Morgunblaðið - 23.01.2018, Blaðsíða 30
30 MENNING
MORGUNBLAÐIÐ ÞRIÐJUDAGUR 23. JANÚAR 2018
Breiðumörk 1c, 810Hveragerði / www.hotelork.is / booking@hotelork.is / sími: +354 4834700 / fax: +354 4834775
Fallegt umhverfi og fjölmargir möguleikar
til afþreyingar tryggja betri fundarhlé.
Fundarfriður áHótelÖrk
ÁHótel Örk er öll aðstaða til fundahalda til fyrirmyndar. Starfsfólk okkar býr
yfir mikilli reynslu og metnaði til að aðstoða stóra og litla hópa, fyrirtæki og
félagasamtök við skipulagningu og undirbúning á fundum og ráðstefnum.
N Ý F O R M
h ú s g a g n a v e r s l u n
Strandgötu 24 | 220 Hafnarfjörður | Sími 565 4100 | nyform.is
Komið og skoðið úrvalið
laugardaga
11-15
VIGO
Fást sem 3ja sæta, 2ja sæta og stóll,
margir litir af áklæði eða leðri.
Opið virka daga
11-18
Ítalski leikstjórinn Leo Muscato
breytti endinum á óperunni Carmen
eftir Georges Bizet í uppfærslu
Maggio Musicale Fiorentino Theatre
(MMF) í Flórens til að taka afstöðu
gegn ofbeldi karla á konum. Í um-
fjöllun SBS Italian kemur fram að
breytingin hafi fallið í fremur grýtt-
an jarðveg hjá gagnrýnendum, fjöl-
miðlum, almennum áhorfendum og
listafólki þrátt fyrir að Muscato hafi
engu breytt í tónlist Bizet.
Óperan Carmen endar á því að
Don José, sturlaður af afbrýðisemi,
stingur Carmen til bana. Í uppfærslu
Muscato tekst Carmen, eftir bar-
smíðar Don José sem hyggst myrða
hana, að grípa byssu hans og skjóta
hann til bana í sjálfsvörn. Hann lifir
nógu lengi til að taka byssuna úr
höndum Carmenar og sýna lögregl-
unni þegar hún mætir á vettvang svo
Carmen er laus allra mála.
„Við komumst að þeirri niðurstöðu
að með því að breyta endi óperunnar
gætum við sett ofbeldi í garð kvenna
á Ítalíu og í heiminum öllum á dag-
skrá,“ segir Muscato, sem borist
hafa hótanir vegna ákvörðunarinnar.
Athygli vekur að stuttu eftir upp-
þotið með Carmen neitaði bandaríski
tenórinn Michael Fabiano í hlutverki
sínu sem Hertoginn af Mantúa í
Rigoletto eftir Verdi í leikstjórn Dav-
ids McVicar að nauðga kvenpersónu
verksins og reyndi fremur að tál-
draga hana. Þessi breyting hans á
framvindu verksins féll mun betur í
kramið hjá áhorfendum en breyting
Muscato á Carmen. Í báðum tilvikum
var þó engu breytt í tónlistinni, að-
eins framkomu og innræti persóna.
Sjálfsvörn Carmenar
fellur í grýttan jarðveg
Ljósmynd/Pietro Paolini fyrir MMF
Blóð Marina Comparato sem Carmen
er illa útleikin af hendi Don José.
Leikarar kvikmyndarinnar Three
Billboards Outside Ebbing, Missouri
hlutu flest verðlaun á verðlaunahátíð
Sambands kvikmynda- og sjón-
varpsleikara í Bandaríkjunum,
Screen Actors Guild (SAG), í fyrra-
kvöld. Leikhópur myndarinnar var
verðlaunaður í heild sinni fyrir frum-
úrskarandi leik auk þess sem Fran-
ces McDormand var verðlaunuð sem
besta leikkona í aðalhlutverki og
Sam Rockwell sem besti leikarinn í
aukahlutverki.
Gary Oldman var verðlaunaður
sem besti leikari í aðalhlutverki fyrir
túlkun sína á Winston Churchill í
myndinni Darkest Hour, Allison
Janney hlaut verðlaun sem besta
leikkonan í aukahlutverki í I, Tonya.
Í frétt The New York Times um
verðlaunin er bent á að allir fjórir of-
annefndir leikarar hafi einnig unnið
Golden Globe-verðlaunin fyrr í mán-
uðinum fyrir túlkun sína sem auki til
muna líkurnar á því að þeir hreppi
einnig Óskarsverðlaunin eftirsóttu.
Líkt og við Golden Globe-verð-
launaafhendinguna fór á verðlauna-
afhendingu SAG mikið fyrir baráttu
kvenna gegn kynferðislegri áreitni
og ofbeldi sem fram fer undir merkj-
um #metoo. „Í sannleikanum felst
kraftur og konur eru að öðlast
kraft,“ sagði Gabrielle Carteris, for-
seti SAG, við verðlaunaafhend-
inguna. „Við erum stödd í miðri
menningarbyltingu.“ Í fyrsta sinn í
24 ára sögu verðlaunanna sáu konur
einar um að afhenda verðlaunin og
var það gert vegna #metoo og
kvennagöngunnar sem fram fór í
Bandaríkjunum um helgina.
Ferlinum ljúki ekki um 40 ára
Rosanna Arquette, ein leik-
kvennanna sem áreittar voru kyn-
ferðislega af kvikmyndaframleið-
andanum Harvey Weinstein, var
hyllt þegar hún fór upp á svið til að
afhenda verðlaun ásamt Marisu
Tomei sem þakkaði Arquette fyrir
að rjúfa þögnina. „Þú ert ein þeirra
sem rufu þögnina og við stöndum í
þakkarskuld við þig,“ sagði Tomei
við Arquette. Verðlaunahafar vísuðu
í #metoo-byltinguna í þakkarræðum
sínum og Sam Rockwell sagði hana
„löngu tímabæra“.
Í fyrsta sinn í sögu verðlaunanna
var sérstakur kynnir og hefur leik-
Verðlauna-
helgi að baki
Julia Louis-Dreyfus oftast unnið
Eitt af undrunarefnum íslenskrar
listasögu er að ljósmyndunin er eldri
en málaralistin,“ segir Katrín Elvars-
dóttir sýningarstjóri samsýningar-
innar Þessi eyja jörðin sem var opnuð
um liðna helgi í Ljósmyndasafni
Reykjavíkur. Og Katrín bætir við að
landslagsljósmyndun hafi verið ráð-
andi í íslenskri ljósmyndalist og gegnt
því lykilhlutverki að kynna Ísland á
alþjóðavettvangi og viðhalda þjóðern-
isvitund Íslendinga. Hún ákvað að
velja á sýninguna verk fimm ljós-
myndara sem eru komnir mislangt á
myndlistarferlinum en vinna allir með
persónulega nálgun við landslag og
náttúru. Hún tekur í nálguninni mið
af þeirri sýn á Ísland sem meðal ann-
ars hefur birst í verkum erlendra
kvikmyndagerðarmanna, sem hafa
notað landið „sem baksvið fyrir sögur
af ætt vísindaskáldskapar um geim-
ferðir og framandi reikistjörnur“, auk
þess sem „sem geimfarar frá Geim-
rannsóknastofnun Bandaríkjanna,
NASA, æfðu sig í íslensku hrauni fyr-
ir akstur á fjórhjólavagni á tunglinu.
Það er því kannski engin tilviljun að
heitið – Þessi eyja jörðin – er fengið
frá gamalli Hollywood-kvikmynd úr
flokki vísindaskáldskapar,“ segir hún.
Listamennirnir eru þau Stuart
Richardson, Kristín Sigurðardóttir,
Claudia Hausfeld, Pétur Thomsen og
Hallgerður Hallgrímsdóttir.
„Verkin eiga sameiginlegt að vera
prófsteinar á veruleikaskynjun okkar
þegar kemur að myndheimi náttúru
og landslags.
Sýninguna setti ég upphaflega
saman að ósk stjórnanda Galleri
Image í Árósum sem vildi fá sýningu
með íslenskri samtímaljósmyndum
þegar Árósar voru ein af menningar-
borgum Evrópu í fyrra,“ segir Katr-
ín. Hún er sjálf ein okkar þekktustu
samtímaljósmyndara en er hér í hlut-
verki sýningarstjórans.
„Ég ákvað strax að setja saman
sýningu sem byggðist á landslags-
ljósmyndun, með hliðsjón af til að
mynda sýn erlendu kvikmyndagerð-
armannanna sem kjósa að staðsetja
framtíðarkvikmyndir hér, og verk
þessara listamanna komu fljótt upp í
hugann. Ég hitti þá reglulega og
fylgdist með þeim þróa seríurnar
áfram en það samtal varði í um eitt og
hálft ár áður en sýningin var opnuð.
Þegar síðan var ákveðið að sýn-
ingin færi upp hér í Ljósmynda-
safninu var ljóst að fjölga þyrfti verk-
unum nokkuð, þar sem salurinn er
stærri hér, en þá bættum við við fleiri
verkum úr seríunum.“
Katrín segir sýninguna ferðast
áfram. „Í vor verður hún sett upp í
Norrænu ljósmyndamiðstöðinni í
Oulu í Finnlandi. Það er frábært að
verkin sjáist sem víðast og fleiri
stofnanir hafa sýnt sýningunni
áhuga,“ segir Katrín. efi@mbl.is
Morgunblaðið/Hari
Landslagssýn Katrín Elvarsdóttir hafði hliðsjón af sýn erlendra kvikmyndagerðarmanna sem kjósa að staðsetja
framtíðarkvikmyndir hér á landi þegar hún valdi verk og listamenn á sýninguna í Ljósmyndasafni Reykjavíkur.
„Prófsteinar á veru-
leikaskynjun okkar“
Katrín Elvarsdóttir er sýningarstjóri Þessi eyja jörðin