Morgunblaðið - 23.01.2018, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 23. JANÚAR 2018
Missagt var í frétt á forsíðu
Morgunblaðsins í gær, sem
byggðist á viðtali á blaðsíðu 6 við
Skarphéðin Berg Steinarsson,
nýjan ferðamálastjóra, að hann
teldi komugjöld af farþegum sem
koma til landsins besta kostinn til
að fjármagna uppbyggingu inn-
viða í þágu ferðaþjónustunnar. Að
mati ferðamálastjóra er slík inn-
heimta aðeins ein þeirra leiða sem
koma til greina í fyrrnefndu
skyni. Þjónustu- og notendagjöld
eru þó besti kosturinn í stöðunni,
að hans mati.
Fréttin á forsíðu var því efnislega
röng og fyrirsögn hennar ekki í
neinu samræmi við efni viðtalsins
sem vitnað var til. Beðist er vel-
virðingar á þessum mistökum.
LEIÐRÉTT
Telur þjónustugjöld
vera besta kostinn
LEYNIVOPN ÞJÓÐARINNAR
* Til að DHA skili jákvæðum áhrifum
þarf að neyta 250 mg á dag.
OMEGA-3
FYRIR SJÓN
OG AUGU
Omega-3 augu er ný vara frá Lýsi
sem er einkumætlað að viðhalda
eðlilegri sjón.
Omega-3 augu inniheldur lútein,
zeaxanþín og bláberjaþykkni. Ásamt
omega-3 fitusýrunni DHA*, sinki og
ríblóflavíni (B2 vítamín) sem stuðla
að viðhaldi eðlilegrar sjónar.
Fæst í öllum helstu apótekum landsins.
BAKSVIÐ
Helgi Vífill Júlíusson
helgivifill@mbl.is
Vísbendingar eru um að á árinu 2017
hafi fjárfestingar lífeyrissjóða er-
lendis verið á bilinu 120-130 millj-
arðar að minnsta kosti. Þetta segir
Gunnar Baldvinsson, fram-
kvæmdastjóri Almenna lífeyrissjóðs-
ins og formaður starfshóps um hlut-
verk lífeyrissjóða
í uppbyggingu at-
vinnulífs sem for-
sætisráðherra
skipaði í fyrra-
sumar á blaða-
mannafundi.
Lífeyrissjóð-
irnir sátu fastir í
fjármagnshöftum
í átta ár þar til í
mars á síðasta
ári. Þeir gátu því ekki fjárfest er-
lendis fyrr en þá. Á sama tíma
greiddu landsmenn meira í sjóðina
en þeir tóku út. Hlutfallið hefur því
lækkað úr 30% árið 2006 í 23% árið
2016.
Auki vægi erlendra eigna
Starfshópurinn telur mikilvægt að
lífeyrissjóðir stefni á að auka vægi
erlendra eigna til að draga úr um-
svifum í innlendu hagkerfi og auka
áhættudreifingu, segir í skýrslu sem
birt var á föstudag.
„Með hliðsjón af aukinni erlendri
fjárfestingu lífeyrissjóða töldum við
ekki ástæðu til að ganga lengra og
leggja fram tillögu um gólf á erlenda
fjárfestingu,“ segir Gunnar og nefnir
að í þessu felist að brýnt sé fyrir líf-
eyrissjóðum að fjárfesta erlendis í
ríkara mæli. Að hans sögn stefna líf-
eyrissjóðir á að „auka verulega vægi
erlendra eigna“. Aðspurður segir
hann að lífeyrissjóðir gætu náð hlut-
fallinu í 40% á sex til átta árum án
þess að selja innlendar eignir.
„Við viljum líka að stjórnvöld fylg-
ist með þróuninni,“ segir Gunnar.
Hópurinn leggur til að stjórnvöld
semji skýrslu á árinu 2020 um vægi
erlenda eigna lífeyrissjóða til að
meta hvort ástæða sé til að endur-
skoða lagaákvæði um heimildir líf-
eyrissjóða.
Fram kemur í skýrslunni að í al-
þjóðlegum samanburði séu erlendar
eignir íslenskra lífeyrissjóða með
minnsta móti. Í samanburðarlöndum
sé algengt að hlutfallið sé yfir 40% af
heildareignum. Holland og Sviss séu
með álíka stóra lífeyrissjóði í hlutfalli
af vergri landsframleiðslu en hjá
þessum þjóðum sé hlutfallið 81% og
41% svo dæmi sé tekið.
Erlendar eignir eru mikilvægar
fyrir áhættudreifingu, sérstaklega
fyrir lítil hagkerfi eins og Ísland.
Hér á landi er atvinnulífið tiltölulega
einhæft og samtvinnað og því getur
samdráttur haft víðtæk áhrif, að því
er segir í skýrslunni.
Heyrst hafa raddir um að stórfelld
eignakaup lífeyrissjóða í útlöndum á
komandi árum kunni að veikja gengi
krónunnar. Starfshópurinn bað Hag-
fræðistofnun að svara þeirri spurn-
ingu. Niðurstaða hennar er að hugs-
ast getur að breytt eignasamsetning
lífeyrissjóðanna veiki krónuna, en
sennilega yrðu þau áhrif ekki mikil.
Fjárfest fyrir 120-130
milljarða erlendis
 Lífeyrissjóðir gátu fjárfest erlendis í fyrra eftir átta ára bið
Erlendar eignir lífeyrissjóða 2005-2017
Sem hlutfall af heildareignum
30%
28%
26%
24%
22%
20%
18%
2005 2006 2007 2008 2009 2010 2011 2012 2013 2014 2015 2016 2017
Heimild: Seðlabanki Íslands
Gunnar
Baldvinsson
Félag í eigu Reynis Karlssonar
hrl. og Braga Sveinssonar bókaút-
gefanda hefur keypt helming allra
nemenda-, starfsmanna- og hótel-
íbúða Háskólans á Bifröst fyrir
580 milljónir króna. Samkvæmt
upplýsingum Morgunblaðsins
hyggst félagið halda áfram upp-
byggingu á ferðaþjónustu á staðn-
um. Um 100 íbúðir eru enn í eigu
íbúðafélags á vegum skólans og
verða ekki seldar. Hafa nemendur
skólans og starfsfólk þær á leigu.
„Þróun í átt til fjarnáms á síð-
ustu árum hefur gjörbreytt öllum
forsendum um rekstur og nýtingu
íbúðarhúsnæðis á Bifröst en nú
eru um 80% nemenda skólans í
fjarnámi en hann er í fararbroddi
meðal íslenskra háskóla á því
sviði,“ segir Vilhjálmur Egilsson,
rektor á Bifröst.
Skuldir íbúðafélaga Háskólans á
Bifröst hafa íþyngt rekstri þeirra
undanfarin ár. Áhvílandi skuldir,
sem eru aðallega við Íbúðalána-
sjóð, hafa verið langt umfram það
sem rekstur þeirra stendur undir.
Vilhjálmur segir að salan hafi ver-
ið gerð í samráði við Íbúðalána-
sjóð. „Söluandvirði eigna rennur
nánast alfarið til sjóðsins,“ segir
hann. Íbúðalánasjóður afskrifar
háar fjárhæðir í kjölfarið eða um
1.700 milljónir króna. „Ljóst var
þegar á árinu 2007 að reksturinn á
þessum íbúðum væri ekki að
ganga upp en það er fyrst nú að
niðurstaða fæst í málin,“ segir Vil-
hjálmur.
Kaupendur íbúðanna á Bifröst
eignast hluta þess húsnæðis sem
skólinn notar nú undir kennslu,
skrifstofur og bókasafn. Þá taka
þeir yfir rekstur hótelsins á staðn-
um, en skólinn hefur rekið það
undanfarin ár. Vilhjálmur segir
ljóst að endurskipuleggja þurfi
notkun á húsnæði skólans í kjölfar-
ið og flytja til. Miklar breytingar
þurfi að verða um garð gengnar
fyrir upphaf næsta skólaárs til
þess að aðstaða nemenda verði
áfram eins og best verður á kosið.
Aldargamall í ár
Háskólinn á Bifröst starfar á
grunni Samvinnuskólans sem
stofnaður var í Reykjavík í desem-
ber 1918. Hann fagnar því 100 ára
afmæli á þessu ári. Stefna skólans
a.m.k. 4 ár fram í tímann er end-
urnýjuð árlega í framhaldi af
stefnumótunarfundi starfsfólks og
aðkomu stjórnar skólans. Síðast-
liðið haust var ákveðið að halda að
auki sérstakan fund þar sem leitað
var eftir breiðri þátttöku frá bak-
landi skólans. Í kjölfarið gerði
stjórn skólans samþykkt þar sem
skólinn er skilgreindur sem við-
skiptaháskóli og er m.a. ákveðið að
nýtt námslíkan verði þróað fyrir
nám með búsetu á Bifröst. Þá seg-
ir stjórnin að Háskólinn á Bifröst
sé opinn fyrir samstarfi og jafnvel
sameiningu við aðrar stofnanir á
háskólastigi í næsta umhverfi eða
á landsbyggðinni.
gudmundur@mbl.is
Morgunblaðið/Árni Sæberg
Bifröst Í kringum háskólann og hótelreksturinn hefur myndast vísir að
þorpi á staðnum. Auk skólans verður þar áfram rekin ferðaþjónusta.
Helmingur íbúða
á Bifröst seldur
Starfshópurinn leggur til, að
því gefnu að lágmarksiðgjald í
lífeyrissjóð verði hækkað úr
12% af launum í 15,5%, að
stjórnvöld skoði í samráði við
hagsmunaaðila að lögum
verði breytt þannig að ein-
staklingar fái auknar heimildir
til að ráðstafa viðbótarlífeyr-
issparnaði til húsnæðissparn-
aðar og jafnframt að sjóð-
félagar geti ráðstafað 3,5% af
15,5% lágmarksiðgjaldi í sér-
eign eða til húsnæðissparn-
aðar.
Einstaklingar sem leggja
fyrir 15,5% af launum í lífeyr-
issjóð alla starfsævina, munu
safna upp tiltölulega góðum
eftirlaunaréttindum. Með við-
bótarlífeyrissparnaði geta eft-
irlaun jafnvel orðið meiri en
atvinnutekjur, segir í skýrsl-
unni.
Auknar
heimildir
VIÐBÓTARLÍFEYRIR
Aldrei hafa fleiri Íslendingar lagt
mannréttindabaráttunni lið í hinni ár-
legu herferð Amnesty International
Bréf til bjargar lífi eins og árið 2017.
Alls voru tíu mál einstaklinga og hópa
sem sæta grófum mannréttinda-
brotum tekin fyrir og söfnuðust
95.224 undirskriftir, bréf, stuðnings-
kveðjur, sms- og netáköll þolendunum
til stuðnings, segir í tilkynningu frá Ís-
landsdeild Amnesty International.
„Það verður að teljast undraverður
árangur enda var Ísland á pari við
undirskriftasafnanir í löndum eins og
Svíþjóð og Bandaríkin, lönd sem telja
milljónir og hundruð milljóna íbúa.
Þessi einstaki samstöðumáttur Íslend-
inga er þakkarverður og við vitum að
hann skilar raunverulegum breyt-
ingum í lífi þeirra sem minnst mega
sín,“ segir í tilkynningunni.
Metþátttaka í Bréf
til bjargar lífi 2017
Sundlaug og menningarmiðstöð í Úlfarsárdal verður boð-
in út. Það var ákveðið á síðasta fundi borgarráðs að heim-
ila umhverfis- og skipulagssviði Reykjavíkurborgar að
bjóða út áframhaldandi framkvæmdir á skóla og íþrótta-
mannvirkjum í Úlfarsárdal.
Framkvæmdir hafa staðið yfir við skólamannavirki í
Úlfarsárdal frá árinu 2015 og var fyrsti áfanginn, 820 fer-
metra leikskólabygging, tekinn í notkun haustið 2016.
Þessi misserin er verið að byggja grunnskólann sem er
6.852 fermetrar að stærð. Stefnt er að því að fyrsti hluti
hans verði tekinn í notkun í haust. Lagt er upp með að hefjast handa við að
byggja menningarmiðstöð ásamt inni- og útisundlaug en einnig sameiginleg
rými sem tengir grunnskólann, menningarmiðstöðina og sundlaugina í apríl
á þessu ári. Áætlað er þessi áfangi kosti 3.300 milljónir króna sem er með
stærri útboðum hjá Reykjavíkurborg, segir í tilkynningu frá borginni.
Úr Úlfarsárdal.
Áframhaldandi uppbygging í Úlfarsárdal