Morgunblaðið - 10.01.2018, Qupperneq 6

6 FRÉTTIRInnlent
MORGUNBLAÐIÐ MIÐVIKUDAGUR 10. JANÚAR 2018
ÆvintýraheimurKína
sp
ör
eh
f.
Fararstjóri: Inga Ragnarsdóttir
Í þessari draumaferð um Kína skoðum við allt það sem landið
er frægast fyrir á tveimur vikum.Terrakotta herinn, Shanghai
og Peking,Torg hins himneska friðar, Forboðnu borgina og
förum í siglingu um Yangtze. Ásamt því munum við kynnast
matarhefðum og menningu á skemmtilegan hátt.
7. - 21. september
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Allir velkomnir á kynningarfund 10. janúar kl. 20:00
hjá Bændaferðum í Síðumúla 2, 2. hæð.
Magnús Heimir Jónasson
mhj@mbl.is
Vefsíðan www.esta.is býður Íslend-
ingum aðstoð við að fylla út vega-
bréfsáritanir fyrir ferðalög til
Bandaríkjanna og innheimtir 88
bandaríkjadali í þjónustugjöld fyrir.
Um er að ræða 9.200 kr. í gjöld
samkvæmt gengi gærdagsins. Síðan
er með íslenskt lén en eigandi síð-
urnar er skráður í Bretlandi. Þegar
umsóknarferlið hefst færist um-
sækjandi til Bandaríkjanna á lénið
www.evisaonline.com. Að sögn
bandaríska sendiráðsins á Íslandi
eru til fleiri slíkar síður og er þjón-
ustan í raun óþarfi þar sem vefsíðan
innheimtir gjald fyrir að senda um-
sóknir áfram á bandaríska landa-
mæraeftirlitið.
„Þetta er tæknilega séð ekki
ólöglegt. Þeir eru bara að fylla út
formið fyrir þína hönd sem þú getur
gert sjálfur og rukka þig fyrir það.
Það er einfaldara fyrir Íslendinga
að skrá sig bara sjálfir á heimasíðu
landamæraeftirlits Bandaríkjanna á
cbp.gov. Það er alltaf gott að muna
að ef lénið endar ekki á .gov þá er
það ekki bandaríska ríkið,“ segir
Kristinn Gilsdorf, fjölmiðlafulltrúi
bandaríska sendiráðsins en almennt
gjald fyrir vegabréfáritun er 14 dal-
ir, eða um 1.400 kr. Kristinn bendir
á að erfitt getur verið að laga villur
sem kunna að koma upp við um-
sóknarferlið á slíkum vefsíðum.
„Vandamálið er auðvitað að þú sem
umsækjandi berð ábyrgð á þeim
upplýsingum sem eru settar inn fyr-
ir þína hönd. Við höfum orðið vör
við fólk sem hefur farið í gegnum
þessar síður og upplýsingar hafa
verið settar vitlaust inn. Það er ekki
hægt að leiðrétta þetta eftir á og þá
þarf að sækja um visa í hvert
skipti“.
Rukka fyrir óþarfa þjónustu
 Erlend síða innheimtir um 9.200 kr. fyrir vegabréfsáritanir til Bandaríkjanna
Morgunblaðið/Golli
Vegabréf Áritun getur verið dýr.
Icelandair hefur
ákveðið að hefja
flug til banda-
rísku borgar-
innar Kansas
City í maí. Borg-
in er 21. áfanga-
staðurinn í Norð-
ur-Ameríku sem
Icelandair býður
upp á í leiðakerfi
sínu. Flogið verð-
ur þrisvar í viku frá 25. maí til sept-
emberloka. Sala farseðla er þegar
hafin.
„Kansas City-flugvöllur er sá
stærsti í Bandaríkjunum þar sem
ekkert beint flug til Evrópu er í
boði. Með nágrannaborgum er
íbúafjöldi svæðisins um 5 milljónir
og Icelandair því að opna stóran
spennandi markað fyrir íslenska
ferðaþjónustu og styrkja tengiflug
félagsins til og frá Evrópu,“ er haft
eftir Björgólfi Jóhannssyni, for-
stjóra Icelandair, í tilkynningu frá
félaginu.
Kansas City er í miðjum Banda-
ríkjunum á mörkum ríkjanna Kan-
sas og Missouri á sléttunum miklu.
Saga borgarinnar tengist gjarnan
villta vestrinu og amerískri menn-
ingu. Hún var heimabær útlagans
Jessie James, þar teiknaði Walt
Disney fyrst Mikka mús á náms-
árum sínum og Count Basie kynnti
„swing“ tónlist fyrst í fjölmörgum
djassklúbbum borgarinnar.
Beint flug Ice-
landair til Kansas
City hefst í vor
Icelandair Nýr
áfangstaður í vor.
Baldur Arnarson
baldura@mbl.is
Gunnar Svavarsson, framkvæmda-
stjóri Nýs Landspítala ohf. (NLSH),
segir það ekki rétt sem fram kom í
Morgunblaðinu í gær að spítala-
svæðið hefði verið stækkað.
Vísar hann þar til fréttar á forsíðu.
Sagði þar að áformað væri að bæta
þremur stórhýsum við fyrirhugað
svæði Nýs Landspítala. Um væri að
ræða 15 þúsund fermetra randbyggð.
Þá var vitnað í kynningargögn á vef
Nýs Landspítala þar sem sagði að
gert væri ráð fyrir vörumóttöku vest-
an við meðferðarkjarnann. Á lóðinni
væri mögulegt að stækka meðferð-
arkjarnann til vesturs. „Samkvæmt
teikningu ASK arkitekta, sem birt er
í Morgunblaðinu í dag, hafa verið
gerð drög að byggingu á umræddri
lóð. Hún verður á móti áformaðri
samgöngumiðstöð,“ sagði orðrétt í
fréttinni í blaðinu í gær.
Gunnar segir misskilnings gæta í
þessari framsetningu.
Bæði randbyggðin og stækkun
meðferðarkjarnans til vesturs hafi
verið inni á samþykktu deiliskipulagi
frá 2013. Því sé hvorki um að ræða
viðbót né stækkun. Að því leyti sé
fyrirsögn greinarinnar, Nýtt spítala-
svæði stækkar, villandi.
Úthlutað til Vísindagarða
„Það sem hefur gerst er að lóðum
syðst á svæði deiliskipulagsins, sem
eru ekki inni á lóð Landspítala og Há-
skóla Íslands, var úthlutað til Vís-
indagarða Háskóla Íslands til frekari
þróunar og úthlutunar,“ segir Gunn-
ar og vísar til randbyggðar.
Hann bendir svo á að áætlanir um
uppbyggingu 1. áfanga í Hring-
brautarverkefninu taki ekki á öllum
húsum í deiliskipulaginu. Engum
nýjum húsum hafi verið bætt við.
Spurður hvenær skóflustunga
verður tekin að meðferðarkjarnanum
segir Gunnar það verða gert næsta
sumar með fyrirvara um fjár- og
framkvæmdaheimildir. Hvað varðar
fyrirhugað rannsóknarhús annars
vegar og skrifstofu- og tæknihús hins
vegar segir Gunnar að skóflustunga
að þeim verði tekin á árunum 2019-
2021 með fyrirvara um fjár- og fram-
kvæmdaheimildir.
Síðari áfangi ekki tímasettur
Hvað varðar framkvæmdir við
byggingu vestan við meðferðarkjarn-
ann segir Gunnar þær ráðgerðar í
síðari áfanga, sem væri ótímasettur.
Þær væru ekki hluti af 1. áfanga
verkefnisins sem gildi til 2023.
Haft var eftir Eiríki Hilmarssyni,
framkvæmdastjóra Vísindagarða
Háskóla Íslands, í Morgunblaðinu í
gær að hugmyndir væru um að
hægja á umferð við Hringbraut. Þá
m.a. vegna fyrirhugaðrar uppbygg-
ingar.
Gunnar segir þessar hugmyndir
ekki hafa verið til umræðu við gerð
deiliskipulagsins 2013. Öll forysta í
umferðarmálum á Hringbraut sé á
hendi Reykjavíkurborgar og Vega-
gerðarinnar.
Skóflustunga tekin að
nýjum spítala í sumar
 Fulltrúi Nýs Landspítala segir engin hús hafa bæst við
Teikning/Corpus3
Drög Nýr meðferðarkjarni.
Magnús Heimir Jónasson
mhj@mbl.is
Djarfur dílaskarfur réðst ekki á
garðinn þar sem hann er lægstur og
nældi sér í ál við höfnina í Höfn í
Hornafirði. Brynjúlfur Brynjólfsson,
sem er í forsvari fyrir Fuglaathug-
unarstöð Suðausturlands, náði yfir
100 myndum af baráttu dílaskarfs-
ins við álinn, en atvikið átti sér stað
um tíuleytið á nýársdag.
Brynjúlfur segir ljóst að baráttan
við álinn hafi staðið í einhverja
stund áður en hann kom þar að,
enda virtist állinn þreyttur. „Þetta
er vegleg fyrsta máltið ársins hjá
skarfinum. Ég hélt fyrst að hann
væri með silung þegar ég sá hann.
Ég sá bara langan fisk, aðeins app-
elsínugulur og brúnleitur blær á
honum. Mér datt í hug einhver
bleikja en svo var hann svolítið
stærri og lengri. Hann hefur vænt-
anlega verið búinn að djöflast í hon-
um og þreyta hann þarna,“ segir
Brynjúlfur í samtali við Morg-
unblaðið. Fuglaathugunarstöð Suð-
austurlands vinnur við merkingar
og rannsóknir á fuglum á Íslandi og
er ein sinnar tegundar hérlendis.
Myndband af atvikinu má nálgast á
fésbókarsíðu stöðvarinnar.
Háll áll í dögurð við höfnina
Ljósmynd/Brynjúlfur Brynjólfsson
Kirkjuráð hefur gert samkomulag
við fráfarandi vígslubiskup í Skál-
holti, Kristján Val Ingólfsson, um
að sinna ákveðnum verkefnum þar
til nýr vígslubiskup tekur við, að
sögn Agnesar M. Sigurðardóttur,
biskups Íslands.
Nýjar kosningar um embætti
vígslubiskups í Skálholti hefjast
með rafrænu forvali frá hádegi 2.
febrúar til hádegis 7. febrúar.
Kosningin sjálf fer fram með póst-
kosningu dagana 9. mars til og með
21 mars. ge@mbl.is
Kristján Valur sinnir
verkefnum þar til
nýr biskup tekur við