ýmis tilfallandi verkefni á fjörð-
unum á vegum Umhverfisstofn-
unar, en landverðir eru starfsmenn
hennar.
Lára segir bagalegt ef ekki sé
samfella í starfi landvarða og slíkt
dragi úr möguleikum á að fá reynt
fólk í starfið.
„Stóð fólk helst að
verki ef ég kom óvænt“
 Ekki í vafa um árangur af landvörslu við Helgustaðanámu
 Miður að margir vilja hafa mola af silfurbergi með sér
Ljósmynd/Lára Björnsdóttir
Skemmdir Stöpullinn fyrir utan göngin er gjarnan notaður til að mylja
silfurbergið svo ná megi tærum molum. Náman hefur látið mikið á sjá.
Lára
Björnsdóttir Félagið Ísland-Palestína minntist
30 ára afmælis síns með samkomu á
miðvikudaginn. Hana sóttu um 80
manns að sögn Einars Steins Val-
garðssonar, stjórnarmanns í félag-
inu. Heiðursgestir voru Wajih
Tmeizi frá Palestínu og Nir Oren
frá Ísrael, fulltrúar friðarsamtak-
anna The Parents Circle – Families
Forum.
Afmælisdagurinn 29. nóvember
er alþjóðlegur samstöðudagur
Sameinuðu þjóðanna með rétt-
indabaráttu palestínsku þjóð-
arinnar. Félagið Ísland-Palestína
var stofnað þann dag árið 1987.
Markmið þess er að stuðla að já-
kvæðum viðhorfum til ísraelsku og
palestínsku þjóðanna og vinna gegn
hvers kyns aðskilnaðarstefnu. Fé-
lagið hefur stutt baráttu Palest-
ínumanna gegn hernámi og rétt
flóttafólks til að snúa heim.
Félagið hefur á liðnum árum
staðið fyrir heimsóknum Palest-
ínumanna hingað til lands í því
skyni að kynna málstað þeirra. Á
síðustu árum hefur meginþungi í
starfi félagsins snúið að hjálp-
arstarfi á herteknu svæðunum.
Annars vegar hefur verið í gangi
neyðarsöfnun frá haustinu 2000 til
að styrkja hjálparstarf og hins veg-
ar hefur félagið undirbúið og styrkt
ferðir sjálfboðaliða sem hafa flestir
farið til hjálparstarfa á vegum Pal-
estínsku læknishjálparnefndanna
(UPMRC) en þau samtök unnu til
viðurkenningar WHO, alþjóða heil-
brigðismálastofnunarinnar árið
2002 fyrir framlag til heilsugæslu
við erfiðar aðstæður.
Morgunblaðið/Kristinn Magnússon
Afmæli Sveinn Rúnar Hauksson ávarpar afmælissamkomuna.
Vinna gegn að-
skilnaðarstefnu
 Félagið Ísland-Palestína 30 ára
Sif Gunnarsdóttir hefur verið ráðin
skrifstofustjóri menningarmála hjá
Menningar- og ferðamálasviði
Reykjavíkurborgar. Sif hefur stýrt
Norræna húsinu í Færeyjum und-
anfarin ár en húsið er stærsta menn-
ingarstofnun Færeyja og sinnir öll-
um tegundum lista og menningar.
Alls bárust 54 umsóknir um starf
skrifstofustjóra en umsóknarfrestur
rann út 19. nóvember.
Sif er með meistaragráðu í menn-
ingarmiðlun frá Háskólanum í Óð-
insvéum, B.A. í danskri tungu og
bókmenntun og diplómanám í
rekstrarhagfræði. Hún var for-
stöðumaður Höfuðborgarstofu á ár-
unum 2007 til 2013.
Skrifstofustjóri menningarmála
hjá Menningar- og ferðamálasviði
annast almenna stjórnsýslu á vett-
vangi menningar-
mála. Skrif-
stofustjóri
ritstýrir auk þess
starfsáætlun
sviðsins og held-
ur utan um mót-
un menning-
arstefnu,
uppfærslu að-
gerðaáætlunar og
árangursmat sviðsins í menningar-
málum.
Frá og með áramótum stýrir
skrifstofustjóri einnig viðburða-
teymi Menningar- og ferðamálasviðs
sem sér um Vetrarhátíð í Reykjavík,
Barnamenningarhátíð, 17. júní,
Menningarnótt og aðventuhátíð.
Sif Gunnarsdóttir hefur störf á
næsta ári. sisi@mbl.is
Sif stýrir menningar-
málum hjá borginni
Sif Gunnarsdóttir
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Nánar á www.BILO.is
Ford Transit
Double Cab 350
- Nýir bílar
hendingar strax
Verð frá4.290.000+vsk