Morgunblaðið - 23.01.2018, Blaðsíða 6
6 FRÉTTIRInnlent
MORGUNBLAÐIÐ ÞRIÐJUDAGUR 23. JANÚAR 2018
Erna Ýr Öldudóttir
ernayr@mbl.is
Brugghúsið The Brothers Brewery,
er starfrækt í Vestmannaeyjum og
framleiðir þorrabjórinn 23.01.73.
Hann fór í almenna sölu hjá Vínbúð-
um ÁTVR sl. fimmtudag en seldist
upp daginn eftir.
„The Brothers Brewery er
handverksbrugghús sem var opnað
16. mars í fyrra með því að opna öl-
stofu í Vestmannaeyjum, en við
fengum framleiðsluleyfið árið á und-
an. Með framleiðslu á 23.01.73 erum
við að heiðra fólkið sem tók slaginn í
Vestmannaeyjum og flutti aftur
heim,“ segir Jóhann Guðmundsson,
einn eigenda brugghússins og upp-
skriftameistari.
„Þetta er dökkt öl (e. Dark Ale),
vel humlað og 6%, svart að lit, það er
ristað og reykbragð af því og á að
minna á öskuna og myrkrið í gosinu.
Við höfum framleitt þennan bjór frá
upphafi, en í byrjun vorum við að-
eins að framleiða 50 lítra í einu, árs-
tíðabundið og fyrir ölstofuna okkar.
En nú erum við með tæki til að
framleiða 500 lítra og ákváðum að
prófa að setja 23.01.73 í almenna
sölu í tilefni þess að 45 eru liðin frá
upphafi gossins í Heimaey. Við von-
uðumst reyndar til að hann mundi
endast a.m.k. fram á 23. janúar, en
hann er bara búinn,“ segir Jóhann
og hlær við, en segir að bjórinn muni
þó fást á krana á The Brothers Bre-
wery ölstofunni í Vestmannaeyjum.
Við eftirgrennslan blaðamanns
á vef Vínbúðar ÁTVR fannst ein
flaska af 23.01.73 í versluninni í
Kringlunni og ein í Skeifunni.
Ölið frá Vestmannaeyjum
23.01.73 uppselt í Ríkinu
Ljósmynd/The Brothers Brewery
Uppseldur Þorrabjórinn 23.01.73.
Fæst á krana í
Vestmannaeyjum
Agnes Bragadóttir
agnes@mbl.is
Sigríður Á. Andersen dómsmála-
ráðherra segir að gögn þau sem
Stundin fjallaði um í gær, um sam-
skipti við starfsfólk í ráðuneytinu í
aðdragandanum að því að Sigríður
gerði fjórar breytingar á tillögum
um dómara við
Landsrétt í lok
maí, hafi einvörð-
ungu verið send
til eftirlits- og
stjórnskipunar-
nefndar Alþingis.
Engir aðrir hafi
séð gögnin, enda
um vinnuplögg að
ræða.
„Ég ætla ekki
að tjá mig sér-
staklega um umfjöllun Stundar-
innar, að öðru leyti en því, að í henni
kemur ekkert nýtt fram,“ sagði
dómsmálaráðherra í samtali við
Morgunblaðið í gær.
„Stjórnskipunar- og eftirlitsnefnd
er með til umræðu þessi mál öll.
Nefndin óskaði eftir gögnum frá
dómsmálaráðuneytinu, sem voru
send til nefndarinnar. Þar var
reyndar um vinnugögn að ræða, sem
aldrei voru ætluð til opinberrar birt-
ingar,“ sagði Sigríður.
Hún kveðst vona að umfjöllun
stjórnskipunar- og eftirlitsnefndar
muni auðga umræðuna um þessi
mál. Hún sé mjög áfram um það að
nefndin fjalli um fyrirkomulagið við
skipan í dómaraembætti, störf hæfn-
isnefndar.
Aðspurð hvort hún teldi að ein-
hver nefndarmanna stjórnskipunar-
og eftirlitsnefndar hefði lekið gögn-
unum til Stundarinnar, sagði Sigríð-
ur: „Ég ætla ekkert að fullyrða neitt
um það, en get þó sagt það að gögnin
voru bara send stjórnskipunar- og
eftirlitsnefnd. Við höfum engum öðr-
um sent gögnin, enda eru gögnin
þess eðlis að við hefðum ekki veitt
aðgang að þeim.“
Sigríður var spurð hvort það væri
ekki óþægilegt fyrir hana að hún
skyldi hafa fengið samskonar lög-
fræðiráðgjöf frá ráðuneytisstarfs-
mönnum og var rökstuðningur
Hæstaréttar fyrir því að hún hefði
ekki farið að lögum: „Nei, það er
ekkert óþægilegt. Þetta eru allt
sjónarmið sem voru komin fram fyr-
ir löngu. Ég ræddi þessi sjónarmið
við stjórnskipunar- og eftirlitsnefnd
síðasta sumar á Alþingi. Þau sjónar-
mið komu frá starfsmönnum hæfnis-
nefndarinnar. Ég ræddi þessi
sjónarmið líka við sérfræðinga míns
ráðuneytis og fleiri sérfræðinga,“
sagði Sigríður.
Dómsmálaráðherra sagði að lögin
gerðu ráð fyrir aðkomu Alþingis,
þegar ráðherra vill breyta tillögum
hæfnisnefndar. „Það er fordæma-
laust að ráðherra hafi aðeins tvær
vikur til þess að taka ákvörðun, en
hæfnisnefndin hafði marga mánuði.
Í því ljósi þarf auðvitað að túlka
reglurnar um rannsóknarskyldu
ráðherra. Ég lagði mat á umsókn-
irnar, m.a. út frá vinnu hæfnisnefnd-
arinnar, sem Hæstiréttur hefur úr-
skurðað óaðfinnanlega, enda taldi ég
mér rétt og skylt að nýta þá vinnu
líka,“ sagði Sigríður.
Segir ekkert
nýtt koma fram
í gögnunum
Stjórnskipunar- og eftirlitsnefnd
hafi ein fengið gögnin úr ráðuneytinu
Vöruðu ráðherra við
» Sérfræðingar í dóms- og
fjármálaráðuneytinu vöruðu
dómsmálaráðherra við því að
ef hún ætlaði að breyta lista
hæfnisnefndar þyrfti hún að
leggja sjálfstætt mat á alla
umsækjendur.
» Starfsmenn ráðuneytisins
höfðu áhyggjur af því að ráð-
herrann færi ekki að ráðum
þeirra.
Sigríður Á.
Andersen
Morgunblaðið/RAX
Landsréttur Ráðherra breytti til-
lögum hæfnisnefndarinnar.
BAKSVIÐ
Baldur Arnarson
baldura@mbl.is
Reykjavíkurborg mun innheimta 15
þúsund krónur í innviðagjald á fer-
metra í nýjum íbúðum í Furugerði
við Bústaðaveg. Gjaldið samsvarar
1,5 milljónum á hverja 100 fermetra.
Þetta kemur fram í samkomulagi
borgar og eiganda lóðarinnar Furu-
gerði 23. Segir þar að Hafsteinn Bao
Duong sé eigandi
lóðarinnar og að
félagið EA11 ehf.
sé væntanlegur
„framsalshafi lóð-
arréttinda“.
Uppbyggingin
er liður í þéttingu
byggðar. Alls 35-
37 íbúðir verða
byggðar í Furu-
gerði en þar var
lengi gróðrar-
stöðin Grænahlíð. Fram hefur komið
að innviðagjald á að standa straum af
kostnaði við innviði á þéttingarsvæð-
um í borginni. Innheimtan í Furu-
gerði veitir vísbendingu um hver
gjaldtakan verður.
Útskýrt er í samkomulaginu að
greiðslan miðast við að samþykktir
verði 3.286 fermetrar ofanjarðar í
deiliskipulagi fyrir lóðina. Greiddar
séu 15.000 kr. fyrir hvern samþykkt-
an fermetra ofanjarðar í deiliskipu-
lagi. „Framangreind fjárhæð er mið-
uð við vísitölu byggingarkostnaðar
sem gildir í nóvember 2017, sem er
135,8. Hún skal framreiknuð miðað
við þróun vísitölunnar til gjalddaga,“
segir m.a. í samkomulaginu.
Samtals um 50 milljónir
Vegna þessa skuldbindur lóðarhafi
sig til að greiða Reykjavíkurborg
49,29 milljónir „vegna hlutdeildar í
innviðakostnaði“. Þó er tekið fram að
ef byggingarmagn ofanjarðar verður
minna muni greiðslan lækka. Hún
verði þó aldrei lægri en 39,29 millj-
ónir. Hún hækkar að sama skapi ef
byggingarmagnið verður meira.
Athygli vekur að lóðarhafi skuld-
bindur sig til að selja Reykjavíkur-
borg eina íbúð í Furugerði á 39,29
milljónir. Það er sama upphæð og
innviðagjaldið verður að lágmarki, ef
byggingarmagnið minnkar. Ekki er
gert ráð fyrir að bílastæði fylgi íbúð-
inni sem skal vera 65 fermetrar auk 5
fermetra geymslu. Algengt er að
bílastæði í kjallara sé nú verðlagt á
4-5 milljónir í nýbyggingum. Jafn-
framt skulu Félagsbústaðir hafa
kauprétt á 5% íbúða og að minnsta
kosti 10% íbúða í fasteignum á lóð-
unum vera leiguíbúðir.
Íbúar í Furugerði hafa mótmælt
þessum áformum og stofnað að-
gerðahóp í því skyni.
Bætist við gatnagerðargjöld
Innviðagjaldið er misjafnlega hátt.
Það tekur mið af aðstæðum hverju
sinni. Það kemur til viðbótar hefð-
bundnum gatnagerðargjöldum.
Fram hefur komið að innviðagjald
á að mæta hluta kostnaðar við borg-
arlínu. Gjaldið á rætur í samnings-
markmiðum Reykjavíkurborgar á
nýjum uppbyggingarsvæðum sem
borgarráð samþykkti haustið 2014.
Óli Örn Eiríksson, deildarstjóri at-
vinnuþróunar hjá skrifstofu eigna-
og atvinnuþróunar borgarinnar,
segir hana hafa gert þó nokkra inn-
viðasamninga. Þumalfingursreglan
sé sú að ef verkefni hljóðar upp á
meira en þús. fermetra, eða 10 íbúð-
ir, séu forsendur fyrir innviðagjaldi.
Gjaldið taki mið af aðstæðum
hverju sinni. Stundum séu
byggingarlóðirnar við hliðina á fyrir-
hugaðri borgarlínu og stundum komi
aðilar með samfélagslega innviði til
viðbótar við samgönguinnviði.
RÚV borgaði með 40 íbúðum
„Það er að segja samfélagslega
innviði í skilningnum félagslegt hús-
næði eða leiguíbúðir. Gjaldið er því
mismunandi eftir reitum. Það var
15.000 krónur á fermetra ofanfjarðar
í Furugerði. Á RÚV-reitnum fékk
borgin hins vegar 40 íbúðir [í stað
innviðagjalds frá RÚV],“ segir Óli
Örn um viðskipti RÚV og Skugga.
Fram hefur komið að RÚV seldi
félaginu Skugga byggingarrétt á
reitnum á 2,2 milljarða. Þar verður
321 íbúð og samsvarar byggingar-
rétturinn um 7 milljónum á íbúð.
Óli Örn segir aðspurður að Skuggi
hafi að auki keypt byggingarrétt
borgarinnar að þessum 40 íbúðum og
um leið gert samning um að selja Fé-
lagsbústöðum 15 íbúðir á reitnum.
Miðað við lóðarverðið keypti
Skuggi byggingarréttinn á 240 millj-
ónir. Það dugar fyrir hluta um-
ræddra 15 félagslegra íbúða.
Óli Örn bendir á að í kynningar-
gögnum um borgarlínu fari ein línan
hjá Borgarspítalanum skammt frá.
„Furugerðið gæti því talist áhrifa-
svæði. Það koma til fleiri samfélags-
legir innviðir. Ef krökkum fjölgar
[vegna þéttingar byggðar í Furu-
gerði] þurfa þeir íþróttaaðstöðu, sem
er í þessu tilviki í Víkinni hjá Víkingi.
Starfshópur er að meta þarfir á
íþróttasvæði Víkings og mun það
væntanlega koma inn í fjárfestingar-
áætlun á næsta ári,“ segir Óli Örn.
Tölvuteikning/Arkís
Drög Hugmynd að fjölbýlishúsum á lóðinni í Furugerði 23 í Reykjavík.
Gjaldið 1,5 milljónir
á 100 fermetra íbúð
Borgin semur um innviðagjald í Furugerði við Bústaðaveg
Áformar uppbyggingu hjá knattspyrnufélaginu Víkingi
Óli Örn
Eiríksson
Með þeim lægri
» Óli Örn segir gatnagerðar-
gjöld í Reykjavík með þeim
lægri á landinu, eða um 11.500
kr. á fermetra fyrir fjölbýlishús.
» Til samanburðar sé gatna-
gerðargjald í Hafnarfirði
31.995 kr. á ferm sem sé það
hæsta sem hægt er að inn-
heimta samkvæmt lögum.
TANGARHÖFÐA 13
VÉLAVERKSTÆÐIÐ
kistufell.com
Það er um 80% ódýrara að
skipta um tímareim miðað við
þann kostnað og óþægindi
sem verða ef hún slitnar
Hver er staðan á tíma-
reiminni í bílnum þínum?
Hringdu og pantaðu
tíma í síma
577 1313